سيارات للبيع السعر مفاجاه للمشترين

[amro1965]

السلا م عليكم ورحمه الله وبركاته
انا من الاعضاء الذين يوادون شراء سيارة مستعملة بعد مابعت سيارتى موديل الثمانينات وبدأت ابحث عن سيارة فى حدود 20 الى 25 الف جنيه بدور على موديلات تسعينات لكنى اكتشفت ان اغلبيه العارضين سيارتهم طالعين فى العالى جدا بفارق 5 الاف جنيه عن سعر السوق
تجد عضو بيعرض سيارته موديل ثمانينات طالب سعر يزيد عن سعر السوق الحالى بكثير هو مش عايز يبيع هو عاوز يقيم فقط
لعلم حضراتكم مش هذ الموقع ده اللى بيزيدوا الاعضاء فى سيارتهم بالعكس فى مواقع اخرى نفس الزياده بيبيعوا بيع غناوى بمعنى كل عضو بيجرب يشوف سيارته تجيب كام
اللى اعرفه ان الشخص الذى يريد بيع سيارته يعرض سعر فى المعقول مش شايف السوق كله نازل الارض وهو طالع بسيارته السماء
فى موقع مصراوى الاسعار فيها معقوله جدا وموقع كونكت كار برضه اسعاره معقوله واغلبيه السيارته المعروضه بسعر معقول بتتباع فورا لانى متباع جيد لهذه السيارات وبتصل باصحبها
الا مواقعنا الحاليه عارضوا سيارتهم بيلعبوا بينا باسعارهم الفلكية لان لو فعلا ناوين بصدق البيع امامهم طريقين لا ثالث لهم مواقع البيع المباشرة وليست منتدياتنا او سوق السيارات لان اللى انا شابفه ومتابعه 95 فى المائه بيقيموا سيارتهم والباقى فعلا عايز يبيع لانه ببيبان من السعر
اتمنى من اصحاب السيارات التحكم لسعر السوق
اتمنى من الاعضاء الذين يودون الشراء وانا منهم ان نصبر حتى السنه الجديدة هنضرب عصفورين بحجر واحد
اولا هزيد المبلغ الذى معنا باذن الله
ثانيا هنشترى موديل اعلى بامكانيات اعلى وبعيد عن سيارات الثمانينات مهما كانت حالتها 0
ثالثا نقول للاعضاء البيع الغناوى خليها معاك ابققى خللها يمكن تنفعك فى رمضان القادم يمكن تجد لها سعر يناسبك
هذه مواقع بتبيع فعلا وليس تقيم
ContactCars | السيارات المستعملة
سيارات مستعملة للبيع

اتنمنى من الاعضاء مشاركتى فى هذا الرأى هل انا على صواب ام خطأ

[MoMohsen]

انا احب اوضح لحضرتك حاجة معظم السيارات اللى بيطلب فيها صاحبها سعر منخفض بيكون فيها ملعوب و على سبيل المثال امبارح انا نزلت سوق السيارات مش فى دماغى شراء ولكن فقط لتقييم السوق و كانت بجد تجربه مفيدة منها انك بتعرف التمن الحقيقى للعربيه و دة بناء على تقييمك مش كلام صاحب العربيه و الثانى انك بتكتسب خبرة من التعامل مع كل النوعيات دة تاجر ودة فعلا صاحب العربيه وغيرة.
المهم انا كنت بشوف النوبيرا و اسعارها و كان التفاوت فى الاسعار غريب يعنى لو افترضنا موديل 2001 هتلاقيه بادء من 45000 الى 53000 و ممكن تلاقى واحد عربيته مرشوشه كامله من الخارج وطلب تمن عالى واخر عربيته فابريكة برة وطالب تمن معقول و الاتنين جنب بعض و فى الاخر العربيتين مبيتبعوش لان اللى تمنها عالى هتقول اكيد دة بيستهبل و اللى تمنها معقول هتقول العربيه اكيد فيها حاجة لو كانت كويسه ماكنتش استنت لحد دلوقتى.
و انا ليا رأى فى شراء المستعمل و هو انك لو هتشترى العربيه اغلى من تمن السوق الف او الفين بس تكون واثق فيه يعنى تكون عربيه بيتى احسن 100 مرة من انك تشترى عربيه تمنها لرخص من السوق و بعدين تلبس فيها و كل يوم تبقى عند الميكانيكى.

[amro1965]

صديقى العزيز انا مثلك تماما ممكن ادفع الف زيادة عن سعر السوق بشرط اخذ عربيه متتعبنيش فى المستقبل لكن اللى انا شايفه من تجربتى خلا عشرين يوم من بيع سيارتى ان الكل مش مقتنع ان السوق نازل ومعلى سعر عربيته من 4 الى 5 الاف جنيه ده اولا
ثانيا ان مش عايز اروح السوق لسببين
السبب الاول 50 فى المائه تجار 40 فى المائه سيارات واقعه فعلا لانى منذ 3 سنوات قبل ماشترى سيارتى السابقه رحت انا وخبير سيارات انا سبقته الاول الى السوق كنت ناوى اشترى فيات 128 شفت سيارات عرايس من وجه نظرى لكن عندما جه معى خبير السيارات المستعمله لم يدخلوا دماغه الا سيارة واحده كانت موديل 90 وصاحبها طالب 26 الف جنيه وصلناه له 25 رفض ورجعت ومشترتش
و 10 فى المائه فعلا سيارات كويسه لكن انت كل مره هتأخذ معك خبير سيارات مستعمله حتى لا تقع فى سيارة تعبانه بالطبع لا
انا من خلال هذا الموقع استفدت كتير على الاقل عرفت اقيم سيارة تقييم مبدئى لو ارتحت لها ولسعرها يصبح الفيصل لاصحاب الراى لو وافقوا يبقى على بركة الله حتى لو زود عن مبلغى 1000 جنيه مش مشكله ولو رفضوا يبقى مليش نصيب افضل من ان اقع ضحيه سيارة تعبانه
لكن اللى انا بشوفه من اصحاب السيارات المستعمله التى يتم عرضها على هذا المنتدى شىء مؤسف للغايه هما عايشين فى وادى والاسعار فى وادى اخر
من الاخر بيتلاعبوا بينا لان كل منا كمشترين نفسه يتشرى عربيه كويسه
اما فى المواقع التى وضعتها فى مداخلتى توجد سيارات كثيرة معروضه وبين البايع الفعلى الجاد فى البيع وبينك كمشترى بعد معاينتك الشامله للسيارة سعر وافق اهلا وسهلا
انت فى هذه الحاله بتكسب معرفه وخبرة كمان
شكرا اخى العزيز على مداخلتك واتمنى ان ارى مداخلات اخرى فى هذا الموضوع

[amro1965]

بعض من اسعار السيارات المباعه

مقتطفات من اصحاب سيارات بيعرضوا سياراتهم باسعار رخيصه جدا وتحرق الدم
السيارة موتور 1116 سى سى حالة الموتور 90%
•موديل الصنع 1978 المانى فئة السيارات الرياضية
•فرش الصالون جديد (فرش جلد ) اسود فى بيج طارت القيادةأسبور وصالون رياضى .
•جميع العدادات والإضاءة الخارجيةالداخلية تعمل بكفاءة .
•زجاج كهربا مفاتيح الزجاج مفاتيح جلفالمانية
•أربعفرد كاوتش تيبلس جديد حتى الاستبن تيوبلس
•بطارية 1 شهر 70 امبير جديدةبالضمان
•حالةالفرامل والعفشة جيدة حتى فرمل اليد تعمل جيد جدا
•الحمد لله خالية من البرومة – دهانميتلك فرن (فضى فى اسود)
•الكاستو2 سماعة 700 وات ومجهز لاستعمال mp3
•الرخصة 3سنوات تنتهى 11/2011 مرور الشرقية –البيعتسجيل
• موبينة المانى جديدة وطقم ابلاتين وكوندينسر
• جلب مقصات خلفية جديدة + 2 مقص امامى جديد
•السعر 15000 جنيه قابل للتفاوض

شباب انا محتاج ابيع عربيتي128 موديل1977 لاني نفسي اشتريعربية
اوبترا جديدة

فايريت اللي عايز يشتريها يرد علياعلطول وعموما انا مغيرلها كل حاجة يعني يدوب
اللي جاي هيركبها علي طولوكمان ان شاء الله هرخصها بكرة كمان
يعني كلة في السليم ومش محتاجة ايحاجة خالص
السعر 14000 جنيه
يايريت يا شباب اللي عايز يرد عليا علطول

للبيع لادا 1600 (2106) مو 83 1500cc بحالةفبريكة أول يد، حالة ممتازة جدا رخصة حتى 9/2010
مطلوب 22000 والسعر غير نهائي

ايه راى المشترين اتمنى ان اسمع رايهم

[DR.M]

استاذي
عذرا.... مش مظبوط خالص الكلام ده
اشتري رخيص واصــــــــــــــــــــــــــــــــرف براحتك (هتطلع اغلى)
ثم (من حكم في ماله ما ظلم)
يمكنك الشراء يسعر السوق من السوق

[smsm_cato]

ياريت بلاش اسلوب السخرية ده ولو مش عاجبك كلام الناس ولا اسعارهم متردش ومتحرقش دمك ولما تبقى تشوف العربية وتعاينها ابقى احكم على السعر عالى ولا لأ واظن اا بعتلك سعر الخاص بخصوص عربيتى بس للاسف اللى ظاهر انك خسارة فيك الوقت اللى الواحد كتب فيه الرد ليك بسبب اسلوبك السخيف ده

[magedfarid]

السلام عليكم ورحمة الله وبركاته

يا سيدي الفاضل انت تريد الشراء بسعر السوق اذا يجب عليك التوجه للسوق لتشتري يعني ببساطه ما ينفعش الاقي اسعار السوق الا في السوق

سؤال : الامثله التي ذكرتها على انها هايله لماذا لم تشتري منها وفضلت البقاء للعام المقبل فهي في حدود المبلغ الذي تريد

وعلى فكره مين اللي قال ان السوق 50% تجار يا عزيزي نسبه التجار في السوق لا تقل عن 75% واعتقد انها ممكن توصل 80 %

[eg_falcon]

استاذي
عذرا.... مش مظبوط خالص الكلام ده
اشتري رخيص واصــــــــــــــــــــــــــــــــرف براحتك (هتطلع اغلى)
ثم (من حكم في ماله ما ظلم)
يمكنك الشراء يسعر السوق من السوق

و الله يا جماعة اللي بيحط فلوس في عربيات موديلات قبل سنة 80 دا حد قلبه ميت يعني الحكومة عاملة تقول هنكهن القديم و نخرده و الناس مش في دماغها مش عارف فاكرين ان الحكومة هتكهن كل العربيات الا العربية دي و الا ايه وجهة النظر او ممكن يكونو عشمانين في الحكومة عشم ابليس في الجنة ان يبقى فيه تسهيلات تيسر على المواطنين عملية شراء الجديد يعني احتمال فاكرين الحكومة حتدعم العربيات زى العيش اللي بتفكر اصلا تشيل الدعم عنه فيا ريت برده حد يقولنا وجهة نظره في الموضوع دا يمكنحد شايف حاجة احنا مش شايفنها ودا اللي مخلي حد ممكن يعرض عربية قبل سنة 80 على 15 و 20 كمان بصرف النظر عن الماركة او الحالة لانه كله في الاخر تحت المكبس سواء

[amro1965]

انا اسف اخى العزيز ان وجه نظرى زعلتك
وبعيد عن مساله البيع والشراء ده مجرد وجه نظرى الشخصية التى شاهدتها على مر عشرون يوما من متابعه حاله السوق لم اجد شخص واحد الا ومزود على سعر سيارته اكثر من ثلاثه الاف جنيه بيقيمها مش بيبعها
وربنا يوفقك فى بيع سيارتك بالسعر اللى يناسبك ويخلفك عنها سيارة افضل منها مائه مرة
وانا اسف لثانى مرة

[amro1965]

سؤال : الامثله التي ذكرتها على انها هايله لماذا لم تشتري منها وفضلت البقاء للعام المقبل فهي في حدود المبلغ الذي تريد


وعلى فكره مين اللي قال ان السوق 50% تجار يا عزيزي نسبه التجار في السوق لا تقل عن 75% واعتقد انها ممكن توصل 80 %

اخى العزيز magedfarid
النوعيات المعروضه هى مصداق لكلامى ان العارضين فى منتدياتنا معلين اسعارهم جدا لا اكثر ولا اقل وان حبيت اضعها فى المداخله فقط لا غير

اما مسأله التكهين والاحلال ده مسأله نسبه صدقها مساوى لنسبه فشلها لكننا لا يمكن ان نغفل عنها
انا محتاج سيارة مابين عشرون وخمسه وعشرون الف موديل تسعينات وكل منا له تطلعات فى السيارة التى عايز يقتنيها حسب امكانياته وقطع غيارها واكسسوارتها يصطدم بسيارات اى نعم سيارات عاشت معنا وكويسه لم نقل شيئا لكن مش بالارتفاع الشاسع خير الامور الوسط وده لا يتحقق الا مع البائع الصادق فقط الذى يعرف سيارته جيدا وناوى البيع فعلا
عموما اعتذار عام لكل المشاركين بارئهم
انا اسف

[amro1965]

اعرض عليكم بعض اسباب البيع السيارة وعليك الحكم على مع من نتعامل
1 سيارة تعبانه وتعبه صاحبها ويريد التخلص منها
2 سيارة حالتها متوسطه لكن ممشية صاحبها بيعرضها بسعر عالى أو سعر غناوى بيحاول يضرب عصفورين بحجر واحد هو يعرف جيدا سعر السوق لو جابت له السعر الذى عارضه هيبيع فورا وبدون تردد لانه متأكد انه سوف يشترى افضل منها لانه يعرف سعر السوق وان لم يبيع اه عرف من الاخر عربيته لو حب يبيع هتجبله كام من الاخر
3 - سيارة صاحبها حالتها جيده جدا لكن امكانياته اصحبت لا تستحمل عبء الاسرة الحاليه فيريد ان يبيعها ويشترى سيارة اخرى بامكانيات اعلى وهذا الشخص لو جاله سعر معقول بيبع ومبيفكرش لانه فعلا عامل حسابه انه هيبيع وهيكمل وهيشترى سيارة اخرى
4 سيارة حالتها جيدة لكن امكانياتها لا تتوائم مع صاحبها سواء من حيث كثرة الانتقال او خط سير ذهاب وايابا للسيارة الطريق تعبان فدائما عفشتها تتعب ووتعبك كمان وانا واحد من هذه الانواج عرضتها وبعتها ومبصتش للخسارة بقدر مانظرت للسيارة القادمه كموديل وامكانيات اعلى 0
5 سيارة ممتازة صاحبها مضطر لبيعها لفك كرب الم به لا سمح الله اللهم فك كرب المكروبين وسد دينهم قادر ياكريم
فهذه بعض نماذج يعرضون سياراتهم فيجب ان تنظر مع من تتعامل
انا اسف للاطاله

[Samir Elshahawy]

أخي الكريم ..
أتفق معك تماما في هذا الرأي و أود ان أضيف تعليق بسيط جدا و هو ان من يريد ان يبيع حقا بيقدر سيارته بسعرها الحقيقي و ليس بسعر مبالغ فيه بل علي العكس في بعض الاحيان بيكون السعر أقل بحوالي ألف أو ألفين علشان ينهي البيعة بسرعة بسبب الخوف من تقلبات السوق المذبذب

علي فكرة انا بعت عربيتي هنا في المنتدي و عن طريق المنتدي و بسعر أقل من سعرها بحوالي ألفين جنيه علشان مقتنع بأن الاسعار لازم تنزل و أن زي ما بأطالب بخفض سعر الجديد لازم كمان أساهم بشكل عملي (لو أقدر) في هذا الخفض

و تقبل خالص تحياتي
م/ سمير الشهاوي

[ahmedelzeeny]

فعلا يا جماعه الموضوع ده مهم جدا وانا كنت هتكلم فى نقطه الاسعار دى لان الاسعار هنا فى المنتدى مبالغ فيها جدا جدا جدا يعنى يا جماعه يرضى مين لما عربيه فولكس حتى لو حالتها ممتازة ومفيهاش اى اضافات عشان محدش يقول ممكن يكون فيها طقم صوت غالى معلى سعرها لأ دى فاضيه وموديل 74 وهى سعرها 7000 جنيه يقولك مطلوب 19000 ويقول كمان ياريت الناس اللى مش بتعرف فى الفولكس متفتيش ده كلام بالزمه ويجى اللى يدايق ويقولك طب ما تروحو تشترو من التجار فى السوق ما انا روحت السوق مفيش الاسعار دى وواحدوالفيات ال 127 الاقى سعرها فى السوق 6و7 بالنسبه للباب الواحد وسعر ال 4باب 8000 و 9000 ودى لما تكون حالتها ممتازه انما هنا تلاقى ال127 اللى يقولك 14000 و15000 مش عارف بيجيبوا الاسعار دى منين انا رأيى لو كده يبقى التجار ارحم ميه مره

[amro1965]

على فكرة انا سيارتى منذ حوالى ثلاث فيات ريتمو موديل 84 دواخل فابريقة اشتريتها بمبلغ 20250 جنيه ولما بعتها علشان منطقتى مطباتها كتير وعفشتها بتتأثر دائما وبسبب نزول الاسعار الحاليه بعتها بمبلغ 14 الف جنيه لانى شايف سعر السوق بالاضافه ان كل السيارات بجميع موديلاتها نزلت من 3 الى 5 الاف جنيه خلال السنتين الماضيين فققرت البيع بهذا السعر وانا عارف ان شاء الله لما هشترى سيارة وموديل اعلى بسعر السوق الذى بيعت بيه بافضل سعر فى عربيتى اعزائى اصحاب السيارات سعر السوق هو الحكم بين البائع والمشترى اما ان تزود الزياده العاليه مش مستحبوشكرا لمداخلتى

[smsm_cato]

اديك قولتها برده ان فى ناس بتبيع لحالات متعددة ومنها ان العربية تكون جيدة مع صاحبها ولكن عبء الاسرة لا يتحملها يبقى مش لازم اى حد يعرض عربيتة نخسف بتمنها الارض