تسعير برايد عاجل

[mohamed]

معروض على كيا برايد عصفورة مو97 عاملة 60الف كيلو بدون كماليات فابريقة بالكامل
صاحبها طالب فيها 36 الف يا ترى ده سعرها ولو هينزل ينزل كام وهل تساوى هذا المبلغ
علما بانها استخدام سيدة ... رجاء يا اخوانى سرعة الرد

[mohammed tanta]

بص يا باشمهندس محمد في واحد جاري في العماره بيبع عربيه زوجتة وهي كيا برايد ٩٩ الكوري وطالب فيها ٣٥ الف مع العلم ان مراتو استخدمها ليها بسيط لانهم عندهم عربية تانية فمبالك انت بتتكلم علي مو ٩٧ وبدون كماليات وعلي فكره انا رايي ان البرايد دي حلوه لشاب لان استهلاك البنزين بتاعها قليل جدا وكمان قطع الغيار متوفره والاهم من السعر هي حالة العربيه ايه نصحتي ليك شوف دي وشوف دي والي حالتها احس جيبها ولو عاوز نمرته ابقي اجبهالك . ة

[mohamed]

شكرا على الرد يا استاذ محمد
طيب هى فيها كماليات ايه؟ وعاملة كام كيلو ؟ وحضرتك من سكان فين؟؟

[mohammed tanta]

انا من اسكندرية وبالنسبة للكمليات والكيلو وانا معرفش والله لكن ممكن اساله لحصرتك وارد عليك هو غالبا كان مر كبلها سماعات وكاست كويسين لاني كنت مره مايش ومراتو بتركنها وكنت سامع صوت منها لكن (عالبا البرايد الكوري الاصلي بتنزل فاضيه وفيها اماكن لنركيب التكيف خلي بالك متورها ممجهز لتركيبه عليه ودي ميزه جامد في موديل 99ه وفيها مروحتها اي مجهزه لتركيب التكيف عليها مباشرتا اما البرايد المصري (مجمعة في مصر) او الايراني ممكن بيقي فيها تكيف وبيبقي سعرها غالي عن كدا شويه لانها موديلات (2001حتي 2006)ولكن دي (الايراني )تقليد التانيه (الكوري)حيث ان الصناعه الايرانية مازالت في البدايه مش زي الكوري) وعلي فكره الموديل دا عليه طلب كبير لان استهلاكه للبنزين اقتصادي واي حد بيفهم فيه وقطع غياره رخيصه وصاجها حلو لان السيارات صجها ضعف اووي ما بعد سنة 2000واحسن 100مره من الاده المستعمله معلش انا اسف انا طولت عليك اوي لكن انا بحاول اساعدك علي اد معلوماتي البسيطة عن المو ديل ده و ربنا يهديك لافضل طريق

[haytham128]

بص يا استاذ محمد انا لسه مشترى برايد 99 كورى من كام شهر استعمال سيده و فابريكه بالكامل وحالتها ما شاء الله حلوه جدا كان سعرها 33 الف و فيها كاسيت نضيف و سماعات و زى ما قالك الباشمهندس محمد هى فيها تجهيزات التكيف و جاهز على الركوب على طول...العربيه ده حلوه جدا و الله يا استاذ محمد و فعلا احسن موديل منها هو99 و لو عندك اى استفسار انا تحت امرك

[mohamed]

اشكركم على ردودكم الصادقة ولى توضيح لسه عارفة الان ان السيارة موديل 99 مجهزة للتكييف وهتتباع بالكاسيت وهى كورى
بس فيها خابطة فى الرفرف الامامى .. تنصحونى بإيه وانا رايح افحصها .

[banboty]

انا من اسكندرية وبالنسبة للكمليات والكيلو وانا معرفش والله لكن ممكن اساله لحصرتك وارد عليك هو غالبا كان مر كبلها سماعات وكاست كويسين لاني كنت مره مايش ومراتو بتركنها وكنت سامع صوت منها لكن (عالبا البرايد الكوري الاصلي بتنزل فاضيه وفيها اماكن لنركيب التكيف خلي بالك متورها ممجهز لتركيبه عليه ودي ميزه جامد في موديل 99ه وفيها مروحتها اي مجهزه لتركيب التكيف عليها مباشرتا اما البرايد المصري (مجمعة في مصر) او الايراني ممكن بيقي فيها تكيف وبيبقي سعرها غالي عن كدا شويه لانها موديلات (2001حتي 2006)ولكن دي (الايراني )تقليد التانيه (الكوري)حيث ان الصناعه الايرانية مازالت في البدايه مش زي الكوري) وعلي فكره الموديل دا عليه طلب كبير لان استهلاكه للبنزين اقتصادي واي حد بيفهم فيه وقطع غياره رخيصه وصاجها حلو لان السيارات صجها ضعف اووي ما بعد سنة 2000واحسن 100مره من الاده المستعمله معلش انا اسف انا طولت عليك اوي لكن انا بحاول اساعدك علي اد معلوماتي البسيطة عن المو ديل ده و ربنا يهديك لافضل طريق

حضرتك مسالتش فيها كماليات ايه ؟؟

و ياريت تقول لنا لونها ايه و كام سعرها النهائي

[ahmed010]

انا عندي برايد 99 زجاج كهربا وفابريكه جوه وبره بس فيها خبطه في الرفرف ورديته علي البارد وسنتر وإنذار لول حد عاوزها يقولي

[mohamed]

طالب فيها كام وعاملة كام كيلو وحالتها العاملة ايه؟

[ZALABANY]

العربية عشان تفحصها روح اي بنزينه من بنزينات شل بيفحصوا العربيات فحص كامل ويديك تقرير شامل عن حالة الموتو والعفشة والشاسيه بس 36 ده كتير جدا عليها دي ممكن تجيب بيهم اكسيل احسن

[mohamed]

طيب ممكن تخلص على كام اخرها

[ZALABANY]

أنا ليا صديق جايب نفس الموديل من شهرين او 3 ب 32 وحالتها كويسه
بس انا انصحك لو هاتدفع فوق ال 30 ممكن تجيب حاجه افضل من البرايد عندك اكسيل وعندك ايبيزا والإتنين افضل منها

[mohamed]

الفكرة بس ان الواحد نفسه فى حاجة بيتى يا باشا zalabany2007
وانت فاهم جشع تجار السوق فكان صعب ان الاقى حاجة اكسيل بيتى

[ZALABANY]

بص يا باشا انا فاهم وجهة نظرك بس بلاش تستعجل خالص على الموضوع ده
خلينا نتكلم بواقعية شوية
أنا ركبت الجديد كله فيرنا كرولا ولانسر هوندا كل ده بره مصر لما كنت فى الدوحة
ولما رجعت استقريت في مصر ما كانش معايا غير 20 فاشتريت 28 امشي بيها نفسي لحد ما ربنا يكرم
وركبت البرايد
انا ماحسيتش بفرق كبير بينها وبين ال 28 او ال 27 من الأخر هي عربية مش محصلة العربيات الجديده في نعومتها وراحتها فى السواقة ولا هي نازله لمستوي ال 28 وال 27 هي بين الإتنين دا احساسي الشخصي بالعربية دي تحديدا اللي انا ركبتها وكانت موديل 97
حاول تدور في مواقع كتير بتنزل اعلانات وعندك الوسيط ده غير الزملاء هنا على نايل موتورز بينزلوا اعلانات وما انصحكش تشتري من تاجر
عندك عربيات كتير ممكن تلاقيها في رنج التلاتينات وهاتلاقيها تكييف وبارور من أول الريجاتا والإيبيزا والجولف والإكسيل والأكسنت ونصيحتي لو عندك اسره كمان حاول تجيب حاجه بشنطه عشان لو سافرت تنفعك برده لأن شنطة البرايد صغيره جدا
والقرار يرجعلك في الأخر
حاجاه تانية لازم تحطها في اعتبارك لو انت شاري عربيتك دي وناوي ما تبيعهاش تفرق لو كنت ناوي تغيرها بعد سنه مثلا لأن السوق المصري غريب جدا في موضوع العربيات دي فبندور على العربية اللي سوقها ماشي وما تخسرش كتير في بيعها

[mohammed tanta]

معلش يا استاذ محمد انا سأ لتلك علي العربية ولقيت الراجل بعها خلاص الف35وكانت بالكاست وحالتها زي الزيرو لانه كان بيركنها في الجراش وعامله الف 40كيلو ونصحتي ليك سيبك من المستعمل دا خالص لو تقدر تجيب 128 جديدة هتبقي احسن من المستعمل 100 مره وسعرها حوالي الجديدة 37