إعـــــــلان

Collapse

.

,
See more
See less

عايزة اعرف كدة كويس ولا لأ؟؟؟

Collapse
X
 
  • Filter
  • الوقت
  • Show
Clear All
new posts

  • عايزة اعرف كدة كويس ولا لأ؟؟؟

    انا يا جماعة بدور في المستعمل علي اتوماتيك ودي عربية معروضة للبيع وسألت عليها وصاحبها قالي مواصفتها ولكن زجاجها الامامي في شرخ بسيط عايز يتغير بيقول انه بحوالي 220 ج وان تكيفها عايز يتشحن بحوالي 120 ج وان مافيهاش حاجه تانيه وحالتها كويسة جداً وممكن نتكلم في السعر يعني بيقول مش هنختلف ......
    دايو - لانوس
    44000 جنيها
    1500 سي سي
    موديل 1999
    90000 كم
    full options automatic,electric mirror,electric front windows very good condition
    ، تكييف، سنترلوك، باور ستيرنج

    فإية رأي سعادتكم ؟؟؟ هل هي مناسبة لسعرها؟ او توصل لغاية كام ؟ وكمان ايه موضوع التكييف ده ؟ هو كده في حاجه ولا ده عادي؟؟؟؟
    ياريت تفيدوني لاني زهقت بصراحة
    وشكراً

  • #2
    بلاش الانوس الاتوماتك مش كويسة وفتسها مش حلو وعمتا كل فتيس الاتوماتك في الكوري مش كويس ... ده عن تجرية
    Mahmoud_Peugeot سابقاً
    Houda سابقا

    Comment


    • #3
      أبعدي عن الأوتوماتيك في الانوس وأكشفي على التكييف لو صادفك حد تاني وقالك أصل التكييف عايز يتشحن فريون لأنه مابيبقاش كده وبس وممكن يفتح عليكي فتحه وكمان سعرها عالي قوي دي 99 يعني أخرها 38 أو 39 لو حالتها فعلا نظيفه لكن 44 كتير جدااااااااا خلي بالك كويس
      [SIZE=5][COLOR=#000000]أنا لا أعطي مفتاحين لأحد :[/COLOR][/SIZE]
      [SIZE=6]مفتاح سيارتي ......[/SIZE]
      [SIZE=6]ومفتاح قلبي .......[/SIZE]

      Comment


      • #4
        بص، بالنسبة لموضوع التكييف عايز شحن فدى حجة البليد

        انا اللى يقوللى التكييف عايز شحن هقول له طب ومشحنتوش لية؟ الشحن بيتكلف 60 جنيه، واى واحد بيبيع عربية مكيفة مش هيستخسر 60 جنيه علشان خاطر يقيم عربيته فى عين المشترى ، يبقى اللى يقول ان التكييف عايز شحن ده عارف ان التكييف فيه كارثة اكبر من كدة قد تكون كباس او كويل او كلاهما ، فاللى يقوللك التكييف عييز شحن تقول له:" يبقى متقوليش ببيعلك عربية مكيفة" ، وعلى طول 2000 جنيه ينزلوا من تمن العربية يا إما يروح يشحنه وتجربه شغال

        اما بالنسبة للأوتوماتيك بتاع اللانوس فانصحك تجربه كويس لانه مشاكله كتير، لازم تتطمن انك واخد عربية فتيسها سليم
        [SIZE=5][COLOR=navy]سبعاوى[/COLOR][/SIZE]
        _______________________________________________

        Comment


        • #5
          طب كويس اني فهمت انا كنت فاكراها حاجه بسيطة بس كمان كل العربيات اللانوس 99 اتوماتيك اللي شفتها معروضه للبيع في نفس السعر او بين ال 44000 و 47000 انا طبعاً عارفه ان بيبقى الموضوع في كلام لكن مش مع كل الناس انا في واحد جالي من الفيوم معاه واحدة وماسك علي 46500 ومش راضي بولا 500 حتى وكمان كانت العربية لونها وحش اوي ( ذهبي فاقع او مستردة دهبي فاقع برده.... مش عارفه) وطبعاً طنشتة بس انا نفسي في عربية اتوماتيك وكمان مش قديمة اوي لان بعض اعضاء المنتدى قالولي هوندا سيفيك 92 وانا بصراحة مش عايزة قديم اوي كده وفي ناس بتقول ان معاها اللانوس اتوماتيك وزي الفل....... ايه بقا اعمل ايه؟؟؟؟

          Comment


          • #6
            اظن بعد كلام خبيرنا الهمام يبقى خلص الكلام
            خاولى تشوفى لو شاريد 1300 موديل 2000 منها اتوماتيك و راح تكون كويسه ان شاء الله و دى كانت سيدان على فكره

            Comment


            • #7
              المشاركة الأصلية كتبت بواسطة Reham Ahmed مشاهدة المشاركة
              طب كويس اني فهمت انا كنت فاكراها حاجه بسيطة بس كمان كل العربيات اللانوس 99 اتوماتيك اللي شفتها معروضه للبيع في نفس السعر او بين ال 44000 و 47000 انا طبعاً عارفه ان بيبقى الموضوع في كلام لكن مش مع كل الناس انا في واحد جالي من الفيوم معاه واحدة وماسك علي 46500 ومش راضي بولا 500 حتى وكمان كانت العربية لونها وحش اوي ( ذهبي فاقع او مستردة دهبي فاقع برده.... مش عارفه) وطبعاً طنشتة بس انا نفسي في عربية اتوماتيك وكمان مش قديمة اوي لان بعض اعضاء المنتدى قالولي هوندا سيفيك 92 وانا بصراحة مش عايزة قديم اوي كده وفي ناس بتقول ان معاها اللانوس اتوماتيك وزي الفل....... ايه بقا اعمل ايه؟؟؟؟
              بسم الله الرحمن الرحيم

              مبدأيا كدة كتير 44000 لو العربية تكييفها بايظ او عايز يتشحن زى ما هو بيقول والكلام دة
              العربية دى لو سليمة واوتوماتيك وكاملة وحالة ,, يبقى سعرها 43000 , لما تكون حالة بجد يعنى

              الهوندا سيفيك 92 عربية شبابى مش بناتى نهائى , واللى بيركبوها شباب بس , وحتى لو عاجباكى صعب جدا جدا تلاقى حالة كويسة , هى معايا وانا عارفها كويس , ودخت كذا شهر عشان الاقيها بالحالة دى , يبقى شيلى من دماغك فكرة الهوندا 92

              هقولك تعملى إية


              1 - كيا سيفيا موديلات 99 - 2000 - 2001 : عربية جميلة جدا , شكلها حلو , واسعة من جوا , اوتوماتيك , فى منها عربيات كاملة (جميع الكماليات)

              بالنسبة للسعر : الكاملة الأوتوماتيك موديل 99 : سعرها 47 الف , وطبعا اكيد فيها كلام


              2 - بروتون ويرا موديلات 2004 - 2005 : عربية جميلة برضو

              بالنسبة للسعر : الكاملة اوتوماتيك موديلات 04 , 05 : 50 الف جنية ,واكيد مش هيبقى نهائى


              دى العربيات اللى هتلاقى منها اوتوماتيك وفى نفس حدود سعر الدايو او اعلى شوية صغيرين لكنها عربيات جميلة
              فى بقى عربية لو السعر يزيد شوية عن كدة , وهى افضل حاجة فى الأوتوماتيك اللى سعرة 50 الف
              ستروين اكسارا , عربية جميلة جداً جداً وبتتباع ب 50 : 52 الاوتوماتيك

              Comment


              • #8
                انا شايف ان العربيه ده ممكن تخلص على 42 لان واضح ان صاحبها من النوع المهمل
                ازاى لسه طالع من الصيف والتكيف بايظ مش غريبه ده
                ممكن علشان تتأكدى من سلامه التكيف تتفقى معاه على سعر ويكون السعر ده بتصليح التكيف
                انا لسه شايف عربيه فى الوسيط كانت ماشيه 75 الف كم وفابريكه بالكامل مو99 كامله اوتوماتيك وصاحبها طالب فيها 47 وكمان قابل للتفاوض يعنى ممكن ممكن تزل 45 الف جنيه
                لو 45 الف و عربيه سليمه زى ما الراجل ما قالى اعتقد حلوه

                Comment


                • #9
                  المشاركة الأصلية كتبت بواسطة bassemali مشاهدة المشاركة
                  أبعدي عن الأوتوماتيك في الانوس وأكشفي على التكييف لو صادفك حد تاني وقالك أصل التكييف عايز يتشحن فريون لأنه مابيبقاش كده وبس وممكن يفتح عليكي فتحه وكمان سعرها عالي قوي دي 99 يعني أخرها 38 أو 39 لو حالتها فعلا نظيفه لكن 44 كتير جدااااااااا خلي بالك كويس
                  يا راجل حراام عليك فين الاسعار دى مفيش لانوس ممكن تقل عن 41 الف حتى لو كانت كنب
                  تعصى الاله وانت تزعم حبه هذا لعمرك فى المقال بديع
                  لو كنت تصدق حبه لاطعتــه ان المحب لمن أحب مطيع

                  عمرو راشـــــــــد

                  Comment


                  • #10
                    بصراحه هى غاليه شويه حتى لو التكيف مش شغال او شغال او ناقص فيه امنى نفسك واعتبرى انه مش شغال لو العربيه كويسه ونحب نعرف يعنى ايه العربيه كويسه وده اللى مفروض الناس تاخد بلها منه يعنى مكنتش عامله حادثه جامده علشان ممكن الواد يظبط عربيه سليمه من حيث العفشه او اى ميكانيا بس يكون على شاسيه مطبوط يعنى انا لما بشترى عربيه مشتعمله عاده ببص للشاسيه ثم الموتور علشان ابتدى اغير حاجات فيها يعنى صيانه بسيطه لابد منها على فترات ممكن التكيف يكون شغال بس
                    الموتور تعبان والعداد اللى انت بتتكلمى عنه كويس 90000 ك بالنسبه للانوس كويس مش وحش
                    ادفعى فى العربيه ده وده كلامى وصاحبها حيوافق 40500 من الاخر علشان لو التكيف شغال
                    العربيه ده بتعمل 42000 خلاص وربنا يوفق بس ياريت حد سمكرى هو اللى يشوف العربيه
                    او حد فاهم اوى علشانالناس فاهمه غلط ياجماعه لو شاسيه العربيه سليم مفيش مشكله تشترى بسعر عالى شويه

                    Comment


                    • #11
                      السلام عليكم انا عندى سيارة نوبيرا 2002 اتوماتيك جميع الكماليات دواخل فابريكة رخصة 3سنوات لونها زهبى ميتاليك حالة ممتازة فى الاصل كانت بتاعت سفيرة فى الدول العربية سعرها 53000 ت 0124938610 اسمى سالم من الجيزة

                      Comment


                      • #12
                        ا/ سالم: الموضوع ده بقاله 6 اشهر و الاسهل بالنسبه لك انك تعرضها في موضوع جديد في قسم البيع
                        [SIZE="6"][COLOR="Green"][SIZE="3"][I]سبحانك اللهم و بحمدك ؛ أشهد ألا اله إلا أنت ؛ أستغفرك و أتوب اليك[/I][/SIZE][/COLOR][/SIZE]
                        [COLOR="Teal"] [COLOR="Indigo"][/COLOR] [/COLOR]

                        Comment

                        Working...
                        X