عاجل جدا جدا جدا

[analyzer]

السلام عليكم
ارجو المساعده من اهل الخبرة فى تسعير السيارة الاتى مواصفاتها

هيونداى اكسيل موديل 1997 فابريكه بالكامل برة وجوده والبويه الخارجية بدون اى تجريح
موتور 1500 cc
اوتوماتيك
فول اوبشن
عداد 73 الف كم

الرجو الرد فى اسرع وقت من الاخوة الاعضاء اصحاب الخبرة
----------------

[Nader]

عربية زي دي تعمل من 39 الف لـ41 الف جنية.

[egawady]

فعلاً زى ما الأخ نادر قال تعمل فى حدود 40 ألف جنيه

[tmz9111]

فى حدود 40 ألف جنيه

[analyzer]

شكرا جدا على الردود والاهتمام
طيب هو صاحبها متمسك بـ 42 الف
فى رئيكم اعمل ايه هل هى فرصه لانى بشتريها لزوج اختى وهو هيركب ومش هيغير وعايز عربيه تريحه مش كل شويه عند الميكانيكى ولا الكلام ده ولا كده هتبقى سعرها عالى .
يعنى انا محتار لان الموضوع فى الاخر فى وشى انا ومش عايز حد يقول انى دبسته فى العربيه دى بسعر عالى

[Nader]

بصراحة هي حسب ما بتقول العربية حالتها ممتازة، بس هل هيبقى مستريح نفسياً لما يجيب اكسيل 97 بالسعر دة وهو مثلاً ممكن يجيب لانوس موديل اعلى من كدة باربع سنين او ثلاث سنوات، بغض النظر عن فارق الكماليات للاكسيل؟؟

[hageen2002]

الاخ نادر عنده حق

[major_memo]

يا باشا الاتوماتيك بالذات ارخص من المانيول بالذات في الكوري والسعر الي بتقولة دة لو حالة شاذة جدا وفي عربية مانيول لكن السعر دة غالي اوي الصراحة
المواصفات دي كانت قدامي وبسعر منوا 38 واكيد في كان في كلام تاني بس انا سالت من بابا المعرفة بس انا سالت من باب المعرفة بس
ولو هيدفع ال 42 دور علي دايو 99 اتوماتيك بس انا الصراحة ما انصحش بالاتوماتيك في فئة العربيات دي اتوماتيك لانوس 99 ممكن تعمل 40 كمان

[analyzer]

فى الحقيقه يا جماعه انا كده احترت انا معادى معاه بكرة ومش عارف اعمل ايه
على اى حال انا شاكر جدا على الاهتمام والرد

[sherif Anton]

العربية لو فعلا فابريكة بره وجوه وعاملة 73 الف كم يبقى سعرها كده كويس (42 الف) ... انا لي صديق جايب نفس الموديل من شهر ورشه بره وعامله 125 الف كم ب 39000 جنيه ... على فكرة مفيش عربية اتوماتيك حالتها كويسة موديلات بعد سنة 97 هتلاقيها اقل من 40 الف ... وربنا يوفقك

[SS]

اعتقد ان السعر كده مش مبالغ فيه و حتى لو كان زيادة 500 او 1000 فا نا راى انه مش مشكلة مدام حتاخد حاجة نضيفة... بس تكون فعلا بالحالة اللى انت ذكرتها

[analyzer]

الاخوة الاعزاء
لكم جميعا منى التحيه والشكر على المشاركة
اود ان اخبركم باخر المستجدات
بعد فحص العربيه والمعاينه الكامله من سمكرى وميكانيكى وبعد رفعها وجد الاتى
1- السيارة تحتاج الى عدد 2 مساعد امامى
2- السيارة رشه كبوت والاكصدام الامامى فقط
3- شرخ فى الفانوس الامامى يمين
3- اللسيه البور محتاج تغيير لانه بيسرب زيت
السيارة كانت مرفوعة لمده سنتين ومحتاجه طبعا تغيير زيت وفلتر
هذا كل ما فى السيارة
تم الاتفاق على مبلغ 40 الف جنيه
فما رايكم ؟

[Nader]

كدة افضل طبعاً الـ40 الف بالنسبة لحالة السيارة يعتبر سعر مناسب،توكل على الله و صلى استخارة .

[turboman]

واللة اعتقد ان السعر مناسب.............لكن لو حبيت في يوم انك تبيعها هتخسر كتير انا عندي واحدة هنا في المنصورة استعمال استاد دكتور في كلية طب و مش رشة نهائي و حالي 50000كم و جنوط وكان عا رضها على 40000 لكن ما رضيتش اشتريها بسبب ثمنها

[SS]

انا شايف كده ان السعر مش بطال طبعا لو قدرت تنزل اى مبلغ يكون افضل ..و برده صلى استخارة زى ما استاذ نادر نصحك و ان شاء الله ربنا يوفقك لما فيه الخير.