إعـــــــلان

Collapse

.

,
See more
See less

مغامرتى للحصول على سيارة

Collapse
X
 
  • Filter
  • الوقت
  • Show
Clear All
new posts

  • مغامرتى للحصول على سيارة

    السلام عليكم و رحمة الله و بركاته
    مساء الخير
    أنا خالد 25 سنة طالب بالفرقة السادسة كلية الطب جامعة المنصورة
    و كل يوم بضطر أروح الكلية من منزلى فى منية النصر لكليتى فى المنصورة عبر طريق المنزلة المنصورة لمسافة حوالى 35 كيلو و لداخل مدينة المنصورة حوالى 5 كيلو
    و لأنى مش بحب أروح الموقف من الفجر علشان أركب بصورة آدمية و أو أتزاحم مع زملائى علشان أتحشر فى العربية ولا أتخانق كل يوم أو أتوسل إلى التاكسيات ..و بطلت حتى أروح الكلية ..
    فقررت أشترى عربية
    و لأن مفيش عندى أى فكرة عن العربيات و عندى معرفة محدودة بالانترنت فتعرفت على المنتديين اللى هكتب فيهم المشاركة دى..
    و بدأت أقرأ كتير و استفدت كتير و بقيت عارف إن الكارتير مش بينقط كهربا و لا حاجة ..
    و لأن مفيش معايا غير 40 ألف جنيه
    حددت احتياجاتى و لأنى معرفش حد أثق فيه قد كده واحد قريبى ذو ثقة دورلى على عربية لانوس 2001 و اشتريتها من خلاله على 36 ألف جنيه على خلفية انها فابريكة من جوة و رشة برة
    و قاللى كمان انها محتاجة تظبيطات و هخليها عنده يظبطها لأنه محل ثقة و هيحاسبنى على أى زيادة و أنا دفعت الفلوس و ركبت العربية لفتين و أنا مش سواق أساسا بس سقت كذا مرة قبل كده ..و مفتحتش حتى الكبوت ..
    و قاللى على ما أخلص الورق و الاجراءات و لأن فى مفضلش فى رخصتها إلا أقل من شهر ..
    و دفعت فوق الألف جنيه فى الورق و الشهر العقارى و المرور و الضريبة و التأمين والاكراميات ولسه رايح أرفع البصمة علشان أنقل العربية لمرور محافظتى, مهندس الفحص أصر على حرق صدر الحوض ليتأكد من الرقم المحفور هناك .. و يردد أن العربية راشة حوض و قريبى بجوراى لا يعترض رغم زعمه الدائم أنها فابريقة و زى الدهب من جوة و زى الزيرو و ما إلى ذلك .. و عرض على استرجاع أموالى .. و لم نحدد موقف الأموال المنفقة فى قطع الغيار من جهته و فى الاجراءات من جهتى ..
    فأنا محتاج عربية محترمة و مش بتاعة مقالب و موفرة فى البنزين و فى حدود 36 إلى 40 ألف جنيه و طبعا مش شرط لانوس لو فى اقتراحات أحسن يا ريت طبعا تبقى أول يد استعمال بيت يعنى ..
    شكرا جزيلا لاهتمامكم

  • #2
    ايه ياباشا انت عملت الموضوع ده كتير عموما ربنا يوفقك
    [CENTER][B]سامح البقري
    المحامي[/B][/CENTER]

    Comment


    • #3
      نصيحة لوهشترى عربية هتها من حد تهرفه يعنى ملك لاحد من الاقارب او الاصدقاء

      Comment


      • #4
        والله انا عارض عربيتى للبيع و حالتها ممتازة و الله العظيم بس هوه اللى مش راضى جايز بيكره السيينا
        [CENTER]
        [CENTER]I Love ElANTRA XD2 [/CENTER]

        Comment


        • #5
          و الله تمنها مش معايا مش أكتر

          Comment


          • #6
            طب انت عايزها بكام يمكن نتناقش حاجة بسيطة
            [CENTER]
            [CENTER]I Love ElANTRA XD2 [/CENTER]

            Comment


            • #7
              انت لسه عايز عربيه؟ ولا خلاص اشتريت
              انا عندي عربيه هايله
              I've Perodua Kelisa , Model: 2008
              Color: white
              Automatic
              + Electronic window
              center lock
              Air Condition
              front & back original defender
              Nickel on front & back lantern
              Very Good Car
              26000KM

              if u want to see it , will be @ Nasr City

              http://www.buyyourcar.co.uk/car-reviews/perodua/kelisa.aspx

              Comment

              Working...
              X