ساعدونى فى اختيار سيارة

[mohamedloza]

السلام عليكم ورحمة الله

طلب شراء سيارة

المبلغ المتاح / 50000 - 60000
نوع العربية / مستعمل

خبرتك فى السواقة وسكك الصيانة / متوسط
شكل العربية / سيدان
الموديل / فوق ال 2000
إستخدام السيارة فى الاغلب / داخل المدينة - وسفر فى الاجازات
انتقالاتك بالعربية / الاتنين
الكماليات المرجوة / جميع الكماليات
إستهلاك البنزين / يفضل قليل
قطع الغيار / غالية و عمرها طويل
اماكن الصيانة / يفضل الاتنين
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلة
سعر إعادة البيع / مش فارقة
اهم حاجات بتدور فيها على العربية /
- قوة تحمل
- قلة اعطال

ملاحظات اخرى /

أنا لسه نازل من رينو لوجان زيرو 2010 اتقلبت بيا على الدائرى بعد ما عملتلها صيانة الـ 5000 كم بثلاثة أيام بس
أمان العربية ديه ممتاز والله على ما أقول شهيد (كل اللى شاف الحادثة مصدقش أنى خرجت منها سليم بحمد الله )
على العموم لظروف متعلقة بالحسد والكلام ده مش هشترى زيرو تانى
بفكر فى الرينو الميجان 2005 - 2006 وبعدها الكورى أوبترا
لو فيه اختيارات أفضل يا ريت تنصحونى بيها علماً بأنى ميال للميجان ولكن لا خاب من استشار

فى انتظار ردودكم فى أقرب وقت

[MAHMAHMOUD]

حمدا لله على سلامتك فداك كل شئ المهم الصحة والسلامة
ملعون الطريق الدائرى كل يوم رايح جاى علىة ربنا يسترها عليك وعلينا
بالنسبة للراى والاختيار من رأيي الأوبترا و الأفيو و اللانوس

[mexmarine]

انصحك بما انك عاوز قطع غيار عمر طويل و سعرها غالى حبتين بس مش قوى قوى يعنى (مش زى الموديلات الجديده) و عربيه ستايل و اوروبى تبقى الالمانيه اوبل فيكترا او استرا
الفيكترا من 2000 الى 2003 1600 سى سى فى رينج الـ 60000 و حاله ممتازه طبعا و قطع غيار متوفره و اصليه
و الاسترا 1200 سى سى من 2000 الى 2003 بتكون فى حدود 46 الى 52 الف حسب الحاله و الموديل و هى عربيه رائعه و بقول لك كده عن تجربه لأنى امتلك استرا و لن افرط فيها ابدا . و اى مساعده ادخل منتدى اوبل و اس~ل الجماعه هناك