اريد مساعده ضرورى

[khaled_2011]

معايا 44000 لشراء سياره ومحتار مابين الانوس ا او2 -الشاهين1400 -فورد اسكورت ياريت تساعدونى فى الاختيار الامثل مابين الانواع دى وايهما افضل من حيث الصيانه واستهلاك البنزين منتظلر ردكم وشكرا ليكم :)

[khaled_2011]

ايه ياجماعه مفيش حد عايز يساعدنى ولو بمعلومه قبل مانزل السوق

[Akram]

بص يا باشا ,
بالنسبة للانوس : مفيش فرق بين (1 أو 2) غير في الشكل و قطع الغيار متوفرة و أسعارها كويسة جداً و بتعيش لفترة , دا غير انها عربية ناعمة و طبعاً فيها كماليات زي التكييف و الباور و زجاج كهرباء و مرايات كهرباء و استهلاكها كويس و الصيانة متاحة ,
بالنسبة للشاهين : قطع الغيار متوفرة بأسعار رخيصة بس مش معمرة ، يعني ممكن بعد فترة تغير نفس قطعة الغيار دي ,
و عربية متينة و و استهلاكها كويس لكن عربية مش ناعمة و إذا كان فيها كماليات فهي مش قوية يعني التكييف فيها مش جامد و الصيانة متاحة في كل مكان ,
بالنسبة للفور اسكورت : العربية دي أوروبي و مش أمريكي زي ما كتير فاكرين و قطع الغيار غالية جداً و مش متوفرة بس هي معمرة لأنها الماني بس طبعاً الصيانة مش هتكون سهلة ,
و عربية متينة و إستهلاكها كويس و عربية ناعمة و طبعاً فيها كل الكماليات ,

و انا برشحلك اللانوس بس طبعاً المهم الحالة تكون كويسة.

[khaled_2011]

شكرا ياستاذ اكرم

شكرا على معلوماتك المهمه ووصلنى اميلك وبصراحه اقتنعت جدا بالانوس ولو امامك لانوس نظيفه قولى بس تكون بيتى وتكون s بدل السوق والنصابين الى هناك وشكرااااا جدا لاهتمامك

[Akram]

العفو على ايه يا باشا ,
إذا كنت عايز تشتري ففي وسائل كتيرة :

*زي السوق و المعارض (و طبعاً لازم يكون معاك محترف علشان النصب اللي بيحصل),

**و ممكن عن طريق جريدة الوسيط أو مجلة عربيتي (وطبعاً لازم تلحق في وقت الصدور علشان بيقى فيه ناس كتير بتابعهم و طبعاً تاخد معاك فني كويس),

*** وممكن عن طريق النت و ده زي المواقع التالية:

http://www.nilemotors.net/Nile/forumdisplay.php?f=47

http://www.car100100.com/

http://www.contactcars.com/UsedCars_All.asp

http://www.masrawy.com/Classfied/result.aspx?sub=8

[hfekry]

أرشحلك لانوس . عربية حلوة . بس المهم شرط الحالة

[Ayman2007]

أنا زيك برضه بأدور في نفس الفئة السعرية 44 أو 45 ألف جنيه و استقريت على هيونداي أكسنت موديل 99 أو 2000 بس تكون 1500 سي سي ممكن تضيفها لقائمة التدوير
بس بصراحة لو ما بتفهمش في العربيات بيبقى الموضوع صعب شوية لأنك بتعتمد على نصيحة الغير زي الأصحاب و المعارف أو ميكانيكي بس تكون بتثق فيه و ربنا يوفقك لحاجة كويسة إن شاء الله