اللادا2105 الروسى

[wessampo]

اريد شراء لادا2105 موديل 1995 ما اسعارها لان انا شايف المعروض على 28000 هو دة طبيعى ولا اية ونفسى اعرف كل حاجة عنها مميزات و عيوب:):):):):)

[thegoodhacker]

ايوة ده سوقها للاسف دلوقتي بعدما كان بيتطلب فيها 30 و 31 الف
مميزاتها : عربية جامدة كصاج وكعفشة و شاسيه يتحمل بهدلة الشوارع المصرية من مطبات و حفر
عربية واسعة و شنطتها كبيرة تنفع في السفر
موتورها 1200 سي سي موفر في البنزين
عربية وزنها تقيل ودي ميزة في السرعات العالية زي 120 تحس كانك ماشي علي 80 بس
قطع غيارها متوفرة و رخيصة
مطلوبة في السوق وسهل بيعها

عيوبها :لازم تفحص العفشة بتاعتها كل ست شهور و خصوصا البيض علشان لو ما اهتمتش بيها ممكن البيض يملص والعربية في الحالة دي حتقف في مكانها و مش حتقدر حتي تزقها
ناشفة في سواقتها فتلاقي الديريكسيون تقيل جدا خصوصا وهي واقفة و الدواسات كمان ناشفة و متعبة بس كل ده ممكن تتعود عليه
صوت موتورها عالي و خشن

اتمني اكون قد افدتك

[wessampo]

انا اسف ي باشا انا والله فى هم لحد ماوصل لاخر المشوار دة بس حقيقى باشكرك جداااا