مطلوب سيفيا او نوبيرا

[حماده المصري]

مطلوب عربيه سيفيا او نوبيرا ياريت يا جماعه تبقى بيتي ويفضل اوتوماتك

الحاله طبعا يااما فبريكه يا اما رشه بس تبقى نضيفه مش حوادث والحاله ممتازه

[PACOOSSE]

للبيع سيارة كيا سيفيا موديل 2000 كوري كاملة مانيوال دواخل فابريقة من الداخل لسة راشة من الخارج من شهر تكييف سنتر زجاج كهربا جنوط اسبور كاسيت سي دي و سماعات بايونير شاشة مراية يو أس بي وبلوتوث ,سبويلرعلي الشنطة اللون الزيتي.......المطلوب 45 الف 0122940066 /مهندس حسام

[kbarema]

معايا كيا سيفيا 99 اتوماتيك
مواصفاتها كالاتى:-

جنوط اسبور 14
4 مساعدين ( 2 امامى منرو + 2 خلفي غاز )
فرش جلد لونين ( احمر ورصاصي )+ القوايم(احمر) + ارضية السيارة بالكامل ( رصاصي)+ الشنطه( رصاصي)+ ارضية السماعات( احمر)+ فرش الابواب( احمر)+
تيل امامى وخلفي جديد
وحدات رفع للاربع ابواب للزجاج الكهربائي + تغيير سلوك الابواب الخلفية( ومغير مكنه كانت تقيله وحاططها استيراد )
انزار وريموت +سنتر(الاصلي بتعها)
اريال كهربائي يعمل بكفائه
كاسيت سي دي
1 طقم سيرفيس وتغيير زيوت بالكامل( باور + زيت فتيس+ باكم + ماتور)
موبينه جديدة
طقم بوجيهات 2 شمعه + سلك بوجيهات جديد
ستائر كبس
الطابلوه نظيف
رش الاكر + زراير الزجاج الكهربائي + قاعدة عصا الفتيس +الهويات اللي امام الزجاج الامامى لون فضي من الداخل
تكييف جيد ( صارف عليه 500 جنيه عشان يبقي تلاجه)
الفتيس الاتوماتيك بحاله جيده جدا وزر الاوفر درايف شغال كويس وكمان الكيك داون اللي في الدواسه( بجيب 160 بالتكييف وبالحموله كامله) علي فكره العربية 1500سي سي اتنين كامة
رخصه حتى 8/2012
وللامانه العربيةوصلت مصاريف ل 50 الف بس الظروف وسعر السوق
وكمان للامانه العربيه عاوزه طقم اصلاح اسكاترة وانا سالت عليه ب 110جم غير المصنعيه وممكن تغيرها خالص ب 450 جم من بورسعيد دي الاسعار اللي انا لقيتها علبة الدريكسيون بتنقط زيت بزودها نص كوباية كل 15 يوم بتاع العفشه قالي سيبها شوية
0100056756 المعاينهhttp://http://ar.netlog.com/kbarema/...otoid=45312907

[حماده المصري]

العربيه دي شوفتها في كونتكت

هي عربيه كويسه جدا جدا بس تصلح شبابي وانا مش بحب الالوان والتزبيط ده في العربيات

انا بحب اركب العربيه زي ماهي

ربنا يوفقك في البيع ياباشا

[mxz911]

ممكن اعرف اشمعنا الاتنين دول ؟

أصلى بصراحه معايه نوبيرا ومحتاجين عربيه تانيه ويوم ما فكرت فكرت برضه ف السيفيا !!

[أبو إياد]

فى نوبيرا 2007 اول يد فابريقه بالكامل 96000كم بيتكلم فى 60 مانيوال وفيها جنوط وزينون

[حماده المصري]

صعبه اوي 60 الف دي انا اخري 50 الف


بالنسبه للنوبيرا والسيفيا عربيتين اثبتوا كفائتهم وسعرهم في المعقول بمعنى انهم ثبات كويس وصالون كويس وطبعا التكييف والاعتماديه وممكن بالسعر ده تركب فيرنا او لانوس ف اكيد طبعا هتختار ياسيفيا يا نوبيرا مستحيل تركب الباقي

[mxz911]

فعلا معاك حق .. ودى كانت من اسباب مقارنتى بينهم
عموما لو تحب تستفيد اكتر انا كنت عامل موضوع هنا للمقارنه بينهم والكلام ده قبل ما اشترى النوبيرا

http://www.nilemotors.net/Nile/115160-2001-2000-a.html

والحمد لله اشتريتها النوبيرا ومقتنع بيها جدا فضل ورضا من ربنا .. واحتمال نشترى عربيه تانيه تبقى خاصه بيا انا بقى المره دى وبفكر جديا ف السيفيا او نوبيرا تانى ...

وخلى بالك انى حسب ما اعرف اداء النوبيرا الاوتوماتيك اقل من المانيوال