الحقيقة انا معايا حوالى 33 الف وعايز اشترى عربية كويسة ومتبهدلنيش علما بانى لا اسافر كثيرا كل مشاويرى داخل القاهرة وقلت عشان انا مبتدىء فى موضوع العربيات اسأل واستشير اهل الخبرة وبعد اللف والدوران داخل النت وجدت المنتدى بتعكم الحقيقة فرحت لكن بعد فترة من التصفح داخل المنتدى عرفت انة يارتنى مالقيتة لان المنتدى زود مشكلتى فى الاختيار وان الردود فيها لف ودوران ان كل واحد عندة عربية بيدافع عنها باستماتة ويحلى فيها والظاهر ان المنتدى ده معمول عشان كل واحد يعمل دعايا لعربيتة سواء حتى لوكانت مطلعة عينو شوية يقولو اليابانى لا يعلا علية وشوية يقولو الكورى بقى زى اليبانى ويمكن احسن عشان قطع غيارة ارخص وشوية يقولو الالمانى وشوية يقولو العملاق الصينى قادم حيرتونى ربنا يكرمكم وشكرا على المساعدة.
X
-
الكلمات الدلالية (Tags): 20, 40, 50, font, ارباح, استهلاك بنزين, اسعار, اكسيل, البنزين, الفئة, المالية, المنتدي, الي, ايبيزا, بدون, بولو, تويوتا, جولف, ده, دى, رينو, شاهين, صالون, صيانة, صيانه, طريقة, عايز, عدة, عربية, عن, عيوب, غالية, غيار, في, فيات, فيات اونو, قطع, قطع الغيار, قطع غيار, كل, مستعمل, مع, معلومات, من, نفسي, هل, هي
-
عادي يا باشا ...ديه الطبيعة البشرية ...هو حد كان قال إنه منتدى ملايكة
لو الناس كلها اجتمعت على عربية واحده ما كانش يبقي في غيرها في الشوارع.... و طبيعي أي حد معاه عربية بيبقي حاسس انها أحسن اختيار... امال يعني جابها ليه :)
المطلوب من سعادتك تسمع أراء الناس و تستفيد منها انما مش حينفع حد ياخد قرار بدالك في الأخر إنت صاحب القرار
ما علينا بعد اللف في المنتدى فيه كام عربية استقريت عليهم و لا لسه[CENTER] [/CENTER]
Comment
-
يا باشا مفيش حيرة ولا حاجة
المشكلة معاك أن المبلغ المتوفر مش هيكفى عربية أوروبى فى حالة كويسة وموديل عالى
فى كلام كتير عن الأوروبى واليابانى والكورى والصينى بس الحقائق المؤكدة ( بأعتبار أنك بتقارن فى نفس الفئة ) الترتيب كالأتى ومعتقدش ممكن كتير يكونو مختلفين معايا فى الرأى
1- الأوروبى بصفة عامة وخصوصاً الألمانى
2- اليابانى
3- الكورى
4- الصينى
ممكن تقولى حضرتك بتقارن بين أيه وأنا أن شاء الله أقولك رأيى بدون تحيز لأى حاجة
وبعدين يا باشا أحنا مش عاوزينك تسيب المنتدى عشان كده محدش عاوز يريحك ويقولك جيب العربية الفلانية وبعد كده منشوفكش تانى :) :) :)[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]
Comment
-
يا باشا اختار العربية اللي تريحك و تكون مناسبة ليك يعني هقولك حاجة الالماني مثلا ممكن يكون بالنسبة لك مش مناسب لان قطع غياره غالية الياباني هي دايما المعيار المتوسط بيديك اعتمادية عالية لكن اقل من الالماني و قطع غياره ارخص و متوفره و اعادة بيعه اسهل الكوري اعتمادية اقل من الاتنين السابقين و قطع غيار رخيصة و في كل حته و اعادة البيع مقولكش اسهل من السهولة و عايز معاملة حنينة
اختار اللي يناسبك و خلاص و كل عربية ليها مميزات و عيوب و انا قلتلك بصفة عامة و انت بتطلب رأي الاعضاء كل عضو بيقولك رأيه هو بناء علي اعتقاده هو و تفكيره هو انا مثلا لو خيرتني بين الماني و ياباني هختار الالماني هتقولي خترت الالماني ليه هقولك لعدة اسباب لاني مجرب الاتنين و عارف مين اشد و اعتماديته اعلي و انا الحمد لله قادر عل اسعار قطع الالماني و ادفع اكتر عشان احصل علي جودة اعلي و تكنولوجيا عالية و متانة في واحد تاني راكب تويوتا مثلا طبعا عربية ممتازةبيقولك رأيه بناء علي تجربته هو يعني انا اقول الماني و هو يقول ياباني و تتضارب الاراء هل ده معناه ان هو عربيته وحشة و انا عربيتي هي اللي مفيش زيها لا طبعا الياباني حاجة و الالماني حاجة الياباني جيد جدا و الالماني ممتاز شوف انت محتاج ايه افرض انت استخدامك مش عنيف او كتير لدرجة انك تبقي محتاج الالماني خلاص هات الياباني ارخص و اسهل في البيع و قطع ارخص و صيانة اسهل فهمتني ولا لا......
Comment
-
بص يا سيدي انا هاقولك سيبك من المنتدي و كلام المنتدي .. و سيبك من العربيات و غيره ..
اقرا هنا بقي كده و تابع الكلام اللي انا كاتبه هنا و اوزنه و لو عجبك اعمل بيه ..
المشاركة الأصلية كتبت بواسطة Xpert مشاهدة المشاركةنشكركم لثقتكم في الاعضاء .. و بناء عن تجربه شخصيه فعليه اقولك كل ما العربيه تكون حالتها اقرب الي الزيرو كل ما مشاوريك للصنايعيه و الفنيين هايقل ...هاشرحلك ببساطه شديده ازاي ...
انا معايا 35 الف .. و نازل اشتري .. لقيت كذا عربيه .. و حطيط في دماغي اني هانزل اشتري جولف .. يبقي نزلت .. و اشتريت جولف .. و طلعت الجولف دي حالتها خربانه و مشنشنه علي الاخر ... يبقي هالف بيها علي الصنايعيه كلهم ... انما نزلت السوق .. و انا باتفرج ... لقيت فيات اونو بحاله الزيرو ... هاسيبها و امشي علشان انا عاوز جولف ؟ لاء طبعا ٌُ... الحاله اهم من الماركه ...
نيجي بقي لنقطه الفنيين ... لازم اجيب عربيه .. خدمه ما بعد البيع بتاعها تكون كويسه .. اه .. اي حاجه ليها خدمه ما بعد البيع .. تتمثل في الفنيين و قطع الغيار (لو هاحتجهم لازم يكونو موجودين) ... و للشرط ده اقولك استثني الاوبل من اختياراتك ... علشان مالوش فنيين و مالوش قطع غيار .. او بمعني اصح معدودين و معروفين بالاسم ...
ماتحددش نوع عربيه معينه .. حدد اختيارات عديده و شوف احسن حاله و تكون ليها قطع غيار و صيانه .. خللي العمليه مفتوحه ... يعني ممكن تجيب فيات اونو - جولف - ايبيزا - بولو او حتي دوجان .. بس اهم شرط هو شرط الحاله ... خللي الحاله هيا اللي تحدد تشتري ايه ..
ماتتحيزش لماركه واحده بس .. و ان شاء الله ربنا يكرمك
Comment
-
والله ياجماعة انا مكسوف منكم وشكرا على الاهتمام دة الحقيقة انا دخلت منتديات كتير ولما حد يرد عليك يبقى قويس الحقيقة انتم فى منتها الذوق على العموم تقريبا انا قررت ان شاء الله هونداى اكسيل وبرضو عايز اعرف رأيكم فى اختيارى وكان لية واحد زميلى معروض علية من واحد زميلنا تانى عربية رينو كلوى 1200سى سى حالتها كويسة عرضها 40000 الف السعر دة مناسب عليها واية عيوب العربية دى وشكرا
ملحوظة .
عمرى ماهسيب المنتدى ده وكل دة بسبب اهتمام الناس اللى فية واحترمهم لبعض وقبلهم لاى نقض
Comment
-
والله الكلام ده عين العقل اللي بيدور علي مستعمل و مش ركييب (يعني طالب موديل معين وعنده استعداد يصبر لغايت مايجيبه) يبقي يعمل كده مش مهم الموديل و اللون و لا الشكل و لا كل الكلام الهجس ده المهم حالة العربية و اساسيتها و قطع غيارها و صنايعتها كتير و في الحنين و لا و كل واحد و ظروفوا و امكانياتهالمشاركة الأصلية كتبت بواسطة Xpert مشاهدة المشاركةبص يا سيدي انا هاقولك سيبك من المنتدي و كلام المنتدي .. و سيبك من العربيات و غيره ..
اقرا هنا بقي كده و تابع الكلام اللي انا كاتبه هنا و اوزنه و لو عجبك اعمل بيه ..
http://www.nilemotors.net/Nile/showt...E1%CD%C7%E1%E5
Comment
-
معك كل الحق فيما قلتة 00 كل واحد بيحاول يظهر ان سيارتة لاتوجد احسن ولا افضل منها فى الوجود ، والبعض الاخر عملى ويعرف قدر سيارتة ونفسة فى التقييم ، ولكن عموما اقرأ ومن ثم قرر بناء على رؤيتك انت وحسب ظروفك ومقدرتك المالية ، فكل واحد يقيم امرة بنفسة ولا خاب من استشار وان كان الراى النهائى لك فلا داعى للحيرة ، فأنا عندما اردت ان اقوم بشراء الاسبرانزا ، الكثير عارض الفكرة ولكنى اصريت ليس من باب العناد ولكن لكل مرحلة من حياة الانسان طريقة تفكيرة وتقييمة للامور وطبقا للظروف التى انت بها سواء المالية او الغرض من الاستعمال للسيارة ، او غيرة فتوكل على الله وبعد القراءة الجيدة خذ القرار ولا تندم عليهرأى صواب يحتمل الخطأ ورأى غيرى خطأ يحتمل الصواب
Comment
-
لازم الأول تحدد ايه طلباتك بالضبط و الميزانية ,
يعني هتمشي بيها مشاوير كبيرة و لا لآ ,
هتحمل عليها (أقصد دايماً بتركب معاك ناس) ,
استهلاك البنزين ,
قطع الغيار ,
الصيانة ,
عايزها صالون و لا هاتش باك ,
سعر اعادة البيع ,
مفيش عربية هتلاقيها فيها كل المواصفات اللي انت عايزها بالضبط و لكن هتلاقي قريب منها و
حاجة على حساب حاجة ,
عموماً الاكسيل كويسة , استهلاك بنزين معقول , امكانيات معقولة , فطع غيار رخيصة و متوفرة , صيانة سهلة , يعيبها صاجها ضعيف و ثباتها على السرعات مش جامد .
و فكر في الكيا برايد (هاتش باك أو صالون) ,
و مش هقولك اللانوس علشان انا معايا لانوس و متقولش اني متحيز ...
و ربنا يوفقك للإختيار ...[color=blue]
مع تحياتي ,,
[size=+2] [font=DecoType Thuluth] أكــــرم [/font] [/size][/color]
Comment

Comment