كيا سيفيا ولا شوما

[khalid.abdalla]

أنا حاليا عاوز اشترى عربية أوتوماتيك فى رينج 40 - 50 ألف

لقيت ان المتاح فى الرينج دة اوتوماتيك كيا سيفيا وشوما موديلات 99 - 2000

مش عارف اية الأفضل فى الاتنين من ناحية استهلاك البنزين وقطع الغيار

ولية الشوما أغلى شوية ؟

[mhopa2440]

انا رديت عليك قبل كدا وهوضح ليك بعض الامور لاني معجب جدا بالكيا شوما وبدور على شوما 2 مواصفات شاذة ولسة ربنا يكرم

اولا الشوما 1 حتى 2001 هي نفسها الكيا سيفيا من حيث الاتي : الموتور الفتيس العفشة الطابلوه دائرة الكهرباء الفرق الوحيد هو الشكل الخارجي
والشوما اغلى شوية عشان شكلها (من وجه نظري الشخصية) شيك وفخمة جدا جدا
ثانيا الكيا شوما 2 من 2002 حتى 2004 هي نفسها الكيا سبكترا في كل حاجة عدا لشكل الخارجي

قطع غيار متوفرة جدا واسعارها معقولة والميزة اللي ف الكيا عمرها الافتراضي اطول والخامات افضل من الدايوا ومعمرة جدا
ميزة الكيا شوما عن النوبيرا معدل استهلاك البنزين ممتاز جدا جدا بالنسبة للنوبيرا وخصوصا جوه البلد
.... الفتيس الاوتوماتيك بتاعها جميل وافضل من فتيس الاوتو بتاع النوبيرا

بالنسبة للاسعار السيفيا سعرها من 40 حتى 45 على حسب الحالة طبعا
الشوما 1 من 42 حتى 50 لان ف موديل 99 بينزل هاي لاين (فتحة سقف - اير باج - ايه بي اس ) والموديل دا سعره حاليا 47 حتى 50 والله السنة اللي فاتت كانت الناس بتتكلم في 45 بالكتير قوي

اما الشوما 2 سعرها يبدا من 47 حتى 52 على حسب الحالة طبعا