الأبواب الرفع

[Amir Gaber]

ياريت ي جماعة لو حد يفيدنا فى موضوع الأبواب الرفع الى زى م تجكون طايرة كدة
و شكرا

[Amir Gaber]

إيه ي شباب محدش عارف ولا ايه
ده حتى عيب
ده إحنا فى nilemotors ازاى مفيش حتى واحد عارف

[ahmed asem]

حضرتك تقصد دي ؟؟

[ahmed asem]

لو تقصد ده
ده نوع من المفصلات تقريبا اسمه مفصلات لامبورجينى
بتتعمل عند محلات التعديل فيه منه بيتفتح لفوق اوي وفيه منه بيترفع بزاويه 90

[Abo_Mazen]

خلي بالك ..لو القوايم عندك فيها ضعف الشغل ده ما ينفعش يتعمل ..دي حاجه ..حاجه تانيه برضه ..العربيات اللي زي دي بتبقى القوايم بتاعتها معمولها تقويات أصلا من المصنع عشان الأبواب دي مع الوقت وعلى القوايم العادية بتاعتنا ممكن تعمل شروخ في القايم وخصوصا إنك هتلحم فيها..اللي هي القوايم ... المفصلات الجديده والقايم طبعا هيتسخن عليه ..ده كلام سمكري ليا عشان كنت عايز أعمل الشغل ده في العربية ال 128 اللي كانت عندي وخصوصا إن شفت ناس عاملاها في العربيه ال 128..وكان إقتراح السمكري يوميها إن القوايم عندي تعبانه عشان كده لازم نعملها تقويات ..أنا لقيت الموضوع ده هيدخله في حسبة تلات أربع تلاف جنيه لوحده ..قلتله لأ ..إصرف نظر ..ونفس الوضع برضه بالنسبه للأبواب اللي بتفتح لفوق و تتثبت في السقف ..برضه العارضه اللي ماسكه القايم اللي قدام مع القايم اللي ورا بتبقى عايزه تقويات ..

[محمود فرنسا]

ما انصحكش بيها واحد صاحبي كان عاملها ف bmw ومع الوقت بهدلتله القوايم لان المفصلات مع الفتح والقفل بتسيب وبتلاقي الباب بيترزع لفوق وانت بتفتح نصيحة لوجه الله بلاش

[Amir Gaber]

يعنى هى بتتلف بعد فترة

طيب كنت عايز اعرف انواعها و اسعارها من باب العلم
و أنا كان قصدى على الابواب زى لامبورجينى
و مشكور على تعبكم و مجهودكم :)