إعـــــــلان

Collapse

.

,
See more
See less

حد عنده عربية من دول

Collapse
X
 
  • Filter
  • الوقت
  • Show
Clear All
new posts

  • حد عنده عربية من دول

    عايز اشترى عربية من دول بس المهم انها تكون حالتها كويسة ولا تحتاج مصاريف ؟؟
    اكسيل 1300 , برايد عصفورة , اونو , سويفت
    ياريت اللى عنده واحدة للبيع يقول حالتها وسعرها
    وشكرا

  • #2
    الاربع موديلات دي عرلبات ضعيفه قوي
    و مافيش عربية مستعملة مش محتاجة مصاريف لو بي ام دبليو شاريها امبارح مستعملة وتمام التمام ممكن بكرة تحتاج قطعه غيار بألوف

    شوف ميزانيتك و حاول تفكر في عربية اكثر متانة الماني او ياباني و تكون قطع غيارها معقولة و متوفرة
    يعني ممكن جولف 2 اوتويوتا او هوندا اخر التمانينات تكون متينة و تستحمل اكتر بكتير من السويفت و الكيا برايد موديلات تسعينات

    Comment


    • #3
      بس دول قطع غيارهم عاليه يا ا/ادهم كمان انا مختار العربيات دى عشان قطع الغيار معقوله وكتير من الزملاء هنا شكروا فيهم

      Comment


      • #4
        لا يا محمد الجولف 2 و الهوندا سواء أكورد او سيفيك في النصف الاول من التمانينات قطع غيارهم رخيصة جداً
        يعني انا مثلا عندي أكورد 85 موتورها 1800 16 صباب اتوماتيك سعر تيل الفرامل بتاعها 35 للأمامي و 55 للخلفي و طلمبة المياة بتاعتها ب 110 و الاصلي ب 190 و فاتوس الاشارة ب 30 جنية و الوش بتاعه بس ب 15 جنية و الكشاف الامامي الكبير كامل اصلي ب 210 جنية و الوش الزجاج الاصلي برضة ب 30 جنية و سير الكاتينة ب 100 جنية و البلية بتاعه الكاتينة ب 90 جنية مساعدينها غالية شوية سعرها 560 جنية لكن بتعيش عمر العربية غالبا ودي كلها اسعار قطع غيار ياباني و تايواني جديدة
        اما عن الاستيراد فحث ولا حرج اسعار قطع غيارها زيها زي اي عربية عادية و هما 5 او 6 بتوع قطع غيار هوندا بس اللي تتعامل معاهم متخصصين و فاهمين و عارفين و عندهم كل حاجتها منهم مثلا قورة اللي في جسر السويس و توشكي (المهندس محمود) في الحرفيين و علي عبد الرحيم جنبة و سمير عبد الرحيم في دمشق بس غالي شوية و حفني اللي في الاميرية برضة غالي شوية و التونسي اللي في شارع السودان تحت المحور بالضبط

        المهم انا باقولك عن تجربة العربيات دي معمرة جدا و قطع غيارها بتعيش و اللي بتدفعة فيها بتعيش بية و مش غالي كتير عن الفيات
        فكر في جولف 2 او سيفيك او أكورد من 80 - 85 و مش حاتندم و لو عوزت اي مشورة في قطع غيار قوللي و انا بإذن الله افيدك للي فية الخير

        Comment

        Working...
        X