طلب سيارة

[islamallam]

المبلغ المتاح / من 15000 - 20000 ويزيد شوية
نوع العربية / مستعمل - حالة جيدة
إمكانية التقسيط فى حالة الزيرو / إمكانية تقسيط بحد اقصى 1000 جنيه شهريا
خبرتك فى السواقة وسكك الصيانة / متوسط
شكل العربية / هاتش باك - سيدان - مش فارقة
الموديل / تسعينات - اواخر تمانيات فى حالة المستعمل
إستخدام السيارة فى الاغلب / غالبا داخل المدينة - نادرا خارج المدينة فى سفريات
انتقالاتك بالعربية / فى الاغلب لوحدى
الكماليات المرجوة / لو فيه تكييف وانذار يبقى كويس جدا
إستهلاك البنزين / يفضل قليل
قطع الغيار / فى المعقول
اماكن الصيانة / يفضل توكيل - وممكن ميكانيكية
التفرغ لأعمال الصيانة / ممكن تتدبر
الاستمرار بالعربية لفترة / احتمال تغير العربية قريب
سعر إعادة البيع / مش عايز تخسر كتير معقولة
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- ............
ملاحظات اخرى / .........(اتمنى اجد سيارة جميلة الشكل سهل فى بيعها انا مش حابب الفيات اوى بس لو حالتها كويسه مفيش مشكلة)

[sasam6]

تنفعك 132 2000cc موديل 79 ب23000

[islamallam]

لا والله
اولا السيارة 2000 سى سى يعنى استهلاك بنزين كبير
كمان السعر غالى جدا والموديل اقدم من اللى انا عايزة
انا محتاج سيارة بالكتير 1300 سى سى
وكمان سهل بيعها ومش اخسر فيها كتير
عموما شكرا جزيلا يا باشا وربنا يسهلك وتبيعها بالسعر اللى تحبه

[islamallam]

انا محتاج رأيكم يا جماعة انا معروض عليا سوبر فيورا موديل 87
اخر موديل فى الفيورا 6 غيار حالتها العامة كويسة موتورها كويس 85%
عفشة جديدة من 6 شهور 2 كاوتش توبلس جديد
طالب فيها ومن الاخر 14000 ايه رأيكم

[essam2008]

لو عايز رأيي كمل الفين ثلاثة وهتلك 131 بحالة كويسة اولا: قطع غيرها هيه قطع غيار الشاهين، ثانيا: عربية محترة، ثالثاً: اصبر شوية موضع الإحلال للتاكسي هيخلي سعرها في الرنج بتاعك

[islamallam]

طيب لو قدامك حاجة كويسة ياريت تقول

[Mar80]

ممكن تشتري دايهاتسو شاريد او ماروتي او زود شوية واشتري اونو

[Mar80]

ممكن تشتري دايهاتسو شاريد او ماروتي او زود شوية واشتري اونو

[islamallam]

لو قدامك حاجة قولى

[opetan]

سيارة فيات 132
موديل 1974
1800 سي سي ... ألماني

لا تحتاج اية مصاريف.
سنتر +انزار يابانى اصلى + زجاج كهربائى امامى
*** اللون: ابيض
الفرش الداخلي: جلي اسود.

*** حالة السيارة :
- موتور معمول له عمره من حوالي 6 شهور. حاله ممتازة
- شكمتان جديد من حوالي 4 شهور + ديفيل نيكل موضح بالصورة.
- طقم جنوط 14" - 5ريشة نجمة. 8/2006 تاريخ الصنع.
- 2 كاوتش امامي 185/70 Maxis جديد.
- 2 كاوتش خلفي 185/70 سرعات.


- طقم سماعات بيونير ( 4 سماعة + SUB ) + كاسيت تويوتا ياباني الاصلي.
- أرقام لوحات مميزة.

الشغل اللي اتعمل فيها خلال 3 سنوات.
- عامرة للماكينة.
- دينامو استيراد.
- مارش استيراد.
- مروحة رادياتير استيراد.
- مروحة كاتينة جديدة.
- شكمان جديد + ديقيل.
- 2 كاوتش امامي + طقم جنوط.
- طقم صوت + كاسيت.
- بالاضافة للصيانة الدورية ( تيل فرامل.....)

السعر 20 الف
0107831900

[islamallam]

ايه يا جماعة مفيش حد عايز يبيع ولا ايه
عموما انا مستنى

[SmartMega]

علي فكرة يا أستاذي الفاضل المعادله صعبه شويه
رأي الشخصي أصبر شويه يمكن الأسعار تنزل وهاتلك حاجه كويسه ... ومن المواصفات اللي حضرتك كاتبها أنا ملاحظ ان اللي يناسب حضرتك حاجه هاتش باك وتكون 1000CC او 1300cc أحسن حاجه لحضرتك تكون بولو او ابيزا او بونتو وفيه من العربيات دي من 35 لحد 40 لو حضرتك عايز رأأي حرام ان حضرتك تشتري حاجه دلوقتي وبعدين ترجع تبيعها كمان سنه ولا حاجه ...أصبر شويه تكون كملت المبلغ لحد 35 او حتي 30 ممكن تشتري بونتو 95 بحاله كويسه ومتور كويس في أستهلاكه للبنزين وقطع غيارها متوفره ورخيصه بالنسبه لمثيلاتها من الهاتش باك وربنا يوفقك ..حتي لو هاتستلف ال 10000 الباقين وتقسط زي ما انت بتقول علي 10 شهور كل شهر 1000 جنيه
وربنا يوفقك