ارجوكم ساعدونى فى سعر العربية الاونو

[zamba]

انا اشتريت عربية اونو موديل 94 بدون تكييف عاملة 120 الف كم دواخل فبريقة وليس بها سوى شغل سمكرة للكبوت والرفارف الامامين ( بعض الاجزاء) وبارومة خفيفة فى العتبة اليمين وبعض الكدمات وبها سنتر لوك والموتور والاجزاءلا الاخرى بحالة طيبة ولا توجد سوى مشاكل بسيطة الدبرياج عالى والفرامل محتاجه سحب الهواء ... ودفعت فيها 29 الف جنيه
ارجوكم هل هذا سعر عادل لانى انا دفعت فقط وواحد صاحبى هو اللى اشتراها ليا ة\وانا مش موجود وبقالها معايا 4 شهور ومكفيش منها مشاكل غير مشكلات السير الطبيعية
ارجو المساعدة هل هذا سعر عادل ..ام انا اتورطت فيها؟؟؟؟؟

[hazem_khidr]

سعرها في السوق فعلا من 28 الي32 حسب الموديل و النضافه و عربيه حضرتك بالنسبه لوصفك تعتبر معقوله جدا.
و خلي بالك ان اخر موديل للاونو ايطالي هو موديل عربيتك من بعد 95 كن بيتجمع في بولندا مش ايطاليا لان ايطاليا وقفت انتاجها لانتاج البونتو من بدايه 95.
شويه الشغل اللي في عربيتك ما يكلفوش 500 جنيه لكن شغل الكابود دا ما اعرفش فيه حاجه لانه مكان حساس يمكن يحتاج يتغير كله و يمكن سمكري محترف يعملهولك .
عموما العربيه كويسه و اتمتع بعربيتك و ما تشغلش دماغك :)

[sherif Anton]

السعر ده مناسب لحالة وموديل السيارة ... مبروك عليك

[mohamed_rhem]

السعر تمام بس انت اشريت خلاص لو حد قالك غاليه شويه شو راح تسوي بلاش وسوسه وقول الحمد لله السعر مناسب والحمد لله

[zamba]

شكرا على الردود ربنا يخليكم وفعلا الوسوسة دى شى متعب جدا ..انا اطمنت خلاص وربنا ما يحرمنا منكم

[Nader]

سعرها معقول

خلي بالك ان اخر موديل للاونو ايطالي هو موديل عربيتك من بعد 95 كن بيتجمع في بولندا مش ايطاليا لان ايطاليا وقفت انتاجها لانتاج البونتو من بدايه 95.

لا يا حازم الونو الايطالي كان اخرها 93 بعد كدة بولندي

[hazem_khidr]

لا يا حازم الونو الايطالي كان اخرها 93 بعد كدة بولندي

93 ولا 94 :roll: :roll: :roll: :roll: :roll:
عموما انت ادري يا باشا :)