تسعير هيونداي جيتز

[hetlar4u]

صباح الخير يا اعضاء نايل موتورز ..
معروض عليا عربيه هيونداي جيتز موديل 2007
مانيوال ماتور 1600 سي سي
فابريكه بره وجوه ما عدا رفرف قدام شمال مرشوش
فيها زينون وسي دي وجنوط كويسه الى حد ما
وطبعا كامله تكييف وسنتر وزجاج كهرباء الخ
عامله 47 الف كيلو
صاحبها طالب نهائي 45 الف .. السعر ده ايه وضعه مقارنه بالسوق ؟
النقطه التانيه ايه اجراءات فحصها فى التوكيل ؟
وهل بعد البيع ممكن اعمل صيانتها عادي فى التوكيل بصفتي تاني مالك ليها ؟

شكراً مقدماً

[drahmd]

آخدها على 50 وأخلص فيها كاش وقتي

[hetlar4u]

افهم من حضرتك ان السعر المطلوب اقل من سعر السوق ؟
طيب وبالنسبه للفحص والصيانه ؟

[marshal]

سعر مناسب جدا من رأيى..
ده لو فعلا العربية سبيمة ومضمونة 100%
ربنا يوفقك

[hetlar4u]

متشكر جدا على تقييم السعر
بالنسبه لفحص التوكيل .. هل ناخد العربيه ونطلع على هناك علطول ولا بنحجز قبلها .. مع العلم ان اقرب توكيل ليا فى قليوب ..
اي معلومات بخصوص موضوع الفحص في التوكيل ؟

[drahmd]

العربيه دي لو سليمه تبقى في الجووووووووووووووووووووووووووووووووووووووووووووووو وووووووووووووووووووووووووووووووووووون

[zezo13178]

خدها طبعا من غير ماتفكر , سعرها رائع

[zezo13178]

مفيش اي مشاكل في صيانتك للعربيه في التوكيل حتي لو كنت عاشر مالك لها طالما العربيه لسه في الضمان
روح اي توكيل هيونداي او مركز خدمه معتمد واعمل كشف شامل , ومبروك عليك باذن الله

[hetlar4u]

بصراحه انا مسألتش هيا فى الضمان ولا لا !
عموما اللى يبارك فيكم .. مقدماً
وشكراً لردودكم

[zezo13178]

انت ممكن تكشف في التوكيل او اي مركز خدمه حتي لو العربيه بره الضمان
لكن غالبا ان العربيه في الضمان لانها موديل 2007 وعامله 47 الف

[hetlar4u]

الراجل رجع فكلامه ومرضيش يبيع وصلت معاه لـ 47 الف موافقش وبصراحه مقدرتش اكمل علشان الميزانيه ...
خيرها فغيرها بقى ماليش نصيب فيها :(

[Dr_Smart]

يا ريت لو ممكن توصلنا بصاحب العربيه انا ممكن اخدها منه ب 50 الف لو عايز يبيعها .. وأنا جاد جدا في الشراء ان شاء الله

لو أمكن ابعتلي رقمه على الخاص

شكرا جزيلا

[mexmarine]

خللى بالك العربيه دى فيها حاجه اكيد لان مش ده سعرها فى السوق خااااااااالص . خللى بالك

[moroo]

انا مستعد اخدها منك 50 ألف وحالا
0160434059 ياريت ترد عليا لو نسبك عرضى