قطة شيرازي للتنازل (للتبني)

[MohamedGafar]

للتنازل قطة (أنثي) شيرازي بيضاء عمر 6 شهور ، للأسف هي صماء (يعني مابتسمعش)، العينين: واحدة زرقاء والثانية خضراء ، مرحة وبتحب اللعب ، بأعرضها للتبني بسبب إنها مسببة حساسية لنجلي الكبير، مع وعد من اللى حيأخذها بمراعاتها. معاها شهادة التطعيمات بتاعتها.
التقابل فى مصر الجديدة إن شاء الله للى عايز يأخذها.
ت: 0101101077

[MohamedGafar]

إيه يا جماعة؟ 17 مشاهدة ومحدش قال كلمة؟؟

تحياتي.

[midomizo]

ياربت اقابل حضرتك لو لسة وجودة بس ممكن افهم مش بتسمع ازاى اية الجرلها خلاها مبتسمعش

[midomizo]

ومعلش بس سؤال حضرتك عرضها للبيع ام للتبنى

[midomizo]

لو للتبنى قابلنى دلوقتى انا نفسى فيها من زمان

[MohamedGafar]

أستاذmidomizo هي صماء لأن ده عيب جيني. 70% من القطط الشيرازي البيضاء اللى عينها لون ولون بتبقي صماء زي مادكتور مستشفي الشعب قاللى ، القطة للتبني دون مقابل وممكن أقابل حضرتك النهاردة بالليل لو عايز.

تحياتي..

[midomizo]

انا نفسى فيها من زمان والله
طب حضرتك متواجد فين النهاردة بالليل نتقابل

[M.almaghraby]

شكلها جميل اوي

[MohamedGafar]

انا نفسى فيها من زمان والله
طب حضرتك متواجد فين النهاردة بالليل نتقابل

معلش للأسف هي إتحجزت من واحدة صاحبة المدام فى خلال ال 10 دقائق اللى فاتوا!!! وجاية تشوفها الساعة 10 بالليل، بص لو ماأخذتهاش حأكلمك النهاردة بالليل. ياريت تحط رقم موبايلك أو تبعتهوللي على الخاص.

تحياتي.

[midomizo]

[MohamedGafar]

فيه قطة تانية!

انا نفسى فيها من زمان والله
طب حضرتك متواجد فين النهاردة بالليل نتقابل

فيه قطة (أنثي) شيرازي لونها بني فاتح فى أبيض وعينيها بني - بس دي بتسمع طبعا!-عمرها 4 سنوات عند جارتي وبرضه عارضاها للتبني.

[midomizo]

بس القطة العند حضرتك اجمل الصراحة

انا مستعد اتبنى قطة الجارة بس لو قطة حضرتك راحت لصاحب نصيبها

[midomizo]

طب هى صاحبة المدام هتزعل لو خدتها اصل الصراحة شكلها جميل اوى

[MohamedGafar]

طب هى صاحبة المدام هتزعل لو خدتها اصل الصراحة شكلها جميل اوى

حأعرف على بالليل إن شاء الله وحأرد عليك في جميع الأحوال إن شاء الله.

تحياتي.

[midomizo]

خلاص انا فى انتظار تليفون حضرتك

احترامى.