فستان زفاف للبيع

[bshndi]

السلام عليكم ورحمة الله وبركاته
1- إخواني : أريد بيع فستان زفاف موديل 2009 بالكوفر بتاعه (طبعاً تم إستعماله مره واحدة يوم الفرح :) )
2- الفستان للمحجبات مقفل عليه البدي الخاص به ومكمل عليه تطريز بنفس شكل الفستان (الرقبة والأساور )
3- مع الفستان إكسسوارات توضع علي الصدر ثمنها وحدها 275 جنيه
4- قمت بتنظيف الفستان بعد الفرح وتركيب سوست جديدة له وعمل كوفر كامل له لحمايته بـ 150 جنيه "بس"
5- الفستان كنت جايبه بـ 4100 جندي مصري بعد فصال
السعر المطلوب " أنا مش عارف " بس البنات بتعرف تسعر الحاجات دي كويس أحسن من الرجاله : ) ومش هايفرق معايا قوي لإني مراتي مش هاتستخدمه تاني ولا هاتخليني برضه أديه لحد .
تحياتي وإحتراماتي
المراسلة علي الخاص يا حضرات من فضلكم

[FunnyMickey]

لازم تحط صور للفستان تبين حالته وستايله
ثانيا المقاس مهم جدا عشان اللي عاوزاه تعرف مقاسها ولا لا

مش كنت تستني سنه كنت خدته منك بدل ما البس في الحيطه
انتم السابقون ونحن اللاحقون يامعلم

[bshndi]

السلام عليكم ورحمة الله وبركاته
باشا شاكر ليك الإفادة
1- بص بقي يا سيدي الصورة هابعتها للي عاوز يشتري مش كده ولا إيه .
2- بالنسبة للطول مقدور عليه لإن الفستان ينفع عروسة طولها 170 سنتيمتر "أطول من كده تروح تتصرف " وما تكونش مليانه.
3- الفستان مطرز بالكامل (تطريز حقيقي وليس لصق بالشمع كما هو معتاد)
4- الموضوع مش فارق معايا إتباع ولا لأ ، أهو قاعد لا بياكل ولا بيشرب (بس هي مسأله إستحرام فلوس مركونه)، وكمان مستحرم إن واحد عريس جديد زي حالاتي يروح يأجر فستان ويتقاله أول لبسه ب ألف ونصف ولا ألفين جنيه ، أو يروح يلبس في الحيط زي حالاتي ويكع المبلغ المذكور ، ده كل شيء .
ملحوظه : إلي عايز يشتري الفستان وعاوز يتمنه الأول ممكن ياخد الفستان ويروح لأي محل بتاع فساتين زفاف ويقول الفستان جاي هدية لعروسته وهو بس عاوز يعرف تمنه علشان يرد الهدية أو أي كلام ييجي علي دماغه ساعتها ويقولي بعد كده وأنا مش هاروح معاه أنا واثق في إخواني أعضاء المنتدي هنا .
تحياتي وإحتراماتي

[amir]

السلام عليكم ورحمة الله وبركاته
باشا شاكر ليك الإفادة
1- بص بقي يا سيدي الصورة هابعتها للي عاوز يشتري مش كده ولا إيه .
2- بالنسبة للطول مقدور عليه لإن الفستان ينفع عروسة طولها 170 سنتيمتر "أطول من كده تروح تتصرف " وما تكونش مليانه.
3- الفستان مطرز بالكامل (تطريز حقيقي وليس لصق بالشمع كما هو معتاد)
4- الموضوع مش فارق معايا إتباع ولا لأ ، أهو قاعد لا بياكل ولا بيشرب (بس هي مسأله إستحرام فلوس مركونه)، وكمان مستحرم إن واحد عريس جديد زي حالاتي يروح يأجر فستان ويتقاله أول لبسه ب ألف ونصف ولا ألفين جنيه ، أو يروح يلبس في الحيط زي حالاتي ويكع المبلغ المذكور ، ده كل شيء .
ملحوظه : إلي عايز يشتري الفستان وعاوز يتمنه الأول ممكن ياخد الفستان ويروح لأي محل بتاع فساتين زفاف ويقول الفستان جاي هدية لعروسته وهو بس عاوز يعرف تمنه علشان يرد الهدية أو أي كلام ييجي علي دماغه ساعتها ويقولي بعد كده وأنا مش هاروح معاه أنا واثق في إخواني أعضاء المنتدي هنا .
تحياتي وإحتراماتي

و الله عداك العيب و قزح
بس لازم تحط صور للفستان
بص افرده علي الارض او السرير مثلا و خد ليه كذا صوره
انا مش لازمني الفتره دي بس حبيت اسهلك بيعه
في ناس كتير علي وش جواز في المنتدي و في بنات و ستات معانا برضو
فلو واحده مثلا شافتله صوره ممكن تقول لواحده تعرفها علي وش جواز عليه و ربنا يسهلك بيعته