مطلوب كرسي مكتب طبي

[د.أحمد سمير]

الإخوة الأحباء
مطلوب كرسي مكتب طبي بحالة ممتازة استعمال معقول ..

ولمن لديه فكرة مناسبة عن أسعار الجديد وأماكن بيعها عن تجربة فليتكرم بها

مع العلم أني فشلت تماماً في الحصول على كرسي مكتب طبي مناسب
إما ماركات مجهولة ..
أو ماركات كانت رائعة وبقت فاشلة حالياً مثل العالمية وحلوان

أو ماركات كويسة لكن أصنافها هي هي زي موبيكا ..

خصوصاً إني باقعد بالعشر ساعات على المكتب ..
وأعاني مشاكل جسيمة في ظهري

تقبلوا خالص مودتي
وشكراً لكم مقدماً

[dramir1]

افضل كراسي ممكن تشتريها هي wood and plexy
اسعارها غاليه شويه لكن اللي عندهم مفيش زيه في السوق ...ارجحلك كرسي عندهم اسمه روما ظهر عالي
مريح جدا وخاماته ممتازه ....ومناسب لللاوزان التقيله.

[Ahmed Selim]

للأسف الكراسى اللى يعتمد عليها فعلاً هتكون غالية.......فى حدود ال 1500 للكرسى

لو على الماركات العادية ممكن تلاقى كتير فى شارع جسر السويس بجوار قهوة الفيشاوى

لو عاوز نوع محترم يبقى عليك و على تاكى

و نصيحة عشان ظهرك......كل ساعة تقوم 10 دقايق من على الكرسى.....تمشى رجلك شوية و تعمل شوية تمارين أطالة خفيفة

أنا عندى نفس الموضوع فى الظهر و الرقبة كمان.....و للأسف طبياً مفيش حل غير العلاج الطبيعى و مجربتهوش......معرفش ممكن يجيب نتيجة ولا لأ.

[د.أحمد سمير]

شكراً ليكم جداً يا جماعة ..
نا شفت كرسي طبي ألماني عند رياضكو لكن لقيته غالي زيادة جداً في حدود 2600 جنيه

لو لقيت حاجة زيه في حدود 1500 مثلاً يبقى هايل جداً

هو عبارة عن كرسي من الألمونيوم .. والفرش عبارة عن شبكة فينيل

لو حد شاف حاجة قريبة من هذا الشكل وفي حدود هذا السعر يبلغني .

وأنا هاروح لوود آند بلكسي في مدينة نصر أشوف يمكن يكون الكرسي ده موجود عندهم .. بناء على نصيحة د.أمير

وبخصوص العلاج الطبيعي يابوحميد مانصحكش بيه طالما الشكوى مش مزمنة .. ممكن مساج خفيف كل يوم على المناطق التعبانة وهتلاقي نتيجة ممتازة ..

لكن لو المسألة صعبة للغاية يبقى لازم كشف وأشعة رنين .. ولو توصية الدكتور بالعلاج الطبيعي يبقى أوك

تقبلوا خالص مودتي وتقديري

[dramir1]

بالنسبه للكرسي الروما اخر سعر ليه كان 1800 بالضريبه
حقيقي كرسي مريح جدا وفخم جدا

[dramir1]

لو عاوز نوع محترم يبقى عليك و على تاكى

.................................................. .............
هو تاكي بتبيع كراسي مكتب ؟؟؟؟؟؟؟؟؟؟؟؟؟؟؟

[Ahmed Selim]

لو عاوز نوع محترم يبقى عليك و على تاكى

.................................................. .............
هو تاكي بتبيع كراسي مكتب ؟؟؟؟؟؟؟؟؟؟؟؟؟؟؟

أيوة يا باشا

المعرض بتاعهم كان فى أحمد سعيد

كل لما كنت بروح هناك بلاقى كل حاجة.......و أخر مرة كنت هناك كان من سنتين تقريباً

المعرض تقريباً 5 أدوار كل دور فيه نوع من الأثاث أو أكتر

يعنى تلاقى دور غرف نوم....دور غرف معيشة و دور أثاث مكتبى و هكذا.

[dramir1]

أيوة يا باشا

المعرض بتاعهم كان فى أحمد سعيد

كل لما كنت بروح هناك بلاقى كل حاجة.......و أخر مرة كنت هناك كان من سنتين تقريباً

المعرض تقريباً 5 أدوار كل دور فيه نوع من الأثاث أو أكتر

يعنى تلاقى دور غرف نوم....دور غرف معيشة و دور أثاث مكتبى و هكذا.

شكرا للتوضيح

[Karim_Monir]

.
نا شفت كرسي طبي ألماني عند رياضكو لكن لقيته غالي زيادة جداً في حدود 2600 جنيه

لو لقيت حاجة زيه في حدود 1500 مثلاً يبقى هايل جداً

هو عبارة عن كرسي من الألمونيوم .. والفرش عبارة عن شبكة فينيل

لو حد شاف حاجة قريبة من هذا الشكل وفي حدود هذا السعر يبلغني .

فعلا ده اللي انا قاعد عليه في الشغل بعد ما عملت طلب رسمي وجبتلهم تقرير طبي ان ضهري بايظ ولازم كرسي معين
كان 2650
شبكة فينيل الجسم كله المونيوم
في كمية مكن محترمة
الجسم بيكون متهوي لان مفيش اي حاجة مصمتة
في اوضاع كتير جدا جدا بدء من القعدة المخشبة لغاية النوم في الكرسي وخامات رائعة
فاضلة موتور ويبقي عربية
لو عرفت اسئلك الناس بتوع المشتريات المحلية احسن سعر بياخدو بيه هنا وكانك شغال في الشركة عندنا ونجيبهولك بنفس السعر ان شاء الله
بس لو طلع سعر كويس

[solycar]

انا بقالى يومين متابع و مكسوف اسأل انتو بتتكلموا على ايه


يعنى ايه كرسى طبى ؟؟؟


انت كنت فاكر فى الاول انو حاجة زى كرسى طبيب السنان


و بعد كده فهمت انو كرسى الاطباء

لان صاحب الموضوع د احمد سمير :)

بعد كدة كريم بيقول انو لالم الضهر و كدة

ممكن صورة ليه عشان افهم بعد اذنكم

[dramir1]

فعلا ده اللي انا قاعد عليه في الشغل بعد ما عملت طلب رسمي وجبتلهم تقرير طبي ان ضهري بايظ ولازم كرسي معين
كان 2650
شبكة فينيل الجسم كله المونيوم
في كمية مكن محترمة
الجسم بيكون متهوي لان مفيش اي حاجة مصمتة
في اوضاع كتير جدا جدا بدء من القعدة المخشبة لغاية النوم في الكرسي وخامات رائعة
فاضلة موتور ويبقي عربية
لو عرفت اسئلك الناس بتوع المشتريات المحلية احسن سعر بياخدو بيه هنا وكانك شغال في الشركة عندنا ونجيبهولك بنفس السعر ان شاء الله
بس لو طلع سعر كويس

شوقتنا يا استاذ كريم ...هل الكرسي ده الليwood and plexy مسمياه vegas
??????
ولوممكن صور للكرسي بتاعك......

[Karim_Monir]

دي صورة الكرسي بعد سنة استخدام تقريبا
ممكن يطلع لينا ب 2100 لكن مش موجود حاليا
الموجود نوع تاني غلى ب 3 وشوية

[dramir1]

ده اللي في wood and plexy اسمه vegas لكن مع فخامه اعلى من ده
كرسي وهمي لكن سعره ساعة ماشتريت ال روما كان بحوالي 3000 جنيه

[د/أحمد ابراهيم]

دي صورة الكرسي بعد سنة استخدام تقريبا
ممكن يطلع لينا ب 2100 لكن مش موجود حاليا
الموجود نوع تاني غلى ب 3 وشوية

شكرا على الصورة

انا اول مرة الاحظ الانواع دي

لو فيه منه مستعمل بحالة كويسة

ياريت نعرف نلاقيه فين (طبعا بعد اذن صاحب الموضوع)

[dramir1]

طمنا عملت ايه؟؟؟