ساعة رولكس أويستر ملو سويسرى أصلى

[mexxxxxx]

ساعة رولكس أويستر ملو سويسرى أصلى - أوستيك رولكس أصلى رقم 78350 أستانلس ستيل- حالة ممتازة

Rolex Oyster Precision Manual Watch Model Number: 78350 Rolex Oyster Precision Stainless Steel
.This Rolex watch is a small man's or large ladies' watch
.Swissmade, Purchased within the last 20 years

زي اللي في الصورة دي




للجادين فقط - الساعة أصلية وارد الكويت - بدون علبة


السعر النهائي 5500 غير قابل للتفاوض

[tamer1974]

غالية شوية

[mexxxxxx]

يا ريت اعرف ليه غالية؟
ويا ترى عندك ارخص؟ وبكام؟

[mr_sameh]

يا ريت اعرف ليه غالية؟
ويا ترى عندك ارخص؟ وبكام؟

هوا حضرتك محدد السعر علي اي اساس

[Mostafa.Mahran]

هى الجديدة بكام اصلا؟

[Dr.Mostafa Anwar]

مع احترامى الشديد لكاتب الموضوع

ارجو ان يبتعد الجميع غن مثل تلك الصفقات المشبوهه

فعدم وجود فاتوره شراء وعلبة المنتج قد يعنى ان السلعة مسروقه او ليست اصليه

ارجو الحذر الشديد من شراء اى سلعه مجهولة المصدر

ولا يقول اى شخص هذا السعر لقطه او اى مبرر اخر

لأن من اشترى شيئا مسروقا فهو شريك فى السرقه

وجزاكم الله خيرا وابعدكم عن كل سوء


ما صدر منك هو اتهام ضمنى لصاحب الإعلان بالسرقة أو الإعانة عليها
مع عدم وجود دليل الا الظن وهو مالم تحسنه بالأخ صاحب الإعلان
حصلت على انذار لمخالفة قواعد الإهانة و الشخصنة

مشرف عام.2

[mexxxxxx]

هوا حضرتك محدد السعر علي اي اساس

اولا: على اساس متوسط سعر ساعات الرولكس الاصلية في المنتديات و الاعلانات و بعض المعارف.

ثانيا: الساعات اللي زي دي ملهاش سعر محدد بالظبط لكن بيبقى فيه رينج + حالة + تقديرها من حيث القيمة و الندرة ((عمرها اكتر من سنة و بحالة جيدة جدا))

[mexxxxxx]

مع احترامى الشديد لكاتب الموضوع

ارجو ان يبتعد الجميع غن مثل تلك الصفقات المشبوهه

فعدم وجود فاتوره شراء وعلبة المنتج قد يعنى ان السلعة مسروقه او ليست اصليه

ارجو الحذر الشديد من شراء اى سلعه مجهولة المصدر

ولا يقول اى شخص هذا السعر لقطه او اى مبرر اخر

لأن من اشترى شيئا مسروقا فهو شريك فى السرقه

وجزاكم الله خيرا وابعدكم عن كل سوء

* * * * * .... *

- فاتورة شراء لساعة عمرها اكتر من 20 سنة..؟؟؟؟!!!!!!!!!!! ده حلم ولا ايه ، اما موضوع العلبة ده فهو مش فارق كتير ده بالعكس - دة كل من عرض ساعة بالعمر دة بعلبة انا اشك فيه على طول لانه اكيد يبقى تاجر ، و معلومة اخرى ليك العلب دي بتتباع حاليا لوحدها و اللي بيشتريها بيشتريها عشان يحط فيها ساعة مش اصلية

- شراء سلعة بدون مصدر معناه عدم شراء 90 % من السلع المستخدمة ، غير ان الساعة دي أنتيك

- اعتبار السلعة المعروضة مسروقة اهانة تستحق رد الاعتبار
(((ارجو من ادارة المنتدى سرعة اتخاذ الازم اتجاه اهانة العضو لي و وصفي بهذا الوصف الشنيع)))

- الساعة دي ما يشتريهاش الا اللي يفهم فيها و هاويها - يعرف قيمتها و يقدرها - و يقدر يفرق ما بين الاصلي و التقليد ، غير ان الساعات الرولكس القلدة كلها لموديلات حديثة مش لموديل بقالة اكتر من 20 سنة



تقرير المشاركة هو الطريقة الوحيدة للتبيلغ عن الإساءة
حصلت على تنبيه
مشرف عام .2

[peposupervisor]

هههههههههههههههههههه
يا خوفي اخد انا كمان مخالفة لاني علقت علي هذا الموضوع
ربنا يوفقك في البيع

[A_H_M_A_D]

من السهل إن الساعة تتاخد و تروح بيها لأي حد شغال في الرولكس

فيه منهم في وسط البلد و فيه كمان تايم تريد الوكيل بتاعهم في الكوربة

وهم يقدروا يحددوا للي شاكك إذا كانت الساعة أصلية ولا لأ , وكمان ممكن يحددوا تمنها

[MohamedGafar]

- السعر الحالي للأويستر ديت جست الأتوماتيك بالنتيجة موديل 2010 بس أوستيك حصيرة 31 ألف جنيه فى فلوباتير بالاس.

- للإحاطة مفيش منها جديد ملو حاليا.

- الساعة دي تساوي الرقم ده بس بشرط إنها تكون بحالة ممتازة والزجاج مايكونش فيه خدوش.

- 20 سنة مش كتير بالنسبة للرولكس ، يعني دي موديل 90 . فيه عربيات عمرها أعلى من كده وحالتها ممتازة.

- مش مهم العلبة بس ورقها هو اللى مهم ، توكيل رولكس هو جاسر وبيكشف عليها في مقابل 100 جنيه ، وفيه توكيل تاني فى شارع القبة فى مصر الجديدة - جنب روكسي - بيكشف وياخد 60 جنيه.

- لا يعلي على الرولكس فى عالم الساعات على الرغم من وجود ماركات أغلي منها. هي عاملة زي المرسيدس فى عالم السيارات.

وأهلا لأي إستفسار ، أنا هاوي ولست تاجر.

تحياتي.

[احمد فهمى]

- السعر الحالي للأويستر ديت جست الأتوماتيك بالنتيجة موديل 2010 بس أوستيك حصيرة 31 ألف جنيه فى فلوباتير بالاس.

- للإحاطة مفيش منها جديد ملو حاليا.

- الساعة دي تساوي الرقم ده بس بشرط إنها تكون بحالة ممتازة والزجاج مايكونش فيه خدوش.

- 20 سنة مش كتير بالنسبة للرولكس ، يعني دي موديل 90 . فيه عربيات عمرها أعلى من كده وحالتها ممتازة.

- مش مهم العلبة بس ورقها هو اللى مهم ، توكيل رولكس هو جاسر وبيكشف عليها في مقابل 100 جنيه ، وفيه توكيل تاني فى شارع القبة فى مصر الجديدة - جنب روكسي - بيكشف وياخد 60 جنيه.

- لا يعلي على الرولكس فى عالم الساعات على الرغم من وجود ماركات أغلي منها. هي عاملة زي المرسيدس فى عالم السيارات.

وأهلا لأي إستفسار ، أنا هاوي ولست تاجر.

تحياتي.

هوه ده الفيصل فى الموضع فعلا

[phantom0xx0]

ممكن أول ٧ أرقام في ال serial number،،، .. الساعة ديه Airking ?

[phantom0xx0]

ممكن أول ٧ أرقام في ال serial number،،، .. الساعة ديه Airking ?

sorry i mean 100200 ??

[MohamedGafar]

sorry i mean 100200 ??

لأ دي مش أير كينج. دي داي ديت ملو. الأير كينج أوتوماتيك وسعرها أعلى من كده بس هي فعلا شبه الديت جست. لو عايز تاجر ساعات رولكس مستعملة أنا أعرف واحد ممتاز بس اللى أعرفه إن شغله عموما فى الصابمرينر والدايتونا.

تحياتي.