للايجار شقه 80م القاهره الجديده

[msms_ms2001]

بسم الله الرحمن الرحيم
للايجار قانون جديد شقه 80م التجمع الثالث القاهره الجديده امام الجامعه الالمانيه وكمبوند فيلل اربيلا المجاوره الرابعه المنطقه التانيه
الشقه متشطبه حمام ومطبخ ورسبشن وحجرتين و2 فرندا بيطلوا على جناين الدور الارضى
مطلوب 650جنيه شهريا من المالك مباشرا
0122659969

[Eng.Sameh]

متهيألي السعر ده في المنطقة دي على المساحة دي يعتبر عالي ...

يا ريت يا باشا تقولي أقل رقم ممكن تقبله في الأيجار عشان بدور على شقة اليومين دول

[msms_ms2001]

ممكن حضرتك تعمل سيرش فى جوجل وتشوف متوسط الاسعار فى المنطقه دى كام وانا تحت امرك

[خالد]

أنا لسة واخد واحدة هناك إيجار لواحد قريبى فى المحلية الأولى دور متكرر الرابع بــ 500 ج ومساحتها 70 متر
تشطيب الجهاز وزى الفل
فهل دى يتختلف فى المساحة لأنى دخلت شقق هناك كتير وقدام الجامعة الألمانية وعند الفيوتشر مول وأمام المستشفى وسمعت مساحات مختلفة مرة 63 متر ومرة 70 متر ومرة 80 متر وأنا من وجهة نظرى كلهم واحد !!
عن تجربة ولف ودوران كتييييييييييييييير فى القاهرة الجديدة :
1- الأسعار بتنزل فى الشتا عن الصيف
2- المساحات تقريباً واحدة 70 و 80 متر
3- الدور الأرضى أو الأخير هما أقل الأسعار عن الأدوار المتكررة
4- يفضل أن لايقل عقد الإيجار عن 5 سنين ، لأن لو العقد سنة أو أتنين بيبدأ يزود عليك ويملى شروطه ويقولك أسأل على أسعار السوق كام دلوقتى!! ويورطك أما الزيادة وأما تعزل وتدور على الجديد
5- بعد ماتمضى العقد وتطلع على ورق الشقة بأسم المالك تمام ، تآخد إيصال النور بتاع آخر شهر أو تسأل عليها فى إدارة الكهربا فى الجهاز أحتمال يكون عليها إيصالات متأخرة !!
6- فى نصب كتيييير خاصة فى الإيجار وميمنعش طبعاً عند البيع !
كتير قوى المؤجر بيديك عقد مضروب مش يالأسم الحقيقى لصاحب الشقة
ممكن أصلاً الشقة مستولى عليها وضع يد يعنى مكسورة ويغير الكالون وبعدين يأجرها لأى حد بعقد مضروب وبيانات غير سليمة ويقبض منك كل شهر الإيجار ، ولو حصل حاجة مابتعرفش تجيبه ولو الأمور ماشية هوة مستفيد والكلام ده حصل حقيقى فى القاهرة الجديدة !!
وربنا يوفق الجمبع

[msms_ms2001]

أنا لسة واخد واحدة هناك إيجار لواحد قريبى فى المحلية الأولى دور متكرر الرابع بــ 500 ج ومساحتها 70 متر
الاسعار دى موجوده فعلا هناك بس بتختلف لموقع الشقه وحسب الدور وديما الادوار العاليه بتقل شويه لعدم وجود اسانسير ودرجه الحراره والامطار
تشطيب الجهاز وزى الفل
فهل دى يتختلف فى المساحة لأنى دخلت شقق هناك كتير وقدام الجامعة الألمانية وعند الفيوتشر مول وأمام المستشفى وسمعت مساحات مختلفة مرة 63 متر ومرة 70 متر ومرة 80 متر وأنا من وجهة نظرى كلهم واحد !!
الدور الارضى 80م عشان الفرندتين
عن تجربة ولف ودوران كتييييييييييييييير فى القاهرة الجديدة :
1- الأسعار بتنزل فى الشتا عن الصيف
كلام مظبوط
2- المساحات تقريباً واحدة 70 و 80 متر
3- الدور الأرضى أو الأخير هما أقل الأسعار عن الأدوار المتكررة
الدور الارضى ممكن تعمله مكتب فامطلوب شويه
4- يفضل أن لايقل عقد الإيجار عن 5 سنين ، لأن لو العقد سنة أو أتنين بيبدأ يزود عليك ويملى شروطه ويقولك أسأل على أسعار السوق كام دلوقتى!! ويورطك أما الزيادة وأما تعزل وتدور على الجديد
كلام حضرتك سليم بس 5 كتير لان من الممكن المستاءجر يدوخك فى دفع الايجار ودى بتحصل كتير يبقا ايه العمل
5- بعد ماتمضى العقد وتطلع على ورق الشقة بأسم المالك تمام ، تآخد إيصال النور بتاع آخر شهر أو تسأل عليها فى إدارة الكهربا فى الجهاز أحتمال يكون عليها إيصالات متأخرة !!
6- فى نصب كتيييير خاصة فى الإيجار وميمنعش طبعاً عند البيع !
كتير قوى المؤجر بيديك عقد مضروب مش يالأسم الحقيقى لصاحب الشقة
ممكن أصلاً الشقة مستولى عليها وضع يد يعنى مكسورة ويغير الكالون وبعدين يأجرها لأى حد بعقد مضروب وبيانات غير سليمة ويقبض منك كل شهر الإيجار ، ولو حصل حاجة مابتعرفش تجيبه ولو الأمور ماشية هوة مستفيد والكلام ده حصل حقيقى فى القاهرة الجديدة !!
فعلا الموضوع دا حصل مع صديق ليا وطلع فى الاخر سمسار واحد سايبله مفتاح شقته وهو اجرها ل3 افراد وخد المقدم وخلع ودور بقا الموضوع دا كان فى العبور
وربنا يوفق الجمبع

[محمد محمد]

في العبور ال100م اسكان شباب تعملها 650-700ج وعلي اساس القاهرة الجديدة اغلي شوية من العبور انا شايف ان السعر معقول.

[meero_boy2000]

في العبور ال100م اسكان شباب تعملها 650-700ج وعلي اساس القاهرة الجديدة اغلي شوية من العبور انا شايف ان السعر معقول.

+11111111111111111

[م/محمد صلاح]

طيب ممكن اعرف ايجار شقه 170 متر فى التجمع الخامس فى منطقه كويسه تعمل كام؟ تكون تشطيب سوبر لوكس

[msms_ms2001]

طيب ممكن اعرف ايجار شقه 170 متر فى التجمع الخامس فى منطقه كويسه تعمل كام؟ تكون تشطيب سوبر لوكس

تحياتى باشمهندس محمد الدنيا صغيره افكرك بنفسى انا محمود كان عندى شقه فى مريوطيه فيصل عند شركه ميراكوا كارير الدور التاسع وعجبت حضرتك ورحنا قعدنا فى كايرو مول عشان نتفق بس محصلش نصيب يارب تكون افتكرتنى
بالنسبه لسؤلك تقريبا 2000
وانا سعيد انى شوفت حضرتك
واى خدمه انا تحت امرك

[mr_sameh]

طيب ممكن اعرف الشقة دي تنفع اعملها مكتب محاماه يعني الكثافة السكانية اخبارها اية

[M.ABDEEN]

المساحات المفروض 70 و 100 و 135 متر 80 دي في انهي نموذج يا باشا والمكان فين من صينية ميدان الجامعة الالمانية ؟؟؟

[msms_ms2001]

طيب ممكن اعرف الشقة دي تنفع اعملها مكتب محاماه يعني الكثافة السكانية اخبارها اية

هى تنفع مكتب بس بالنسبه للسكان فهى هاديه شويه

[msms_ms2001]

المساحات المفروض 70 و 100 و 135 متر 80 دي في انهي نموذج يا باشا والمكان فين من صينية ميدان الجامعة الالمانية ؟؟؟

فعلا هو مكتوب فى العقد 72م بس لما جه مهندس صاحبى يقيسها طلع 82 م هو قالى عشان ارضى والفرندتين عاملين مساحه حوالى 10م يمكن هما مش مدخلين مساحه الفرندات فى العقد
حضرتك هى الشارع الى قبل الصينيه اخر السور بتاع اربيلا بس هى مش على الرئيسى هى الشارع الموازى ليه

[raedegypt]

مع الوقت والغلاء اعتقد ان حد الايجار فى مصر للشقق لن يقل عن 1000 ج كحد ادنى . المكاتب الاداريه حد 3000 ج والمحلات 5000 ج كحد ادنى مع تطبيق نظريه العرض والطلب ومنها نطلع وننزل عن الحدود دة

[الريس]

السعر مناسب للي بيفكر بجدية
انا باقول اللي بيمليه عليا ضميري