حد عنده فكره عن تقسيم حدائق الاهرام ؟؟؟

[أبو ياسين]

بفكر اشترى شقه فى حدائق الاهرام
بس عايز اعرف المنطقه مقسمه ازاى؟ منطقعه ا & ب & و & ع & ز
و ايه احسن المناطق ؟
انا دورت ملقيتش اى صور توضح المنطقه
يا ريت حد يساعدنى
و يسلام لو حد ساكن هناك ؟؟؟؟؟

[hero]

دي الصورة الاولي:


ودي صورة تانية :


انا مش ساكن هناك....بس كنت بافكر اشتري برضة شقة هناك...هي المنطقة كويسة ...وآسعارها تعتبر الاقل في المناطق الجديدة المماثلة....بس يعيبها انها تقع في منطقة الاهرام والمعروفة باختناقتها المرورية القاتلة...

انا باشوف كل يوم جمعه في ملحق السيارات صراخ الناس ايلي في الجيزة ككل...المحور ...ميدان الرماية...6 اكتوبر....الزحام والاختناق المروري ...رهيب...

وعلشان كدة قلت ممكن اشوف شقة اصغر...في اي مكان شرق النيل...يعني التجمع ..الشروق ...العبور...مدينة نصر...

وربنا يوفقك..

[hero]

[أبو ياسين]

شكرا على الصور
الف شكر

[hero]

ياباشا ولا شكرولا حاجة....
هو في اخ وزميل هنا في المنتدي ايلي كان باعتلي الصور دي...جزاة الله كل خير...

[ahmed_gamal]

انا واخد شقة هناك لو حضرتك عايز تستفسر عن اي حاجة ان شاء الله اقدر افيدك

[أبو ياسين]

استاذ احمد جمال
ايه احسن المناطق ؟؟؟؟و الاسعار عامله ايه
معروض عليا شقه فى منطقه و ب 1500 م قسط
60 الف دفعه تعاقد
30 الف دفعه استلام (6/2009)
30 بعد سنه
1600 قسط شهرى على 50 شهر
ايه رايك انا هاروح اتفرج على المكان يوم الحد

[hero]

استاذ احمد جمال
ايه احسن المناطق ؟؟؟؟و الاسعار عامله ايه
معروض عليا شقه فى منطقه و ب 1500 م قسط
60 الف دفعه تعاقد
30 الف دفعه استلام (6/2009)
30 بعد سنه
1600 قسط شهرى على 50 شهر
ايه رايك انا هاروح اتفرج على المكان يوم الحد

ياريت تشوف حاجة استلام فوري احسن.....الواحد بقي بيشك في صوابع ايدة....بدل ما يلم الفلوس ويسيبكوا (انت وايلي حاجزين) تقطعوا بعض علي الارض....

[hfekry]

أستاذ / أحمد جمال
معلش انا كمان ليا سؤال. سعر المتر وصل كام فى المنطفة أ

[Ahmad Aboul Fotouh]

السلام عليكم و رحمة الله
اهم حاجه لازم تتاكد ان موقع الشقة بعيد عن خطوط الضغط العالي بمسافة كافية.لانه له اضرار صحية.
بالنسبة للاسعار فهيه متفاوته حسب موقع الشقه في الهضبة.
يعني انصحك تنزل كذا مره و تدرس المنطقة كويس قبل متشتري يعني ممكن تاخد سمسار معاك في العربيه و هوه يوريك كل الشقق اللي يعرفها و منه هتاخد فكرة كويسه
واي سؤال انا تحت امرك.انا لفيت فيها كتير قبل مشتري شقتي

[bemocarlo]

I have apartment in area N if you need any help

[mazdawy]

على فكرة كلام صح 100% إنك فى بلدنا لا تشترى إلا الشقة الجاهزة للاستلام ولا تدفع مليم قبل مفتاح الشقة حتى بدون تشطيب المهم تستلم وتقفل الباب وترفع دعوى صحة توقيع لحين تسجيل الشقة واحتمال كبير ما تعرفش تسجل هناك أصلاً أو تسجل بصعوبة .وطبعاً لا يفوتك أن تطلب من البائع دليل ملكيته للعمارة والأرض وهذا حقك ولو هيمضى معاك العقد ويكتب فيه زى ما بيعملوا ( بصفته وكيل عن فلان وعلان ) إطلب منه أصل التوكيل قبل دفع أى مليم . ولا تكتب فى العقد مبلغ أقل من اللى انت دافعه فى الحقيقة لأن هذا يتمخض عنه مشاكل قانونية جمه فى حالة اختلافك معه وفسخ العقد .

[ahmed_gamal]

على فكرة كلام صح 100% إنك فى بلدنا لا تشترى إلا الشقة الجاهزة للاستلام ولا تدفع مليم قبل مفتاح الشقة حتى بدون تشطيب المهم تستلم وتقفل الباب وترفع دعوى صحة توقيع لحين تسجيل الشقة واحتمال كبير ما تعرفش تسجل هناك أصلاً أو تسجل بصعوبة .وطبعاً لا يفوتك أن تطلب من البائع دليل ملكيته للعمارة والأرض وهذا حقك ولو هيمضى معاك العقد ويكتب فيه زى ما بيعملوا ( بصفته وكيل عن فلان وعلان ) إطلب منه أصل التوكيل قبل دفع أى مليم . ولا تكتب فى العقد مبلغ أقل من اللى انت دافعه فى الحقيقة لأن هذا يتمخض عنه مشاكل قانونية جمه فى حالة اختلافك معه وفسخ العقد .

كلام حضرتك مظبوط 100% بس دي الاجرائات الطبيعية اللي المفروض يعملها اي شخص بيشتري شقة جديدة بس انا لية ملحوظة علي موضوع الشقة الجاهزة دي لان غالبا الشقق اللي بتكون تقسيط وبالذات في المدد الطويلة بتكون العمارة لسة مطلعتش و مش كل الناس عندها امكانية انها تشتري كاش علي طول فا موضوع اني اشتريها و هي لسة مطلعتش مش مرعب اوي للدرجة دي مش عايزين نهوله زيادة و اكيد والواحد بيشتري مش بيشتري من اي حد لازم مثلا يكون حد دلني علي المكان ده و سمعته معروفة انا مثلا روحت شوفت العمارات اللي الشركة بنتها قبل كدة و سألت كام مالك في العمالرات دي عنهم و عن تعاملهم و بيغيروا في كلامهم ولا لا و ملتزمين في مواعيدهم و كدة ولا لا فا ان شاء الله لو الواحد تحري عن المكان كويس مش هيكون في مشاكل

[ahmed_gamal]

استاذ احمد جمال
ايه احسن المناطق ؟؟؟؟و الاسعار عامله ايه
معروض عليا شقه فى منطقه و ب 1500 م قسط
60 الف دفعه تعاقد
30 الف دفعه استلام (6/2009)
30 بعد سنه
1600 قسط شهرى على 50 شهر
ايه رايك انا هاروح اتفرج على المكان يوم الحد

انا عن نفسي مانصحكش بالبوابة الاولي بصراحة بعتبرها من عشوائيات المنطقة الا اذا كانت جوة شوية و طبعا لازم تكون بعيد عن خطوط الكهرباء زي ما الاستاذ احمد ابو الفتوح قال ده معروف اوي هناك
بالنسبة للشقة اللي معروضة علي حضرتك فهي في البوابة التانية و بصراحة البوابة التانية لذيذة انضف من الاولي والمكان قريب اوي من البوابة فاعتقد ان موقعها مميز بس ممكن تلاقي سعر اقل من كدة لو دورت شوية ماتخودش اول حاجة تشوفها او تتعرض عليك لا دور شوية بص انصحك انك ماتتاخرش في الشراء اوي لان فعلا اسعارها في زيادة مستمرة
انا لسة صديق لية واخد في البوابة الثانية شقة قدام النادي بالظبط سعر المتر 1400 و موقعها هايل فعلا والشارع واسع عرضه 20 متر تقريبا فاانت دور شوية وان شاء الله ربنا يوفقك

[ahmed_gamal]

أستاذ / أحمد جمال
معلش انا كمان ليا سؤال. سعر المتر وصل كام فى المنطفة أ

والله انا اخر حاجة سمعتها هناك كانت 2000 ج للمتر وفي ناس بتبيع اغلي شوية كمان