للبيع موبايل htc 4g

[ahmad--ezzat]

اخ فهد متزعلش منى
سوق بيع التليفونات مش هيجبلك السعر دة خالص
ربنا يوفقك فى البيع بس لو حضرتك شاريه فعلا ب 4100 بلاش تبيعه لان انت عايز سعر صعب جدا
وانت عارف التليفونات بتنزل جامد حتى لو التليفون مستعمل يومين تلاته

[fahd101]

ربنا مش يجيب زعل ولا أى حاجة وحشة يا باشمهندس أحمد
انا معاك ان الموبايلات سوقها فى النازل دائما بس برضه فى موبايلات سوقها فى الطالع وبعدين موبايل زى htc أعتقد ان مش كل الناس بتشتريه علشان اقولك يرخص او سعره يثبت ده لانه موبايل بينافس الاى فون وطبعا الناس مش هتفرق معاها لا htc أو i phone لان الناس عايزة السعر اللى على قد أيدها يعنى كبيره اوى 1500 او 2000 علشان بيخافوا لا يتسرقوا علشان كده ناس معينه بس اللى تلاقيها شايله الموبايلات الغاليه دة عموما شكرا لرد حضرتك ولو تسمحى لى ممكن أعرف سعره كام دلوقتى يعنى ممكن يجيب لحد كام

[ezzelden]

الموبايل ده يا جماعة جامد جدا بس وسعره فعلا بيكون غالى وده نازل حصريا فقط لشركة تى موبايل الامريكية بس بيشتغل على جميع الشبكات وكمان لو نزل منه للسوق بيكون اقل شوية فى الامكانيات واليعرف ال htc hd 2
هيعرف الفرق بين العادى وال تى موبايل لانه اقوى فى الامكانيات
موفق فى البيع انا كنت ممكن اخده منك بس للاسف مش هستغل ال4g فى شئ

[fahd101]

شكرا أخى عز الدين على ذوقك وردك .. وربنا يسهل فى بيعه لانى فعلا مش محتاج كل الامكانيات دى

[demo0900]

استاذ فههد
هو التليفون عامل اية مع حضرتك يعني استعمالة سهل ولا معقد
و الجهاز سريع ولا بيهنج و الكاميرا كويسة ياريت تشرح تجربتك
وشكراااا

[fahd101]

هو استعماله مش سهل ومش صعب بس لاول وهله هتحس أن الدنيا ظلمه ودة حصل معايا لانى كنت أول مره امسك موبايل اندرويد لانى متعود طول عمرى على السمبيان بس مع الوقت بقى سهل جدا بالنسبه لى وخصوصا ان مفيهوش اوبشن مكلكعه يعنى بالوقت هتفهم كل حاجة وطبعا الجهاز سريع جدا لانه فيه بروسيسور 1.2 بس طه فى حالة انك مفضى الميمورى بتاع الجهاز يعنى حط كل حاجة على الكارت بلاش الموبايل وهو هيبقى طلقه وبالنسبه للتهنيج الحمد لله مهنجش غير مره ودة بسبب انى كنت مستعجل وعمال افتح واقفل فى حاجات كثير مع بعض مش مديله فرصه يحمل وساعتها عمل ريستارت لوحده وفتح تانى بدون اى مشاكل
الكاميرا بسم الله ما شاء الله تحفة فى تصويرها يعنى متقولش انها 8 ميجا ابدا والفيديو كمان full HD يعنى تحس انك بتتفرج على كاميرا فيديو مش كاميرة موبايل بس المشكلة الفلاش بالليل دائما بيعمل عيون بيضا ؟؟ مش حمرا مش عارف ليه هل ده يبقى قوى ولا ضعيف اما غير ذلك فالموبايل بسم الله ما شاء الله حدث ولا حرج

[mohaismail]

موبايل محترم جدا ربنا يسهلك بيعه