للبيع iphone 3gs

[mahamedaraby]

للبيع تليفون iphone 3gs جديد تمام استخدام اقل من شهر

الموبايل بتاع اخويا كان جايبه من موبينل جديد بالفاتوره وضمان سنه مفتوح رسمى لونه اسود

مساحه 8 جيجا

هو عايز يبعه يجب كام بالحاله دى والموبايل شامل العلبه بجميع مشتملاته وضمان سنه وفاتوره الشراء( اقل من شهر )

بالحاله دى يجب كام ؟ ؟
ارجو التسعير بعدل

الموبايل كان جايبه من موبينل ب 2750 اول الشهر ده

[kar!m]

بيتهيألي بالكتير أوي 2200 جنية .. ال 16 جيجا النضيف مستعمل بيعمل 1800 جنية .. ده النضيف أوي.

[mohammedezo]

1300 جنية علشان 8 جيجا

[mxz911]

انا شارى واحد 16 جيجا بكامل حاجته ومشتملاته من عضو هنا فى المنتدى ب 1800 جنيه متفتحش قبل كده وحالته نظيفه والكلام ده من فتره كبيره ف اعتقد هيكون اقل دلوقتى كمان .. اعتقادى الشخصى انه مش هيعدى ال 2000 جنيه ويعنى ايه شاريه من موبنيل و مفتوح رسمى !! لو شاريه من موبنيل بيبقى مقفول على موبنيل !

1300 جنية علشان 8 جيجا

باشا هوه بيبيع iphone مش ipod وكمان بيقولك بحاله الجديد ... شكلك غلطان او داخل تهزر مع احترامى !

[FunnyMickey]

انا شفت حاجات كتير اوي 8 جيجا فعلا ب1300 وب1000 كمان
نقول عشان الحاله 1500

انما صعب 2000 اعتقد
ولا ده نوع تاني ولا ايه

اعذروني انا مبفهمش في الاي فون
بس اللي شفته كان 8 جيجا و3g بردو

[kar!m]

انا شفت حاجات كتير اوي 8 جيجا فعلا ب1300 وب1000 كمان
نقول عشان الحاله 1500

انما صعب 2000 اعتقد
ولا ده نوع تاني ولا ايه

اعذروني انا مبفهمش في الاي فون
بس اللي شفته كان 8 جيجا و3g بردو

ممكن يكون اللى انت شفته 3g .. انما ده 3gs

[FunnyMickey]

ايه الفرق بقي عشان الواحد بردو ياخد باله وهوا بيشتري

[mxz911]

انا شفت حاجات كتير اوي 8 جيجا فعلا ب1300 وب1000 كمان
نقول عشان الحاله 1500

انما صعب 2000 اعتقد
ولا ده نوع تاني ولا ايه

اعذروني انا مبفهمش في الاي فون
بس اللي شفته كان 8 جيجا و3g بردو

ايفون 3G 8 جيجا ب 1000 جنيه ده سعر معقول
و 1200 لل 3g معقول برضه

ايفون 3GS 8 جيجا سعره المعقول 1600 جنيه
ايفون 16 جيجا 3GS برضه المعقول 1800 جنيه

الاسعار دى للحالاات الممتازه اللى متفتحش قبل كده لشغل او صيانه

لكن صاحب الموضوع بيقول ان موبايله شبه جديد ف من رأى انه هيعدى الاسعار اللى فوق ب شويه





فى الايفون عموما بيبقى تقريبا الموبايل الاجدد بيبقى تقريبيا وليس 100 % بيبقى ضعف الامكانيات من ناحيه الرامات والبروسيسور .. طبعا مش بقولها 100% بس هيه حاجه زى كده وتقدر تشوف مواصفات كل واحد
غير باقى الحاجات زى الشاشه ونقائها والكاميرا

ده المقارنه بين 3G و 3GS
Apple iPhone 3G vs. Apple iPhone 3GS - GSMArena.com

ودى بين 3GS و 4G

http://www.gsmarena.com/compare.php3?idPhone1=2826&idPhone2=3275

[mido]

لو باعه هيخسر فيه خسارة التنين احسنله يسيبه

[M!SHO]

باشا أنا بدور على واحد 16 لواحد صاحبى

بس لو ال 8 سعره كويس ممكن أخده منك فياريت تكتب السعر النهائى اللى ممكن تبيع بيه وأتأكد أنه مفتوح رسمى

[M!SHO]

بيتهيألي بالكتير أوي 2200 جنية .. ال 16 جيجا النضيف مستعمل بيعمل 1800 جنية .. ده النضيف أوي.

أستاذ كريم متعرفش ألاقى واحد 16 نضيف فين ويا سلام لو موجود فى الزقازيق ؟ّ

أنا نزلت السراج مول وكان 32 النضيف عامل 1900 بس بصراحه مكنتش مرتحلهم خالص

[SuperTest]

يا جماعه اى حد محتاج حاجه فى الايفون يقول لى

بالنسبة للاسعار ، صعب اوى انه يوصل ل 2000 ، لأن ب 2700 بتجيب ايفون 4 مفتوح رسمى 16 والفرق بينهم كبير اوى

اخوك غلط انه جاب ثرى جى اس من شهر جديد ، لأن خلاص فيه فور وفور اس ، وفرق البروسيسور والرامات بينهم كبير اوى ده 600 وده 1 جيجا ، والتانى ديول كول ، وكمان ده رامات 256 وال فور رامات 1 جيجا ، غير الريتنا ديسبلاى والتاتش والالوان

الاسعار حاليا للمستعمل كالآتى
ايفون 3 جى اس 16 جيجا مفتوح رسمى بمشتملاته 1450 جنيه
ال 32 جيجا 1650 ل 1700 جنيه
ال 8 جيجا بيتباع بحوالى 1400 جنيه لأنه تم اصداره بعد ال 16 و ال 32 فحالة البطارية فيه بتكون افضل لقلة الاستهلاك

لكن طبعا المستعمل بيتفاوض حسب الحالة

للأسف دى اسعار السوق ، لكن بالنسبة لحالة جهازك وانه جديد نسبيا ممكن يجيب 1700 ان شاء الله لأنه كأنه جديد. بس هل موبينيل بتبيع مفتوح رسمى ؟

وفقك الله فى بيعه

[m_badr]

ممكن اعرف هو هيبيعه ليه بسرعة كدة اصل انا كنت ناوي اجيب واحد من موبينيل برضه ويا تري دة اخرة كام؟

[SuperTest]

استاذ بدر لو هتجيب من موبينيل بالسعر ده اللى هو 2800 جنيه ، انا انصحك تجيب ايفون 4 - 16 مفتوح رسمى مستعمل استعمال خفيف وبيبقى زى الجديد بالكارتونه بكل مشتملاته فى رينج السعر ده ، وكمان مفتوح كل الشبكات ، وفرق كبير اوى فى الامكانيات بينه وبين الثرى جى اس، وكمان فى الايفون بصراحه ، متنفعش مساحه اقل من 32 جيجا ، حاليا اقل ابليكشن محترم او جيمز حتى بتوصل ل جيجا ، يعنى انا عندى 32 جيجا ويادوب حاطط شوية ابلكيشنز وجيمز وتصوير الكاميرا مساحة الصور عالية ومستخدم 18 جيجا من غير اى ام بى ثرى او فيديوز خالص

وللمعلومات كمان ايفون 5 نازل فى شهر سبتمبر ان شاء الله

[kar!m]

أستاذ كريم متعرفش ألاقى واحد 16 نضيف فين ويا سلام لو موجود فى الزقازيق ؟ّ

أنا نزلت السراج مول وكان 32 النضيف عامل 1900 بس بصراحه مكنتش مرتحلهم خالص

بص احنا عندنا فى البيت فى الزقازيق واحد 16 جيجا .. 3gs.. هسألهم لو عاوزين يبيعوه .. هو بحاله ممتازة .. بس متغير له بطارية جديدة و علبة الجرس أصليه من تليفون تاني .. كنت عامل عنه موضوع قبل كده لما كنت عاوز أصلحه.

http://www.nilemotors.net/Nile/265128-a.html

هسألهم .. لو عاوزين يبيعوه .. هبعت لك على الخاص.