هي الناس ليه مابقتشي تلتزم بالاتفاق!!!!!! رحمتك يا رب

[abdelaziz-waleed]

انا بكتب الموضوع ده علشان بصراحة فاض بيا خلاص

انا حصل لي 3 مواقف من الاعضاء هنا في البيع والشراء كلها اخلاف للالتزام بالاتفاق والوعد
الموقف الاول
اخ كان عارض ايفون 2g للبيع. قولت اخده لوالدي علشان الخط في الايفون بيبقى كبير وواضح وهيريح عينه. اتفقت معاه اخده منه ب 600 جنيه. انتظرت منه تيليفون علشان نحدد مكان نتقابل فيه. ولا اتصال ولا تيليفون. اكلمه ما بيردش. هو كان صديق لاخ معانا هنا في المنتدى. لما كلمته. عرفت انه باعه علشان جاله فيه سعر اعلى رغم انه اتفق معايا.

الموقف الثاني
عضو كان عارض سامسونج اس2 وانا كنت راجع من السفر واتفق معاه اول ما اوصل اقبله واشتريه.
اول ما وصلت بكلمه قاللي انا بيعته. طب ليه يا باشمهندس مش احنا متفقين اخده من حضرتك. قاللي مانا مش ضامن انك تشوفه ما يعجبكشي وتسيبه.

الموقف الثالث
لسة طازة.
عضو عارض جالاكسي نوت ابيض للبيع. وانا بصراحة بدور على الجهاز ده بقالي فترة.
اتفقت معاه اخده بس المشكلة انه ساكن خارج القاهرة.
اتفقت معاه اخد الجهاز وهو قاللي نازل القاهرة في خلال ايام قليلة. وده كان تقريبا يوم 18 يوليو
انتظر مافيش لا تيليفون ولا اي حاجة.
كلمته قاللي معلش ظروف رمضان بس ان شاء الله في خلال الشهر هكون في القاهرة.
انتظرت وخلص الشهر. اكلمه مش بيرد. ابعتله رسايل على الموبايل وعلى المنتدى ولا الهواء.
وانا المفروض كنت مسافر انهاردة الحمد لله سفري اتأجل ليوم الخميس
انا كان معايا نت بوك وبعته على اساس اني هاخد منه النوت استخدمه
حسبي الله ونعم الوكيل في كل من يخلف ميعاد او اتفاق ودي احدى صفات المنافقين

[Ahmed A Rahman]

اللي اعرفه شرعا

البيعان بالخيار ما لم يتفرقا


يعني طالما ان الكلام شفوي ومفيش عربون , يبقى من حقه التصرف في البيع لاعلى سعر او لاريح مشتري

انا عرضت حاجات كتير على المنتدى وساعات تفاجأ ان فيه مشتري في العمارة اللي جنبك وجاي ومعاه الفلوس ,وحصلت معايا فعلا قبل كده

مش معقول اني استنى واحد مشفتوش ولا اعرفه الا عن طريق مكالمة تليفون ووعد شفهي فقط بانه شاري

صدقني البائع بيكون عايز يبيع بسرعة قبل المشتري

[mido]

فعلا لو واحد لسه هيشوف و واحد هيشتري او سعره اعلي و مفيش عربون ولا حاجة يبقي عادي

و بعدين لو روحت معجبكش و مشترتشي البايع يقدر يقول حاجة؟

[abdelaziz-waleed]

اللي اعرفه شرعا

البيعان بالخيار ما لم يتفرقا


يعني طالما ان الكلام شفوي ومفيش عربون , يبقى من حقه التصرف في البيع لاعلى سعر او لاريح مشتري

انا عرضت حاجات كتير على المنتدى وساعات تفاجأ ان فيه مشتري في العمارة اللي جنبك وجاي ومعاه الفلوس ,وحصلت معايا فعلا قبل كده

مش معقول اني استنى واحد مشفتوش ولا اعرفه الا عن طريق مكالمة تليفون ووعد شفهي فقط بانه شاري

صدقني البائع بيكون عايز يبيع بسرعة قبل المشتري

ماشي يا باشمهندس كلامك منطقي وانا متفق مع حضرتك في معظم النقاط
بس لما يبقى فيه اتفاق. اقل ما يجب فعله في حالة انه جاله مشتري انه يقوله ان فيه واحد هياخد الجهاز ولو مافيش نصيب هكلمك.
او مايتفقشي من الاول ويأكد وبعد كدة يخلف
وديه وجهة نظري وطول عمري ماشي بالمبدأ ده مهما كلفني
الف شكر على مرورك وسعيد جدا بالحوار مع شخصك المحترم

[abdelaziz-waleed]

فعلا لو واحد لسه هيشوف و واحد هيشتري او سعره اعلي و مفيش عربون ولا حاجة يبقي عادي

و بعدين لو روحت معجبكش و مشترتشي البايع يقدر يقول حاجة؟

تمام كلامك يا ميدو بس انا كلامي مش على واحد هيتفرج الاول
انا كلامي على واحد اتفق على الشراء
يعني مثلا واحد قالك ان التيليفون حالته زيرو ومافيش اي خدوش وشغال تمام وانت قولتله تمام خلاص هاخده منك واتفقت معاه
لو حضرتك رحت ولاقيت التيليفون غير اللي هو قال عليه اكيد مش هيعجبك ومش هتشتريه. انما لو التيليفون زي ما هو قال عليه بالظبط ايه اللي هيمنع انك تروح وماتشتريش؟
الف شكر على مرورك الكريم يا باشمهندس

[mido]

انا الوم على البايع انه اتهرب منك و مرضدش عليك كان المفروض يقولك
انما فى النهاية لو روحت و التليفون زى ما قالك و مفيش مشاكل خالص برضه ممكن متشتريش

[egyseadragon]

اللي اعرفه شرعا

البيعان بالخيار ما لم يتفرقا


يعني طالما ان الكلام شفوي ومفيش عربون , يبقى من حقه التصرف في البيع لاعلى سعر او لاريح مشتري

انا عرضت حاجات كتير على المنتدى وساعات تفاجأ ان فيه مشتري في العمارة اللي جنبك وجاي ومعاه الفلوس ,وحصلت معايا فعلا قبل كده

مش معقول اني استنى واحد مشفتوش ولا اعرفه الا عن طريق مكالمة تليفون ووعد شفهي فقط بانه شاري

صدقني البائع بيكون عايز يبيع بسرعة قبل المشتري

تفسيرك للحديث خطأ وتقدر تراجع التفسير على النيت.....دة حتى بيتعارض مع الي بيدعونا ليه الاسلام من التزام بالعهد...رجاءا التأكد من اي موضوع ايه علاقة بالدين
دة لينك لواحد من الشروح للحديث .....باختصار "ما لم يتفرقا" تعني انهم اذا اتفقو و بعدين كل واحد انصرف لحاله يبقى البيع ملزم
[url=http://www.jazan.org/vb/showthread.php?t=161125]

[abdelaziz-waleed]

انا الوم على البايع انه اتهرب منك و مرضدش عليك كان المفروض يقولك
انما فى النهاية لو روحت و التليفون زى ما قالك و مفيش مشاكل خالص برضه ممكن متشتريش

الله يفتح عليك
انا مش عاوز اكتر من انه يعبرني ويعتذر او يقوللي انه تراجع في البيع.
حضرتك لا تتخيل ان الموضع قد ايه اثر معايا لأني بعت النوت بوك على اساس استخدم النوت بداله ومتفقين وكل حاجة تمام واقعد اسبوعين في انتظار الباشمهندس يقابلني وفي الاخر حتى مش عاوز يرد عليا.

تفسيرك للحديث خطأ وتقدر تراجع التفسير على النيت.....دة حتى بيتعارض مع الي بيدعونا ليه الاسلام من التزام بالعهد...رجاءا التأكد من اي موضوع ايه علاقة بالدين
دة لينك لواحد من الشروح للحديث .....باختصار "ما لم يتفرقا" تعني انهم اذا اتفقو و بعدين كل واحد انصرف لحاله يبقى البيع ملزم
[url=http://www.jazan.org/vb/showthread.php?t=161125]

الف شكر على التوضيح يا باشمهندس

[walidzakzok]

يا باشا دة العادي فى ارض مصر

[Ahmed_Rahem]

طالما اتفق على البيع وليس المشاهدة - او المعاينة - يبقى كدة البايع هيشيل وزر. ولو المشترى قال انا شارى وراح اتفرج وغير كلامة برضة هيشيل وزر.
الاتفاق اتفاق حتى ولو شفوى.

[new_man]

فعلا الاتفاق اتفاق..بس هتعمل ايه فى تفكير كل واحد
وحتى لو انا معايا حاجة واتفقت مع حد وبعتها لحد تانى من الاحترام اكلم اللى اتفقت معاه اتأسفله مش الطعه ومردش عليه!!


ياااه فكرتنى بموقف طازة من يومين
كان فيه عضو بيعرض دايما حاجات للبيع كتير عربيات وموبايلات ..المهم كان عارض نوكيا n8 للبيع مكتوب فى الاعلان بعلبته وكل حاجته ولونه اسود
اديت رقم العضو ده لصديق ليا بيدور على n8 وكلمه لقى ان الموبايل بدون علبه ومعاه شاحن ووصله كمبيوتر وسماعات ومن غير كمان كبل ال usb المعروف بتاع n8 ولونه ازرق مش اسود!!!
وقاله ده مراتى هى اللى عملت الاعلان ..طب افترضنا كلامه صح ومراته نسيت انه منغير علبه وناقصله حاجات..طب كمان نسيت لون الموبايل!!!
صديقى مهموش واتفق معاه يقابله فى الحسين الساعة 8 ومن 7بليل راح استناه ويكلمه موبايل مقفول لحد اخر اليوم وشكرا على كده
وسلملى على الرجوله
وتفسيرى للقصه ان الاخ ده تاجر وكان باع ال n8 اللى كان كاتب مواصفاته فى الاعلان لان الاعلان كان بقاله شهر ولما صاحبى كلمه مرضاش يخسر زبون ففهمه ان العده زرقا وفكر بينه وبين نفسه يتصرفله فعده ويبيعها لصاحبى على انها بتاعت الاعلان ولما جه يجيب العده معرفش فنفض لصاحبى وقفل موبايله

[أبومعاذ]

اللي اعرفه شرعا

البيعان بالخيار ما لم يتفرقا


يعني طالما ان الكلام شفوي ومفيش عربون , يبقى من حقه التصرف في البيع لاعلى سعر او لاريح مشتري

انا عرضت حاجات كتير على المنتدى وساعات تفاجأ ان فيه مشتري في العمارة اللي جنبك وجاي ومعاه الفلوس ,وحصلت معايا فعلا قبل كده

مش معقول اني استنى واحد مشفتوش ولا اعرفه الا عن طريق مكالمة تليفون ووعد شفهي فقط بانه شاري

صدقني البائع بيكون عايز يبيع بسرعة قبل المشتري

البيع و الشراء بيتم شرعا بالإتفاق الشفوي عادي

[momo44]

طالما اتفق على البيع وليس المشاهدة - او المعاينة - يبقى كدة البايع هيشيل وزر. ولو المشترى قال انا شارى وراح اتفرج وغير كلامة برضة هيشيل وزر.
الاتفاق اتفاق حتى ولو شفوى.

+100000000000000
الكلمة ثم الكلمـــــــــــــــــــــــة

[abdelaziz-waleed]

يا باشا دة العادي فى ارض مصر

للاسف يا وليد كل يوم بكتشف عيب جديد في الشعب المصري الا من رحم ربي. ربنا يهدي

طالما اتفق على البيع وليس المشاهدة - او المعاينة - يبقى كدة البايع هيشيل وزر. ولو المشترى قال انا شارى وراح اتفرج وغير كلامة برضة هيشيل وزر.
الاتفاق اتفاق حتى ولو شفوى.

الله يفتح عليك يا احمد. اوجزت فانجزت. فعلا كلام من الاخر.
فعلا والله انا بكون متفق على شراء وليس معاينة وبالرغم من ذلك البائع بيخلف معايا الميعاد

فعلا الاتفاق اتفاق..بس هتعمل ايه فى تفكير كل واحد
وحتى لو انا معايا حاجة واتفقت مع حد وبعتها لحد تانى من الاحترام اكلم اللى اتفقت معاه اتأسفله مش الطعه ومردش عليه!!


ياااه فكرتنى بموقف طازة من يومين
كان فيه عضو بيعرض دايما حاجات للبيع كتير عربيات وموبايلات ..المهم كان عارض نوكيا n8 للبيع مكتوب فى الاعلان بعلبته وكل حاجته ولونه اسود
اديت رقم العضو ده لصديق ليا بيدور على n8 وكلمه لقى ان الموبايل بدون علبه ومعاه شاحن ووصله كمبيوتر وسماعات ومن غير كمان كبل ال usb المعروف بتاع n8 ولونه ازرق مش اسود!!!
وقاله ده مراتى هى اللى عملت الاعلان ..طب افترضنا كلامه صح ومراته نسيت انه منغير علبه وناقصله حاجات..طب كمان نسيت لون الموبايل!!!
صديقى مهموش واتفق معاه يقابله فى الحسين الساعة 8 ومن 7بليل راح استناه ويكلمه موبايل مقفول لحد اخر اليوم وشكرا على كده
وسلملى على الرجوله
وتفسيرى للقصه ان الاخ ده تاجر وكان باع ال n8 اللى كان كاتب مواصفاته فى الاعلان لان الاعلان كان بقاله شهر ولما صاحبى كلمه مرضاش يخسر زبون ففهمه ان العده زرقا وفكر بينه وبين نفسه يتصرفله فعده ويبيعها لصاحبى على انها بتاعت الاعلان ولما جه يجيب العده معرفش فنفض لصاحبى وقفل موبايله

لا حول ولا قوة الا بالله. علشان كدة مش بحب اتعامل مع تجار خالص لما بحب اشتري موبايل مستعمل لأن التجار معظمهم ماعندهمشي لا امانة ولا ضمير ولا كلمة

البيع و الشراء بيتم شرعا بالإتفاق الشفوي عادي

تمام كلامك يا ابو معاذ. جزاك الله كل خير على المرور

+100000000000000
الكلمة ثم الكلمـــــــــــــــــــــــة

+10000000000000000

[Ahmed A Rahman]

تفسيرك للحديث خطأ وتقدر تراجع التفسير على النيت.....دة حتى بيتعارض مع الي بيدعونا ليه الاسلام من التزام بالعهد...رجاءا التأكد من اي موضوع ايه علاقة بالدين
دة لينك لواحد من الشروح للحديث .....باختصار "ما لم يتفرقا" تعني انهم اذا اتفقو و بعدين كل واحد انصرف لحاله يبقى البيع ملزم
[url=http://www.jazan.org/vb/showthread.php?t=161125]

يا فندم اي نص ديني يبقى هو اللي صح واحنا اللي خطأ
ده لا خلاف عليه
وربنا يبعدنا اننا نكون ممن يخالفون شرع الله او يجادلون بالباطل في احكامه

حضرتك فهمتني غلط
انا ضد اني اعطي كلمة لاحد وارجع فيها
وضد اني اتفق مع اي احد ويتصل بيا مردش عليه
وضد اني اوعد وعد او اتفاق وبعدين انقضه

ما قصدته هو ان الشراء عن طريق المنتديات شراء في عالم افتراضي
احنا نفسنا عبارة عن شخصيات افتراضية غير موجودة على الحقيقة انما على صفحات المنتديات

مثلا

انا عرضت تليفون من اكتر من سنتين
جاءني فوق ال 20 اتصال
كلهم عايزين التلفون والغرض بس الفصال في السعر
لا شاف التليفون ولا حاجه بس الفصال الازلي لدرجة ان واحد بيقول ما معناه اني لازم انزل فيه عشان مش معقول ابيعه بالسعر اللي انا عايزه !!!!!
بعد فترة بيجيلك ارهاق من حفظ الاسامي اللي بتتصل بيك
لدرجة ان واحد يكلمني اكلمه على انه واحد ثاني ويقول لي احنا اتفقنا على سعر تاني !!!
كل ده ومفيش شخصية مجسدة تقدر تعاتبها لو البيعه متمتش لانه بالنسبة لك عضو على النت !!!!

ساعتها الواحد بيكون تعب وعايز يخلص
انا فاكر اني في العيادة واحد شافه بس مكانش معاه فلوس وقالي ابقى اخده منك بكره (امال جاي ليه من غير فلوس)
الثاني اتصل بيا وعايزني اروح ادي التليفون لوالده في المهندسين عشان هو مش في مصر وانا ساكن في الرحاب يعني اعدي القاهرة والجيزة بالعرض عشان اطلع شقة واحد معرفوش بعد الثورة مباشرة وكمان انهي اتفاق مع شخص اد والدي ممكن يقول او يقرر حاجه لوحده
انا فاكر ان في اخر اليوم شخص اتصل بيا لاول مرة قلت له لو مخدتش التليفون في خلال ساعة مش حبيع وجالي الرحاب الساعة 3 الصبح واخد التليفون لاني كنت وصلت لدرجة من الارهاق النفسي لا تحتمل

اما بخصوص عدم الاعجاب على مشاركتي التي استشهدت فيها بحديث شريف
فشكرا على اول مشاركة عدم اعجاب لي بعد اكتر من 5 سنين في المنتدى