نفسى فى موبيل n96 حالته نضيفه

[ahmad--ezzat]

انا بحب العده دى جدا ومش لاقى منها حاله كويسه
كله مغير فلاته
ومغير شاشه
وكيبورد
دة غير الخدوش والتجريح
محدش يعرف اجيب العده دى منين نضيفه

[mando800]

اهو

http://dvd4arab.maktoob.com/f503/3758385.html

[ahmad--ezzat]

شكرا ياباشا
حضرتك صاحب التليفون؟

اصل الموقع دة يقلق منه معظمه تجااااااار
وممكن التليفون يكون لافف لفه محترمه على 43 شخص

[mando800]

لا مش انا صاحب التليفون
انا قصدي اني اساعدك
تحياتي

[Ahmed_Adham]

متهيألي صعب تلاقي منه واحد حالته كويسه لأن عمره 4 سنين.

أنا رأيي ان n96 كان غلطه من نوكيا وندمت عليها. تحس كده انو عامل زي ويندوز فيستا ولا طايل اكس بي ولا 7 وهوه برضه كان فشل كبير بعد n95

[Mostafa Hessen]

هيا سعرها مستعمل كام
اعرف اللى عنده عده بتاعته ومش متهانه وبالكرتونة
بس اقوله سعر الأول ويوافق يا لأ

[ahmad--ezzat]

سعرها اخرها 600 جنيه اعتقد دة لو نضيفه جدا

اصل الحجات دى يا مشمش لاهيا تتش ولا اندرويد ولا اى حاجه من الحديث
عشان كده مش هتجيب سعر اوى

بس يمكن عشان ليها معايا ذكريات :)))))))

شكرا لردك

[Mostafa Hessen]

شوف يا سيدى حكلمه بكره ان شاء الله
لأنى لسه جاى من بره يدوب اخد دش واتعشى وانام نعمل ايه بقى لقمه العيش والشغل
وبكره اتصل بيه واشوف رأيه ايه
وربك يقدم اللى فيه الخير

[Shiref_mohamed]

انا كمان نفسي في واحده نضيفة والعده ديه انا بحبها جداً

[ahmad--ezzat]

هلف لفه فى السراج كده وابقى اقل

[Mostafa Hessen]

معلش بقه
صاحبنا مش عاوز يبيع
بجد انا مستغرب اللى معاه الموبايل ده عمال يمدح فيه
هو يعنى فى ايه فى الجهاز ده
بس عموما لقيت حد عارض موبايل على منتدى اخر حبعتهولك على الخاص
بس خد كل احتياطك معاه انا معرفوش
ويا رب تلاقى جهاز كويس

[ahmad--ezzat]

شكرا يا معلم اللف شكر لتعبك
تحياتى