لراغبي السكن الراقي المتميز فيلا دوبليكس بحدايق الاهرام

[khalid_adel]

مبدئيا ده اعلان لاخويا واللي اعرفه كله حقوله واللي عنده جديه في الموضوع يكلمه او يشوف علي الطبيعه افضل :)
بصو هي تعتبر فيلا دوبليكس بس فوقيها عماره بس هي منفصله عنها تماما
المكان : حدايق الاهرام البوابه الرابعه اول شارع رئيسي من دخول البوابه (قريبه جدا من البوابه)
المساحه: 350 متر الدورين داخلي + 100 متر جنينه خارجيه
المواصفات : الفيلا فيها بوابتين حديد كبار وتكفي لدخول عربيتين كجراج غير الجنينه والمدخل الرئيسي والخلفي
التشطيب الترا هاي لوكس ومعمول فيها شغل ديكور عالي جدا جدا ومكلف اوي والجنينه مقفوله ببرجوله كامله للخصوصيه التامه
طبعا السلم داخلي للدورين
وزي ماقولتلكو هي في عماره بس الفيلا ليها مدخلين خاص من الشارع الرئيسي (واجه يعني) بعيده جدا عن مدخل العماره وميبنش العماره لان زي ماقولتلكو متقفله ببرجوله
الخلاصه المعاينه خير دليل لرؤيه التشطيب جيدا
السعر:
850 الف وفي تفاوض في حاله الدفع النقدي الكامل او حسب الاتفاق, وطبعا مسجله باسمه وعداد الكهربا وكله ومعليهاش اي مبلغ
صاحب العقار: ياسر
رقمة: 01004887000
كده منكو ليه مفيش وسطاء وربنا يسهل الحال علينا يارب اجمعين

https://maps.google.com/maps?q=29.955028,31.090568&hl=ar&num=1&t=k&z=18

[Medo.Malek]

موفق فى البيع اساحبى :)

[peposupervisor]

بالتوفيق

[khalid_adel]

شاكر لذوقكو ودعواتكو
وربنا يفك الكرب عنا جميعا

[eng.ghost]

بالتوفيق بس السعر مش خيالى شويتين لان متر المنطقة فى حالة الكاش 1150ج

[egyptiandiver]

موفق فى البيع

[khalid_adel]

بالتوفيق بس السعر مش خيالى شويتين لان متر المنطقة فى حالة الكاش 1150ج

منطقه ايه اللي السعر فيها ب 1150 ؟ ده ولا في الدويقه ياراجل ياطيب
انا بقولك اول شارع رئيسي من البوابه الرابعه ومنطقه عاليه وتشطيب ولا الفنادق بجد ده التشطيب عليه ضمان
علي العموم الحمد لله تم البيع وبالسعر اللي كان طالبه وفي ناس تانيه كتير قالوله ده سعر قليل جدا علي الشغل اللي فيها ده بس اهو الحمد لله علي كل حال والمشتري مسك فيها بايده وسنانه وحط شرط جزائي عالي جدا في حاله الرجوع في البيع لانه اكيد فاهم هو شاري ايه
ربنا يكرم الجميع ان شاء الله