للبيع شقة فى حدائق القبة سوبر هاى لوكس

[drmomoking]

للبيع شقة فى حدائق القبة شارع المتنبى من مصر والسودان 250 او 300 متر من الرئيسى قريبة جدا من محطة مترو الدمرداش و محطة اتوبيس التعاون و الشيخ كشك لان الشارع على شكل حرف v بيخرج على الاتنين عمر البرج حوالى 8 او 9 سنوات برج 8 ادوار المدخل رخام وطوب فرعونى

الشقة 120 متر 3 غرف وصالة قطعتين ومطبخ و حمام فى الدور الثالث و يوجد اسانسير والشقة ليست على الواجهة وتقع فى خلفية العمارة و ليس على الشارع

التشطيب بورسلين فى الصالة و سيراميك مشابه لل باركيه فى الغرف المطبخ سيراميك الجوهرة والحمام رويال دهانات يوتن فاخرة . الحمام ديورافيت و ايديال استاندرد مع وجود وحدة اسفل الحوض معالجة ضد الماء سباكة وكهرباء على اعلى مستوى وبافضل الخامات ( تشطيب شخصى وليس شركة او مقاول ) التشطيب تكلف منذ 5 سنوات بداية سكنى بالشقة 83 الف جنيه نظرا لجودة اختيار الخامات
صافى الشقة تقريبا 107 متر وذلك لعدم وجود بلكونات شبابيك الوميتال فاميه فقط مما وفر فى المساحة
بيت نور للهيدين لايت ابواب الغرف خشب و زجاج معشق
الغرف و الحمام مفصولين عن الصالة لزيادة الخصوصية بباب خارجى

الشقة غير مسجلة شهر عقارى لانها كانت ملك بنك فيصل ولكن يوجد عقد بيع نهائى و العدادات باسمى ويوجد حصة بالارض

ارجو ان اكون ذكرت تفاصيل بشكل كافى وارجو التواصل فى الموضوع او على الخاص للجادين و المهتمين علما ان المطلوب كاش و ليس تقسيط و هو 3800 جنيه فى المتر نهائى لان سعر المتر بدون تشطيب من 3500 الى 3600

لا للتجار او الوسطاء البيع من المالك مباشرة واذا لم يتم الوصول للسعر المطلوب سيتم الغاء البيع
الغرض من البيع الانتقال الى مدينة العبور قريبا من محل عملى

شكرا اخوكم د| احمد مصطفى

[Dr.Mostafa Anwar]

حضرتك الأسعار دي بجد؟ ... أنا عندي شقة في أبراج أعضاء هيئة التدريس الناحية التانية اللي ورا الجامعة شقة 160 متر ... على كده تجيبلي مليون مستريح لو بتاعت حضرتك ب 400 ألف :)

[peposupervisor]

!!!! ممكن تراجع السعر

[EZABY]

انا من الحدايق وبغض النظر عن وجهة نظري في ان الشقه تستاهل أو لأ, بس كلمه حق الأسعار كده فعلا في الحدايق وانا معاكوا انها مبالغ فيها أوي بس هو ده الواقع

[Dr.Mostafa Anwar]

انا من الحدايق وبغض النظر عن وجهة نظري في ان الشقه تستاهل أو لأ, بس كلمه حق الأسعار كده فعلا في الحدايق وانا معاكوا انها مبالغ فيها أوي بس هو ده الواقع

[i_Am_Legend]

ياااااه....امال عندي في شبرا بكام...بصراحة الحدايق وشبرا...نااااااار!!!

[khalid_adel]

هو ليه المناطق الشعبيه او القديمه غاليه اوي كده ليييه؟؟؟
اولا انا مرضاش عن نفسي اسكن هناك عشان الدوشه والزحمه الرهيبه
ثانيا معلش يعني المفروض ادفع مليون جنيه في شقه في حته المستوي المعيشي فيها اكيد بسيط طب انا ايه اللي جابني هنا
ثالثا ياريت نفكر ببراح بقي وكفايه الزنقه اللي احنا فيها دي وسيبكو من ابقي جنب ماما ولا اقعد جنب اهلي احنا مش بنتخانق في الشارع يعني كل يوم وياريت نتعلم من بره بقي شويه ونسيب فكر او سياسة القطيع اللي ماشين بيها في كل حياتنا دي
انا اسف لو كلامي جارح شويه وانا مش بقصد بيه شخص انا بس بتناقش في موضوع منرفزني اوي

[drmomoking]

انا من الحدايق وبغض النظر عن وجهة نظري في ان الشقه تستاهل أو لأ, بس كلمه حق الأسعار كده فعلا في الحدايق وانا معاكوا انها مبالغ فيها أوي بس هو ده الواقع

شكرا لحضرتك على ردك اللى يدل فعلا على انك عارف بواقع الاسعار فى المنطقة وللناس اللى مستغربة الاسعار احب اقول ان لو قربنا شوية من مصر و السودان المتر بيزيد اكتر و برة على الرئيسى المتر ممكن يوصل 5 مرتاح و الناس كمان بتبيع غناوة اللى على الشارع و يتنك عليك هههههه وفعلا الحدايق و شبرا من اغلى المناطق و ان كانت مش مصنفة شعبية ولا حاجة بس لانها راقية وان كان فيها حتت شعبى انما دة واقع كل المناطق و هى كمان قريبة من كل حتة دة ممكن يكون سبب الاسعار دى والله اعلم

[drmomoking]

حضرتك الأسعار دي بجد؟ ... أنا عندي شقة في أبراج أعضاء هيئة التدريس الناحية التانية اللي ورا الجامعة شقة 160 متر ... على كده تجيبلي مليون مستريح لو بتاعت حضرتك ب 400 ألف :)

انا عارف المنطقة اللى حضرتك بتقول عليها واظنها نفس رنج الاسعار او اغلى حاجات بسيطة بس ممكن لو جنب حضرتك سمسار يفصلك الشقة بالتقريب زى ما حصل فى حالتى كدا

[drmomoking]

ولما المتر فى الهرم يكون فى متوسط الاسعار دى او فى فيصل اللى اصلا العرض فيها اكتر من الطلب واغلبيتها كانت غيطان وكلنا عارفين كدة والمتر يوصل هناك 1800 و 2000 يبقى شبرا والحدائق اللى هما صرة البلد حيكونوا بكام ...

انا مع الناس ان السعر عالى بس هوا دة الواقع

لما انا اكون عاوز اشترى حاجة فى الصحراء زى العبور او الشروق و المتر مقرب من الارقام دى وفى حتت هناك اغلى كمان

ولما يكون المتر فى الرحاب 5 و طالع بغض النظر عن الاسباب

والحدائق وشبرا اظنهم غاليين كدة لان مفيش عرض كتير وفى طلب عشان مفيش اراضى جديدة تتبنى الا لو حاجة اتهدت

و للعلم الشقق مثلا فى السراى مول ولى العهد المتر بيوصل ل 6 و 7 الاف كمان

وشاكر لكل الردود و مازال العرض مستمر

[peposupervisor]

موفق في البيع

[drmomoking]

موفق في البيع

شكرا اخى الكريم

[khalid_adel]

انت ذكرت اهم نقطه اللي بتحدد سعر اي سلعه
العرض والطلب
شكرا للايضاح وربنا يسهلك البيع

[drmomoking]

انت ذكرت اهم نقطه اللي بتحدد سعر اي سلعه
العرض والطلب
شكرا للايضاح وربنا يسهلك البيع

شكرا ليك يافندم

وربنا يكرم ان شاء الله

[drmomoking]

ما زال العرض سارى