لابتوب fujitsu للبيع زيرو بالكرتونه

[Hesham.H]

أعزائى ... للبيع جهاز لابتوب fujitsu صناعه ألمانيه لسه خارج من الكرتونه ولكن للأسف وجدت ان بطاريته بايظه
الجهاز حالته ممتازه ويعمل بكفاءه عاليه ...
المواصفات

Processor: Intel® Celeron® Processor B815 (2M Cache, 1.60 GHz).
Processor Bus Speed: 5 GT/s.
RAM: 2 GB DDR3 1333 MHz.
Hard Disk: 320 GB SATA.
Screen Type: TFT, (HD), LED backlight, anti-glare.
Screen Size: 15.6".
بلوتوث
Wifi
كاميرا
واكرر البطاريه فقط لا تعمل ... الجهاز انا شاريه من عرض وتخفيض ب ١٩٠٠ جنيه والنهارده ب ٢١٠٠
المطلوب نهائى بأمر الله ١٦٠٠ جنيه
اللون أحمر
للتواصل ٠١١١٠٤٢٠٢٠٦ هشام
تحياتى

[S O P H O S]

ربنا يوفقك فالبيع ان شاء الله ..

[elnady_1987]

طب انت ليه مرجعنوش حماية مستهلك
والبطارية بايظة خالص ولا بتشتغل شوية صغيرين

[ابو حجاج]

طب انت ليه مرجعنوش حماية مستهلك
والبطارية بايظة خالص ولا بتشتغل شوية صغيرين

لو بايظه ومعاك فاتوره حمايه المستهلك ادامك
لان محدش هيشترى منك لاب جديد وبطاريته بايظه طبعا فرق البطاريه اكتر من تمنه جديد
بس فى حاجه مش فاهمها انتل سيليرون مش دا الكورتو ديو تقريبا يعنى انتاج قديم جايز يكون اللاب متخزن كذا سنه ودا سبب ان البطاريه بايظه على حد علمى انتاج السيليرون كان من كذا سنه وانقرض

[Hesham.H]

طب انت ليه مرجعنوش حماية مستهلك
والبطارية بايظة خالص ولا بتشتغل شوية صغيرين

حمايه المستهلك اقصى حد للفاتوره فيها ١٤ يوم وللأسف انا كنت شاريه من غير فاتوره من موقع على النت
تمن البطاريه ٢٥٠ جنيه فى مول البستان
بس انا لقيت ان استخدامه معايا قليل عشان معايا اى باد
تحياتى

[gaballa1971]

انت احسن حاجة تعملها تشتريلوا بطارية واستعمله لانه من رابع المستحيلات يجيب السعر ده وكمان المشترى يتحمل ثمن بطارية اقل شئ ٣٠٠ ج وكمان السيليرون اصبح من الماضى فنصيحة اما مراجعة السعر كتير واما الاحتفاظ به وموفق ان شاء الله

[egyptiandiver]

ربنا يوفقك فالبيع

[alfath8]

ممكن رقم الموديل بالتفصيل والسعر النهائى على الخاص

[mo3tazanas]

اولا انت زعلان قوى كدة لية وحرام عاليك وهو انا سارقة مالوش لازمة الكلام دة خالص يا موافق يا مش موافك
ثانيا هو انت مش حاسس بالرقم اللى انت طالبة فى اللاب انة كتير
اة انت يمكن انت دافع فية 1900 ج انت اضحك عاليك متشيلناش احنا خسارتك دى وكمان بطاريتة بايظة وجهاز قديم جدا دة انا اروح اجيب i3 وامكانيات اعلى من جهازك دة ب2000ج وانا عارف انا بقلك اية
وابقى قابلنى لو لقيت واحد اهبل يخدو منك بالسعر دة خالص ولا حتى يحصل ال1000 ج ولا مش مصدقنى ابقى شوف تعليقات على الموضوع بتاعك
وشكرا

[Hesham.H]

اولا انت زعلان قوى كدة لية وحرام عاليك وهو انا سارقة مالوش لازمة الكلام دة خالص يا موافق يا مش موافك
ثانيا هو انت مش حاسس بالرقم اللى انت طالبة فى اللاب انة كتير
اة انت يمكن انت دافع فية 1900 ج انت اضحك عاليك متشيلناش احنا خسارتك دى وكمان بطاريتة بايظة وجهاز قديم جدا دة انا اروح اجيب i3 وامكانيات اعلى من جهازك دة ب2000ج وانا عارف انا بقلك اية
وابقى قابلنى لو لقيت واحد اهبل يخدو منك بالسعر دة خالص ولا حتى يحصل ال1000 ج ولا مش مصدقنى ابقى شوف تعليقات على الموضوع بتاعك
وشكرا

يعنى حضرتك عاوز تشترى جهاز جاى ب ١٩٠٠ جنيه ب ٥٠٠ جنيه وزعلت لما قلتلك انا مش سارقه عشان ابيعه بالسعر ده وكمان بتقول ان اللى هايشتريه بالسعر اللى انا بقوله يبقى اهبل
خلاص خليك انت ناصح وروح اشترى من حد تانى ...

[marona]

موفق فى البيع ان شاء الله
لو فى تعديل فى السعر الرجاء اعلامى
ولو يوجد صورة يكون افضل

[dolly13]

موفق فى البيع
انا كنت شارية i3 من سنة ونص كان عامل 2700
يعنى الرقم اللى حضرتك طالبه معقول لولا موضوع البطارية بس
حاول تحل موضوع البطارية او ممكن تخفض فى السعر حاجة بسيطة
وعلى فكرة الجهاز ده بجد حمال اسية جدا انا ماكنتش متخيلة انه يستحمل اللى باعمله فيه ده كله وتفضل كفائته كدة

[mostafaelhamzawy]

موفق في البيع ان شاء الله

[ahmedhilmy]

اولا انت زعلان قوى كدة لية وحرام عاليك وهو انا سارقة مالوش لازمة الكلام دة خالص يا موافق يا مش موافك
ثانيا هو انت مش حاسس بالرقم اللى انت طالبة فى اللاب انة كتير
اة انت يمكن انت دافع فية 1900 ج انت اضحك عاليك متشيلناش احنا خسارتك دى وكمان بطاريتة بايظة وجهاز قديم جدا دة انا اروح اجيب i3 وامكانيات اعلى من جهازك دة ب2000ج وانا عارف انا بقلك اية
وابقى قابلنى لو لقيت واحد اهبل يخدو منك بالسعر دة خالص ولا حتى يحصل ال1000 ج ولا مش مصدقنى ابقى شوف تعليقات على الموضوع بتاعك
وشكرا

الحقيقه لا تعليق علي الهجوم الغير مبرر ده انا صاحب سلعه و عرضتها عجبك بالسعر اللي انا عرضه اهلا و سهلا مش عجبك ملوش لزمه التهكم و التجاوز ده

موفق في البيع ان شاء الله

ان شاء الله

[Hesham.H]

الحقيقه لا تعليق علي الهجوم الغير مبرر ده انا صاحب سلعه و عرضتها عجبك بالسعر اللي انا عرضه اهلا و سهلا مش عجبك ملوش لزمه التهكم و التجاوز ده


ان شاء الله

والله يا استاذ احمد انا شاكر ليك جداا وانا مش هاتكلم تانى عن الهجوم اللى حصل من زميلنا ده ... متشكر جدا