للايجار بقرية اندلسية - مرسى مطروح

[mahmoudrahmy]

شاليه في قرية اندلسية بمرسى مطروح 10 دقائق من محطة القطار او موقف السوبر جيت
5 دقائق لوسط البلد بمطروخ

مواصفات الشاليه
صاله بها ترابيزة سفره
2 كنبه سرير كبيره
مروحة سقف توشيبا
تليفزيون سامسونج 21 بوصه
فرنده بالصاله تساع لخمس افراد تطل علي البحر
اوضة نوم واحدة بها سرير كبير ودولاب وبها ايضا فرنده تطل علي البحر بزاوية
مطبخ مفتوح علي الصاله
حمام
بأسفل العماره يوجد حمام سباحة
موقع العمارة بمنطقة طليطله وهى اميز موقع نظرا ً لقربه من البحر
50 متر لحمام السباحة الرئيسي
يوجد بالقرية مدينة العاب مائية وللشاليه 4 تصاريح للدخول مجانا لها
يوجد بالقرية بحيرة مياه صناعية مهولة وايضا كافيهات وخان المعز و سوبر ماركت كبير لشراء الاحتياجات
يوجد حمام سباحه مغطى للسيدات المحجبات
يوجد نادي وملاعب كرة قدم
للاستفسار عن سعر الشاليه للاسبوع يرجى الاتصال علي رقم 01148195999 وذلك للتنسيق
للايجار اسبوع من الجمعه للجمعه فقط 1500 جنيه

[kreka]

هل فى امكانيه للايجار اقل من اسبوع ؟
وموقع القريه دى قريب مش محتاج عربيه ولا لازم اكون رايح بعربيه ؟

[mahmoudrahmy]

الشاليه بيتأجر بالاسبوع من الجمعة للجمعة

هل فى امكانيه للايجار اقل من اسبوع ؟
وموقع القريه دى قريب مش محتاج عربيه ولا لازم اكون رايح بعربيه ؟

لو حضرتك حابب تطلع عدد اقل من اسبوع براحتك بس احنا بنأجر اسبوع من الجمعة للجمعة
موقع القرية معروف للناس كلها واكيد حضرتك عارف ان مهما تكن قرب او بعد القرى السياحية فالعربية بقت ضرورية بس الفكرة حضرتك محتاج عربية لأيه هل لنزول البلد ولا قصدك التحركات جوه القرية
لو جوه القرية مش مجتاج عربية لأن الشاليه قريب اوي اوي من البحر وحمام السباحه الرئيسى
ولو بتتكلم عن البلد نفسها فا في وسائل انتقال زي التاكسى والميكروباص السوزوكي الفان حضرتك بتاخد رقم تليفون حد منهم وبتكلمه لو عاوز تنزل البلد وهو بيجيلك
بس الي اقدر اقولك عليه ان الي بيروح اندلسية مره بيروحها كل سنه علشان الاطفال خصوصا انها فيها خصوصية غير عادية
ارجو انى اكون جاوبت علي تساؤلاتك وربنا يوفقك
ملحوظة اخنا عندنا شاليه واحد بس مش اكتر من واحد

[M_Marwan]

الشاليه كام مترلو سمحت ؟؟

[el diesel]

لو فى صور للأوضتين يا فندم علشان كنا هناك السنة اللى فاتت وعجبتنا جدا
وعلى فكرة يا شباب فيه سوبر ماركت على مدخل القرية فيه كل حاجة محتاجها البيت وتقريبا نفس اسعار القاهرة
بس فعلا المشكلة فى التنقلات داخل القرية لو انت بعيد عن البحر وحمام السباحة وماعرفناش حوار العربيات اللى بتجيلك بالتليفون غير اخر يومين

[mahmoudrahmy]

المساحة هاتفرق مع حضرتك فى ايه هى للايجار مش للبيع

الشاليه كام مترلو سمحت ؟؟

50 متر على العموم

[kreka]

لو حضرتك حابب تطلع عدد اقل من اسبوع براحتك بس احنا بنأجر اسبوع من الجمعة للجمعة
موقع القرية معروف للناس كلها واكيد حضرتك عارف ان مهما تكن قرب او بعد القرى السياحية فالعربية بقت ضرورية بس الفكرة حضرتك محتاج عربية لأيه هل لنزول البلد ولا قصدك التحركات جوه القرية
لو جوه القرية مش مجتاج عربية لأن الشاليه قريب اوي اوي من البحر وحمام السباحه الرئيسى
ولو بتتكلم عن البلد نفسها فا في وسائل انتقال زي التاكسى والميكروباص السوزوكي الفان حضرتك بتاخد رقم تليفون حد منهم وبتكلمه لو عاوز تنزل البلد وهو بيجيلك
بس الي اقدر اقولك عليه ان الي بيروح اندلسية مره بيروحها كل سنه علشان الاطفال خصوصا انها فيها خصوصية غير عادية
ارجو انى اكون جاوبت علي تساؤلاتك وربنا يوفقك
ملحوظة اخنا عندنا شاليه واحد بس مش اكتر من واحد

تمام انت جاوبت على اللى محتاجه بنسبه كبيره ان شاء الله

بتأجروا لشباب عادى ؟ ونظام الدفع ازاى يعنى فى عربون ولا بروح هناك وحد بيقابلنى ادفعله واخد المفتاح

الشقه تاخد كام فرد بالظبط " يعنى اماكن النوم على قد كام فرد "


حضرتك تقصد بموضوع لو حابب تقعد اقل من اسبوع دى انى كدا كدا لازم ادفع مبلغ اسبوع كامل حتى لو هقعد اقل من اسبوع ؟

[Karim_Monir]

يا ريت تحط صور للموضوع
وهانشرلك الموضوع على الجروب على الفيس بوك برضه

[mahmoudrahmy]

يا باشا ادور على صور

يا ريت تحط صور للموضوع
وهانشرلك الموضوع على الجروب على الفيس بوك برضه

ادور على صور
وعلى فكرة الشاليه اتأجر من خلال نايل موتورز السنه الى فاتت من غير صور

[أبومعاذ]

هي القرية فيها حمام سباحة مقفول للسيدات؟

[محمد يوسف]

هو الخروج بيبقى فى ميعاد معين يوم الجمعة ولا ممكن فى أى وقت؟
وهل تصاريح الدخول دى لمرة واحدة ولا طول مدة الاقامة؟
والألعاب المائية والنادى هناك أسعارهم ايه؟
وهل دفع الفلوس واستلام المفاتيح والتصاريح بيكون فى القاهرة ولا مطروح؟
معلش أصلى رحت مطروح كتير بس عمرى مادخلت أندلسية؟

[ICE_MAN]

متابع

[mahmoudrahmy]

رد

هو الخروج بيبقى فى ميعاد معين يوم الجمعة ولا ممكن فى أى وقت؟
وهل تصاريح الدخول دى لمرة واحدة ولا طول مدة الاقامة؟
والألعاب المائية والنادى هناك أسعارهم ايه؟
وهل دفع الفلوس واستلام المفاتيح والتصاريح بيكون فى القاهرة ولا مطروح؟
معلش أصلى رحت مطروح كتير بس عمرى مادخلت أندلسية؟

تصاريح الدخول طول مدة الاقامة
الدخول لمدينة الالعاب المائية للفرد الواحد ب 50 جنيه
انت ها يبقي معاك كارنيهات تدخل وتخرج براحتك
بالنسبة لميعاد المغادرة كل الي طلع قبل كده بيحب يسافر بدري علشان الجو ما يبقاش حر
وبرده الناس الي بتيجي من مصر بتحب تطلع من القاهرة بدري علشان توصل مطروخ قبل الحر
فادا علي حسب الاتفاق
لو حضرتك ما روحتش قبل كده قرية الاندلسية يبقي ها تتبسط بيها
لو حضرتك جدي شرفني بالاتصال

[mado83]

علشان الاعلان يبقى مظبوط اعمل تقرير مصور للشاليه والقريه كمان

[mahmoudrahmy]

ايون

هي القرية فيها حمام سباحة مقفول للسيدات؟

فيها نادى رياضى وفيه حمام سباحه مغلق للسيدات