مطلوب تسعير شقه فى فيصل .. الكوم الاخضر ..!!

[M_HaFeZ]

عندنا شقه فى الكوم الاخضر - فيصل
مشروع سعودى - فيصل .. المساحه تقريبا 110 متر
احنا مش ساكنين فيها وعايزين نبيعها .
المشكله بقى ان المنطقه حسب اخويا ماسأل مفيهاش غير سمسار واحد ومدى سعر سئ جدا ليها
100 الف تقريبا او اقل حسب كلامه
بعد كل ارتفاع الاسعار دى كلها لسه فى شقق المتر فيها بالسعر ده
فياريت ياجماعه اللى عنده فكره عن الاسعار فى المنطقه دى يدلنى وجزاكم الله كل خير

[KoDaK_Gti]

مش اقل من 140 الف على ما اعتقد لو متشطبة
مش ده جنب بن البرازيلى ؟؟؟

[M_HaFeZ]

والله انا مش فاكر لانى منزلتش المنطقه من فتره هى عموما فى اول عمارات فيصل - سعودى
العماره 2
الشقه 3 غرف وصاله صغيره واتنين حمام ومش على الشارع - الشقه دور تانى
الارضيه سيراميك .. بس مش متأكد كل الشقه ولا لأ
انا اعتذر عن عدم معرفتى بكل البيانات لانى مرحتهاش من فتره
بس عايز اعرف مستوى الاسعار عامله ازاى لان اللى سمعته من السمسار الوحيد يعتبر سرقه علنى

[hangory]

العمارات ده سعرها كده
و علي ما اظن سعرها بيتراوح من 100000 الي 140000 اقصاه و كمان تكون متشطبة

[sharaf]

ممكن تعلن عنها من خلال موقع

http://www.aqarcity.com

و يفضل تنزل اعلان فى الوسيط خصوصا فى الوقت الحالى قبل رمضان و قبل الصيف ما يخلص

[M_HaFeZ]

شكرا يأشرف على الموقع
بس زى ماوضحت مش عارف اجيب سعرها
يعنى هاعرضها على كام ؟؟ اخاف اكتب سعر مبالغ فيه واكون زى اللى بيحاول يعمل حاجته احسن حاجه
او اكتب سعر قليل ويضيع على تمنها
المشكله فى التسعير

[sharaf]

علشان تسعرها صح ودى خطوة مهمة جدا فى البيع لازم تبذل مجهود و تقوم بما يلى
اولا لازم تروح الشقة و تعاينها كويس و تقيمها من حيث التشطيب و الحالة و التقسيم الخ
ثانيا تتحول الى مشترى و تشوف اعلانات الوسيط
لانها اكثر جدية لان محدش بيدفع 150 جنيه على سبيل الهزار و تشوف الشقق المشابهة ليها مطلوب فيها كام و تكلم اصحابها و تعرف مواصفتها و تقارن بينها و بين شقتك
ولا مانع من ان تذهب و تعاين شقة او اثنين ده هيديلك صورة اوضح لسعر شقتك

[M_HaFeZ]

شكرا ياشرف على التوضيح ده
بس المشكله ان وقتى صعب انى اعمل المواضيع دى كلها
كل اللى كنت عايزه هو range الاسعار فى المنطقه ... يعنى تقريبا بدل مالاقى حد بيقولى سعر اقل من الواقع ب 30 الف مثلا

[Mohamed-Saoud]

يعني ايه مفيش في المنطقة غير سمسار واحد؟... دي فيصل مليانة مكاتب سمسرة!!!

[sharaf]

فى واحد سمسار اعرفه
ممكن تتصل به
مهندس ماجد : 0106666861

[M_HaFeZ]

يعني ايه مفيش في المنطقة غير سمسار واحد؟... دي فيصل مليانة مكاتب سمسرة!!!

والله ده اللى عرفه اخويا لما نزل .. قالك كل منطقه وليها سمسارها اللى محدش بيخش على شغله .. طبعا براحته يحدد اللى هو عايزه .. مش بعيد يوقع شقق لحسابه ويبيعها بعدين وخصوصا انه عارف كل كبيره وصغيره

فى واحد سمسار اعرفه
ممكن تتصل به
مهندس ماجد : 0106666861

الف شكر يا شرف باشا وشكرا على المجهود ده

[Mohamed-Saoud]

لأ ان شاء الله تبيعها أعلى من كده بكتير ... و ماتستعجلش في بيعها لأن تقريبا مافيش حاجة ب100000 جنيه في الزمن الأخبر ده مع العلم ان فيصل منطقة حيوية و عندك (قرب مدارس المسقبل) منطقة حلوة

[madawbs]

بص يا زعيم انا ساكن فى الكوم الاخضر (شارع المستشفى ) الناس بتبيع جنبى فى متفرعات شارع المستشفى ب 185000 على المحارة

[M_HaFeZ]

بص يا زعيم انا ساكن فى الكوم الاخضر (شارع المستشفى ) الناس بتبيع جنبى فى متفرعات شارع المستشفى ب 185000 على المحارة

الف شكر ياباشا ..

[Dr.A.Nabil]

يا عم السمسار ده بيهرج
اسعر المتر هناك ما بين 2000 و 3000 ج

لأن انا عندي شقه في المريوطيه
والاسعار كلها متقاربه