تحذير للجميع تم سرقة عربيتى فى حدائق المنتزة !

[ashraf1212]

تحذير للجميع تم سرقة عربيتى فى حدائق المنتزة !

كنت راكن العربية فى مكان واضح أمام البحر
ودخلت الشاطىء وكنت سايب الساندويتشات فى كيس بالعربية وكيس بة هدوم العيال وعربيتى جيب فالحاجة باينة من الزجاج
فتم كسر الزجاج الخلفى الصغير الشراعة وتم سرقة الشنط والكياس والحمدلله كنت لسة شايل منهم المحفظة وكروت البنك والموبيل الجديد.

محدش يسيب حاجة غير فى شنطة العربية
ونسيت تحذير قديم بيقول أن الحرامى ممكن يكسر عربية علشان شايف فيها ساندويتش ب 2 جنية وهو جعان وطبعا مش فارقة معاة حاجة.

محدش يسيب موبيلة على التابلوة حتى لو أنت فى العربية.

محدش يسيب العربية والموتور شغال حتى لو كنت واقف جنبها ب 5 متر.

[monamize4]

محدش يسيب موبيلة على التابلوة حتى لو أنت فى العربية.

محدش يسيب العربية والموتور شغال حتى لو كنت واقف جنبها ب 5 متر.

اهم نصيحتين ,,, و للاسف كتير مننا لسه بيغلط فيهم

[ashraf1212]

اهم نصيحتين ,,, و للاسف كتير مننا لسه بيغلط فيهم

صحيح وناسيين أن الحرمية دلوقتى بقو 2 و 3 وساعات أربعة مع بعض
واحد يشغلك ويسألك عن عنوان علشان تبص بعيد عن العربية والتانى يسرق والتالت يراقب ربنا يرحمنا من المسؤلين عن البلد دى فى كل المجالات.

[diab_11]

انا اتسرق مني شنطه كان فيها ايباد كانت محطوطه ف شنطة كارينز بس للاسف الحرامي برضه كسر الشراعه اللي ورا وسرقها

[Haitham Basha]

لا حول و لا قوة إلا بالله العلي العظيم و حسبي الله و نعم الوكيل . سال عمر بن الخطاب عمرو بن العاص عندما ولاه مصرا: اذا جاء سارق ماذا تفعل به فقال عمرو بن العاص: اقطع يده فقال له عمر بن الخطاب وانا ان جائني جائع من مصر قطعت يدك. رحمك الله يا عمر يا ابن الخطاب ...

[demonarundo]

ربنا يعوض عليك , أظن التفييم أو الستائر ممكن تقلل الخطر ده عشان اللى جوا بيبقى مش باين

[ashraf1212]

انا اتسرق مني شنطه كان فيها ايباد كانت محطوطه ف شنطة كارينز بس للاسف الحرامي برضه كسر الشراعه اللي ورا وسرقها

ربنا يعوضك خير

الحرامى بيقعد يلف على العربيات واللى يشك بس أن فيها كيس أو شنطة قيمة بيكسرها على طول أحنا برضة اللى بنسهلهم السرقة بترك فلوس أو موبيلات فى العربية تتشاف بسهولة.

[lidosasa]

كل قضاء وفيه لطف
فمن لطف الله عليك أن الحرامى ده مش حرامى عربيات وإلا كانت العربية راحت لا قدر الله . أحمد ربنا وخد بالك بعد كده ( إعقلها وتوكل )

[wawamoha]

ياباشا ربنا يعوض عليك ....
انا من سنتين اتسرقت في المنتزه برضه و كانت ليله عصيبه و من يومها ما عتبتش اسكندريه - للاسف طبعا .

[ashraf1212]

ياباشا ربنا يعوض عليك ....
انا من سنتين اتسرقت في المنتزه برضه و كانت ليله عصيبه و من يومها ما عتبتش اسكندريه - للاسف طبعا .

أسكندرية أحلى بلد فى العالم

مش ممكن أكرها حتى لو سرقولى عربية رولزرويس حتى.

لكن سرقو عربيتك كلها ولا كسروها برضة وكنت راكن على البحر ولا جوة وباليل ولا الصبح!

[akmm]

الحمد لله انها جت على اد كده ............................

[wawamoha]

أسكندرية أحلى بلد فى العالم

مش ممكن أكرها حتى لو سرقولى عربية رولزرويس حتى.

لكن سرقو عربيتك كلها ولا كسروها برضة وكنت راكن على البحر ولا جوة وباليل ولا الصبح!

ياباشا انا اللي بقولك للاسف مارحتش اسكندريه تاني انا اللي زعلان بس من ذكريات الليله المهببه مانزلتهاش تاني ....

هو الحرامي كسر قزازي و اخد شنطه المدام - مع العلم ان كان بيني و بين العربيه 50 70 متر و الله
بيرشم بدره عل القزاز يسرطن ويمد ايده بكل سهوله
المشكله ان شنطه المدام كان فيها مفتاح الشقه بتاع صاحبي اللي مستلفها منه - فطبعا اضطريت اكسر الباب علشان الولاد ينامم في الشقه - نامم فيها من غير باب و انا سايبهم ونايم في العربيه اللي قزازها مكسور لحسن تكمل وتتشال هيا رخرا
و السعه 11 الصبح قبل صلاه الجمعه - اخدت واحد صلحلي القفل و الباب و عملي مفاتيح جديده و قفلت الشقه ونزلت الحاجه و عليها .......
جيت طنطا عند ابو حلوه و ركبت القزاز
اه ............................... بجد كان عذاب

الحمد لله
المسروقات تزيد قيمتها عن 5000 جنيه مش مسامح فيهم ان شاء الله

[Khaled Lanos]

ربنا يعوض عليك والحمد لله ان العربية نفسها متاخدتش

[ashraf1212]

ياباشا انا اللي بقولك للاسف مارحتش اسكندريه تاني انا اللي زعلان بس من ذكريات الليله المهببه مانزلتهاش تاني ....

هو الحرامي كسر قزازي و اخد شنطه المدام - مع العلم ان كان بيني و بين العربيه 50 70 متر و الله
بيرشم بدره عل القزاز يسرطن ويمد ايده بكل سهوله
المشكله ان شنطه المدام كان فيها مفتاح الشقه بتاع صاحبي اللي مستلفها منه - فطبعا اضطريت اكسر الباب علشان الولاد ينامم في الشقه - نامم فيها من غير باب و انا سايبهم ونايم في العربيه اللي قزازها مكسور لحسن تكمل وتتشال هيا رخرا
و السعه 11 الصبح قبل صلاه الجمعه - اخدت واحد صلحلي القفل و الباب و عملي مفاتيح جديده و قفلت الشقه ونزلت الحاجه و عليها .......
جيت طنطا عند ابو حلوه و ركبت القزاز
اه ............................... بجد كان عذاب

الحمد لله
المسروقات تزيد قيمتها عن 5000 جنيه مش مسامح فيهم ان شاء الله

الله يكون فى عونك أنت وألأسرة مكنتش متصور أن الموضوع كبير كدة
ليك حق متنسهوش العمر كلة يعنى أنت نايم فى العربية ودة عذاب لوحدة
و همة نايميين فى شقة من غير باب وأنت قلقان عليهم وعلى العربية والشقة
الصراحة الله يكون فى عونك دة أنا دمى أتحرق وكان نفسى
أشوف الحرامية ساعتها ياخدوا علقة محترمة ويتسلمو للقسم تسليم أهالى .

ربنا يعوضك خير ودة أكيد لأن المظلوم حقة بيرجعلو فى حاجات تانية كتير.

[husseinsalah]

وانا راجع من شغلى فى الشتاء كان المغرب بيأذن على فى الطريق فبضطر انزل اصلى المغرب فى جامع على الكورنيش عند طرة وكان معايا اخويا فأنا متعود اخد الموبايل معايا اولا علشان ما يتسرقش وثانيا لان الانذار مرتبط بالموبايل فى حالة فتح الباب ....لكن للاسف اخويا ساب الموبايل بتاعة فى درج التابلوة وانا ماخدش بالى انه سابة فى العربية والا كنت نبهتة .... المهم خرجت لقيت ازاز الباب اليمين اللى ادام مكسور ومد ايدة اخد الموبيال ..... ياريتة كان فتح الباب