أفيدونى فى كمبيوتر مستعمل وارد الخارج

[خالد]

أفيدونى فى كمبيوتر مستعمل وارد الخارج
المواصفات كالآتى :
CPU Xeon Quad Core 2.5/12
Ram 6 G
R.W. DVD
Viga ATI Power Colour H.D. 5450
1G
Dell Precition T5400

معروض عليا بسعر 2400 ج كيسة بس من غير الشاشة
أفيدونى السعر ده كويس ولا غالى

[amr011111]

يا راجل 2400 جنيه فى كمبيوتر مستعمل

يعنى بالشاشه يبقى 2700 جنيه
ده انت تزود 600 وتجيب لابتوب ديل زيرو

[chiko]

الجهاز محترم ..لكن السعر مبالغ فيه ..بالسعر ده ممكن تجيب xps ..
السعر المناسب له في حدود 1800 و انت مقولتش فيه هارد كم ؟

[خالد]

الجهاز محترم ..لكن السعر مبالغ فيه ..بالسعر ده ممكن تجيب xps ..
السعر المناسب له في حدود 1800 و انت مقولتش فيه هارد كم ؟

الهارد 250 جيجا
وأنا برضه حاسس أن السعر غالى جداً ، ربنا يباركلكم

[خالد]

يا راجل 2400 جنيه فى كمبيوتر مستعمل

يعنى بالشاشه يبقى 2700 جنيه
ده انت تزود 600 وتجيب لابتوب ديل زيرو

فعلاً أنا برضه حاسس أن السعر غالى جداً !!!
بس هعمل أيه أنا عاوز أجيب واحد علشان خاطر الأولاد والألعاب بتاعتهم
ياترى طيب تنصحونى أجيب منين وأيه أحسن مواصفات ممكن أجيبها وتشغل الألعاب كويس وماأحتجش أغير كل شوية
ربنا يباركلكم

[fadysamir]

مول البستان في شارع البستان-ميدان التحرير
او مول كوين شارع الخليفة المامون -روكسي

هتلاقي اجهزة مستعملة كل الانواع والمواصفات
والاسعار افضل بكثير من المعروض عليك

[chiko]

السعر غالي. .انا قلت 1800 علي هارد ميقلش عن 500 لكن بهرد 250 كبيره 1600 جنيه

و نصيحه .. ابعد عن المول .. ده كلام واحد عارف شغلهم .. للاسف فيه شغل هناك التست بتاعه مجرد تشغيل الجهاز و قفله .. يعني يقولك شغال و مش عارف ايه لكن انت و حظك

[biglove2100]

هات جديد احسن ومن مكان مضمون

[خالد]

بجد بجد ربنا يباركلكم كلكم
بفكر فعلاً أشترى جديد ، طيب هل فى جديد بنفس المواصفات دى ولا لأ ولو جديد تقريباً سعر يكون كام
وياسلام بقى لو قولتولى أجيب منين شركة تكون كويسة ومضمونة ومحترمة
معلش بتقل عليكم

[biglove2100]

هات المواصفات دى وادعيلى

AMD FX-6300 3.5GHz Six Core 14MB Processor AM3 سعرها تقريبا 900 جنيه

Gigabyte GA-970A-D3 Socket AM3+ Motherboard سعرها تقريبا 750 جنيه

Western Digital (WD) Caviar BLUE WD10EZEX 1TB سعرها تقريبا 475 جنيه

EVGA GeForce GT 210 1GB DDR3 سعرها تقريبا 250 جنيه

kingstone 4GB ddr3 bus 1600 سعرها تقريبا 275 جنيه

ASUS 24X DVD-RW DL drive سعرها تقريبا 140 جنيه

Gigabyte GZ-X3 Mid Tower Desktop Case + 300W PSU سعرها تقريبا 310 جنيه

الجهاز ده مواصفاته قوية وها يقعد معاك سنين احسن من المستعمل المواصفات دى تقريبا موجودة فى مول سوق العصر وصعب تلاقيها فى البستان وخد بالك من المواصفات والارقام كويس ما تخليش الللى بيبيع يقنعك بحاجة اقل منهم او غيرهم لو ما لقيتهومش عند حد شوف عند غيره واسال عند كله واكتب الاسعار وخد اقل سعر وهات بيه والبروسيسور والبوردة غالبا ضمانهم 3 سنين لانهم AMD وها تلاقيهم فى High End او Maximum Hardware وما تخافش من AMD ماركة محترمة جدا واداءها عالى جدا وخصوصا فى الالعاب وضمانها 3 سنين وكده تبقى كيسة محترمة جدا وجديدة فى حدود 3000 جنيه مش ها تفكر تحدثها قبل 5 او 6 سنين

[chiko]

طيب ما هو لو هيدفع 3000 في المواصفات اللي مكتوبه .. طب ما يجيب xps جهاز يضرب ضعف المواصفات ده

[biglove2100]

طيب ما هو لو هيدفع 3000 في المواصفات اللي مكتوبه .. طب ما يجيب xps جهاز يضرب ضعف المواصفات ده

الامكانيات اللى انا كاتبها عالية جدا والجديد تمنه فيه كفاية الضمان وخصوصا للبروسيسور والبوردة غالبا بيبقى 3 سنين والاجهزة استخدام الخارج غالبا بيبقى فيها مشاكل ومالهاش قطع غيار لكن المواصفات اللى كاتبهاله ها تقضيه كام سنة قدام وفى اى وقت اى قطعة ها يغيرها او يحدثها

[biglove2100]

ال xps ده صعب جدا تلاقيه ولو لقيته بيبقى core 2 xtreme ورامات ddr2 يعنى مواصفات قديمة لكن الكيسة والباور بتوعه كويسين جدا الباور تقريبا 1250watt والموديلات الحديثة بتاعته core i بتبقى غالية جدا بتبدا من 8000 جنيه

[chiko]

معلش الامكانيات اللي انت كاتبها مقارنه بي xps لا تذكر .. انا مش عارف حضرتك جبت منين الرمات ال دي دي ار 2 .. اذا كان ال 670 اللي بي 400 جنيه دي دي ار 2 و 690 دي دي ار 3 و بسعر من اول 900 جنيه ال xps بينزل ببروسيسور انتل كور i7 و رمات دي دي ار 3 مش 2 اب24 و 36 جيجا و بينزل بفيجا كوادرو fx 5000 عارف الكارت ده لوحده بكم ؟؟! و فيه كروس فير ..بيشيل كرتين . بيدعم هاردات ساس لحد 15 هارد .. ده بخلاف البور و غيره و غيره الجهاز ده ميفعش تقارنه باي حاجه من المواصفات اللي انت كاتبها .. و هو موجود عند المصريه في الدور الارضي في مول البستان و في الدور الرابع شوفته عند الفا

[biglove2100]

انا كتبتلك ان فعلا امكانياته عالية بس فى موديلات منه ddr2 على العموم لو صاحب الموضوع لاقى حد مضمون يجيب منه جهاز يتوكل على الله يجيبه بس الاجهزة الاوريجينال مشكلتها ملهاش قطع غيار وخصوصا اجهزة عالية زى دى مفيش منها فى السوق غير كام حتة بالعدد وكمان دايما الجديد تمنه فيه