ماركة تلفزيون جى هانز

[hobyana47]

السلام عليكم
فى عروض كارفور اليوم شفت شاشات كثير منها ماركة اسمها جى هانز
التلفزيون 39 بوصة فل اتش دى وتصميم رائع سعرها 2500 جنيه
وشفت كمانبلوتو وهاى سينس
الفرق بين الماركات دى والماركات العاليه زى الاتوشيبا والسونى والسامسونج كبير
يعنى 2500 يجيبو شاشة سونى 32
واتش دى ريدى مش فل اتش دى زى الجى هانز
بس خفت اشترى الماركات اللى مش معروفه دى ومحتاج اخد رئيكم فى الماركة دى بالتحديد

[أبومعاذ]

كنت جايب دفاية الماركة دي و كان فيها مشاكل و التوكيل ملوش أي مكان غير في العاشر من رمضان و فعلا روحتلهم و اتصلحت و رجعت باظت تاني بعد شهر :(

[akmm]

خليك في الماركات المضمونه والمجربه ولها توكيل قوى وفى عده فروع ... ولو عايز امكانيات عاليه بسعر معقول هات lg ..............

[abokoko]

اشتريت تلفزين فلات - كايرا -
29 بوصة ب 500 جنيه تقريبا
واحتاج اصلاح وصلحته بس مش فى التوكيل
بحوالى 60 او 70 جنيه مش فاكر
المهم بعدها بشهرين تلاته باظ تانى
ولم اصلحه الى الان وعلى فكرة كجوده صورة كان جميل جدا
والمشكلة مفروض انها فى دائرة التشغيل
يعنى مفروض انها حاجه هايفه


طبعا بعدها اشتريت سامسونج وقلت خلينى فى المضمون

[Yousef.Kamel]

موفق

[reallistic]

أنا اشتريت من كارفور ماركة اسمها Prima جهاز تحفة و بانل الشاشة ضد الصدمات
و مندوب البيع اللي كان بيفرجني عالجهاز قعد يضرب البانل بقبضة ايده جامد و الجهاز
شغال على ستاند العرض و فعلاً ماحصلش أي حاجة للبانل و كمان كان عليه عرض
تخفيض جامد قمت اشتريته فوراً و الجهاز عندي بقاله داخل في سنة شغال تمام و
زي الفل ، 32 بوصة Full HD و فيه مداخل و مخارج لكل حاجة
و صورته جميلة جداً و كمان كان معاه حامل حائط هدية

[abokoko]

هل اشتريت ال جى هانز ؟؟