شقة 70 متر بـ6 أكتوبر للبيع

[Jato.33]

الشقة تابعة لأحد مشروعات الهيئة العامة لتعاونيات البناء والإسكان (مشروع 109 عمارة حي الزهور)
موقعها كما بالصورة الأولى متميز جداً قريب من طريق الواحات 100 متر تقريباً
وقريب من المنطقة الصناعية جداً وقريب من موقف السرفيس بالحي السادس جداً
الشقة في موقع متميز مش مجروحة نهائياً وبحري بالدور الخامس الأخير
متشطبة وواضح في الصور
يتم سداد أقساط سنوية بمقر الهيئة بجوار عمر أفندي أخر مكرم عبيد بمدينة نصر 1650 جنية قبل 1/10 لمدة 35 سنة
جميع المبالغ المسددة سابقاً بمقر الهيئة إيصالتها موجودة
مطلوب 120 ألف جنية
يتم عمل عقد إبتدائي بالمبلغ والإنتقال بعد ذلك لمقر التعاونيات لسداد رسوم التنازل عن ملكية الشقة وقدرها 3600 جنية
للإتصال : 0127384296 أحمد

[kasnermo]

هى كام غرفة وقريبة من مشروع 103 عمارة ولا لأ
ولو قريبة بينهم حوالى قد ايه ؟

[Jato.33]

هيا غرفتين وصالة
بصراحة أنا أسمع عن مشروع 103 عمارة وكل إلي أعرفه إنه في المنطقة بيني وبين طريق الواحات أو إنه ورا إسكان الشباب
دية بس معلوماتي

[ESO_POP]

يا ريت يا باشا تراجع السعر تانى لان بعد الحسبه الشقه كده طلع تمنها خزعبلى رهيب
الاقساط لوحدها هتكون 57750 جنيه
ونزود عليهم 120 الف يبقى كده كتير جدا جدا جدا على شقه 70 متر
لانه بالمنظر ده الواحد يحط الفلوس دى وياخد حاجه 120 وتكون فى زايد كمان
كلامى ده والله لانى فعلا بدور وحضرتك لازم تراعى ان العقارات اسعارها نزلت

[Jato.33]

يا ريت يا باشا تراجع السعر تانى لان بعد الحسبه الشقه كده طلع تمنها خزعبلى رهيب
الاقساط لوحدها هتكون 57750 جنيه
ونزود عليهم 120 الف يبقى كده كتير جدا جدا جدا على شقه 70 متر
لانه بالمنظر ده الواحد يحط الفلوس دى وياخد حاجه 120 وتكون فى زايد كمان
كلامى ده والله لانى فعلا بدور وحضرتك لازم تراعى ان العقارات اسعارها نزلت

شوف يا باشا لو هتحسب الشقة بعد الإقساط هتلاقي تمنها عالي فعلاً
وإنتا لو روحت تجيب شقة في أي حتة أكيد هتحسب الأقساط طبعاً وتأخدها في إعتبارك من تمن الشقة
لكن في حالتي دية مينفعش لسبب إن مفيش حد بيقسط شقة أبداً بالقسط التافة ده على المدة الخزعبلية الرهيبة دية "35سنة"

وإنتا لو بتدور هتعرف إن مفيش نظام تقسيط زي كده أبداً في مصر كلها وبعدين إنتا هتدفع الأقساط دية للحكومة كل سنة وهتاخد بيها وصل والشقة بتاعتك وقاعد فيها ومعاك عقد ملكية مش لسة هتستلمها والحوارات دية
وبعدين أنا وضحتلك مكان المشروع هتلاقي مكاتب تشطيبات وسمسرة كتير فاتحة في الشقق الأرضية روح وإسأل كأنك متعرفش الأسعار
وشوف إذا كنت ببالغ
هتلاقي شقق كتير لكن مش في الموقع ده ولا على الواجهة دية وهتلاقيها متأجرة بقالها سنتين وتلاتة ومفحوتة وعلى فكرة الدور الواحد فيه 3 شقق الشقة بتاعتي أفضل واحدة من حيث إستغلال المساحة الكلية باقي الشقق بتفتح الباب على ممر بياخد من مساحة الصالة والشقة ككل
إسأل على الأسعار في عمارة 79 شقة 14 أو على نفس الصف يمينها أو شمالها بتبص على الشارع
أنا صرفت على الشقة كمان عملت كرانيش وصرر للنجف وهديت شباك في المطبخ وعملت باب خشب عمولة محترم عشان كنت هتجوز فيها ومكنتش عايز المطبخ يكون مجروح من الصالة وركبت تندة حديد للبلكونة زي الداهية كلفتني كتير وقعدت أركب فيها 3 أيام ودهنت الشقة زي ما بيقولوا وش نضافة ومكنش في دماغي أبيعها نهائي لكن قدر الله وما شاء فعل

وعموماً أنا حاسس بيك ونفسي أخدم حضرتك لكن الحال من بعضه وربنا يوفق الجميع