ممكن تدلونى منين اشترى n73 ميكونش صينى

[EL_3OMDA]

بسم الله الرحمن الرحيم
لو تسمحوا ممكن حد يدلنى منين اشترى n73 ميوزك ميكونش صينى وطبعا اكون شاكر جدا لو يقولى متوسط السعر كمان
هو ليه كلو بقى صينى حتى فى السعوديه ؟!!!

[EL_3OMDA]

ايه ياجماعه معقوله هوا خلاص الصينى بقى اجبارى
ياريت لو حد يعرف ميبخلش بالرد
شكرا

[د./اليشع ثابت]

ايه ياجماعه معقوله هوا خلاص الصينى بقى اجبارى
ياريت لو حد يعرف ميبخلش بالرد
شكرا

طبعا اضمن حاجة من التوكيل راية او اتصالات و اخيرا رينج
وممكن من راديو طلعت الى فى اول شارع عبد العزيز
الحقيقة المحل دة مش بيشتغل الا فى الاصلى

[EL_3OMDA]

الف شكر ياباشا الله يخليك
يعنى كدا لازم انزل القاهره
طيب محدش يعرف فى شبين لانى تقريبا لقيت شبين كلها

[M!NA]

حضرتك عايزه جديد ولا مستعمل؟
لو بتدور على مستعمل فيه واحد بحالة جيدة جدا و معاه كل مشتملاته...

لو بتدور على جديد عليك و على التوكيلات...

[EL_3OMDA]

جديد ياباشا طبعا
وواضح ان فعلا لازم مشوار للتوكيل
طيب العنوان لو سمحتوا
ومعلش استفسار كمان
موقع الشناوى الاسعار اللى عليه دى هوا بيبيع بيها فعلا
ولا دا كلام ولما اروح هلاقى اسعار تانيه
وياريت لو دى اسعاره الحقيقيه يبقى عنوانه
وجزاكم الله كل خير
شكرا مقدما

[Tam]

السلام عليكم..توضيح بسيط..نوكيا مصانعها بقت في الصين..ولحد دلوقتي 5 من أصدقائي إشتروا موبايلات وموديلات حديثة من التوكيلات وكلها صيني..الله أعلم في لسة فنلندي أو لأ بس أنا حبيت أقول اللي أعرفه
السلام عليكم

[EL_3OMDA]

شكرا على المعلومه ياباشا
بس اكيد لسه فيه فنلندى او المانى لو حتى ستوك
ياريت لو سمحت حد يجاوبنى فى الاستفسارين دول
مكان التوكيلات لانى مش من القاهره ولو فيه فى شبين الكوم ياريت
موضوع محلات الشناوى دى الاسعار فعلا صح ولا هروح الاقى كلام تانى خصوصا فيه فرق فى السعر كبير
واخيرا هو بقى بكام دلوقتى
شكرا

[modux]

بص انا شاري الموبايل بتاعي من الشناوي في اسكندرية
و الاسعار حقيقية

طيب ما تجيب ان 95

انا بيبع بتاعي و حالتو حلوة اوووي

http://www.nilemotors.net/Nile/showthread.php?t=51821

بص و قولي رأيك

[EL_3OMDA]

الف شكر ياباشا
بس انا مش برتاح فى المستعمل خالص فى اى حاجه شكرا
طيب واسعار الشناوى دى معقوله شامله ضمان ولا بدون ضمان
وياريت لو حد خبره فى الموبيلات يقولى اعرف الفنلندى الاصلى ازاى
لان البياع ورانى واحد مكتوب على العلبه فنلندى وتحت البطاريه كمان وقالى دا بقى صينى
فانا اتلخبطت وحسيت ان العمليه فيها نصب فقولت اسال اهل الذكر
شكرا مقدما

[Qmax]

الجهاز بالضمان لو مكتوب عليه صنع مصر خده لأن نوكيا مش قاصده تضرب اسمها في السوق بالعكس هي عملت مصنع من فتره في الصين

المهم انك تاخد الاكسسوار الاصلي مع الجهاز وهتلاقيه برضوا صيني

خد بالك من البطاريه لانها بتتبدل من الجهاز وبيحطوا بطاريات hi copy
تحس انها اصليه وكمان مش هاتعرفها يبقى اشتري من مكان مضمون وبلاش التوكيل لان فرق السعر بيكون جامد

كذلك الشاحن بيتبدل

متخافش اشتري لانه مفهوش فرق نهائي نفس السوفت وير والهارد وير مفيش حاجه من الداخل متغيره

وشوف اصلا مكونات الجهاز معظمها مش نوكيا هفرجك على n73 من الداخل

شوف مكتوب على الرام سامسونج وعلى الميموري سامسونج

[EL_3OMDA]

الف شكر
عموما انا اشتريت وخلاص وتيجى زى ما تيجى بقى هوا مكتوب عليه من تحت البطاريه فنلندى وشغال وخلاص بس واحد قريبى قالى دا
مش فنلندى علشان اللزقه دى مش مكتوبه حلو وكمان العلبه عليها لازقه صفرا من برا مربعه مكتوب عليها شويه كلام كدا ومنها عمان وكدا ومن جوه العلبه لون الكرتون اسود والاصلى يبقى رصاصى انا بقول الكلام اللى وصلنى وانا خبرتى مش قوى فلو حيد ليه تعليق على الكلام دا طبعا اهلاو سهلا وعلق كمان على السريال ان الرقم السابع والتامن 02 والمفروض يبقى 01 او 00 اعتقد دى كل حاجه لو حد ليه فى الكلام دا ياريت يقول الكلام الفاصل لافاده باقى الاعضاء
وشكرا