حد عنده فكره عن اسعار الشقق فى الطريق الدائرى بعد كارفور

[yaskhl]

انا عندى شقه فى ابراج المعادى بعد كارفور بـ 2 كيلو متر تقريبا خلف البافاريه- (شركه دجلة) مساحتها 125م نصف تشطيب الدور الخامس. ياريت لو حد عنده فكره عن سعرها كاش او الاسعار فى المنطقه دى حاليا كام للمتر. وجزاكم الله كل خير.

[Karim Salem]

حضرتك انا حاجز مع فى ابراج المعادى شقة 140 متر
المتر هناك ب1900 تقريبا - الكلام ده من 8 شهور تقريبا

[yaskhl]

الف شكر لسيادتك على الرد. يعنى ممكن يكون السعر دلوقتى نفس السعر من 8 شهور ولا اقل ولا ازيد؟

[نينو]

انا ليا واحد صاحبي عندو شقة هناك هي 120 متر و طالب فيها 250 بس متشطبة و الله اعلم اذا كان ده سعرها كدة يبقي غالي و لا رخيص

[yaskhl]

شكرا نينو باشا يبقى زى ماالاستاذ كريم قال تقريبا دلوقت المتر يعمل متوسط 2000 جنيه.

[mohammed magdy]

طب ممكن حضرتك تتأكدلى من موضوع التشطيب والتقسيم الداخلى بعد ازن حضرتك

[mohamedshawky230]

انا عارف ان سعر المتر دلوقتي يتراوح بين 1900 و 2200 تقريبا والله اعلم

[Karim Salem]

انا ليا تجربة فى موضوع البيع ده
هو حضرتك تكلم سمسار و تقوله انك عاوز تشترى شقة فى المنطقة الفلانية
و هو هيعرفك بسعر المنطقة ديه من اللى معروض عليه

[yaskhl]

معلش ممكن لو حد يعرف رقم تليفون سمسار او عنوانه بالقرب من المنطقه دى يقول لى عليه وجزاكم الله كل خير.

[sawsn]

انت عايز فى الشقه كام --انت تعرض سعرك ولا سمسار ولا غيره لو كتير هيجى لك الرد ومن القراء انه كتير ولوقليل كذالك---المهم انت نقول مواصفات الشقه والدور والعماره وطلبك النقدى كام--السماسره واياك والسماسره --دول هيكلو منك ومن المشترى كتير اوى--ولتانى مره اياك والسماسره نصيحه لوجه الله--وبعدين العقارات انخفضت----واعتقد ان المنطقه دى ب1700 نصف تشطيب المتر ولو هتبيع بيع دلوقت احسن

[yaskhl]

الشقة 3 غرف نوم- صالة- مطبخ- حمام- تواليت- نصف تشطيب (محارة - حلوق- شبابيك وأبواب البلكونات الوميتال على الواجهة)- قمت بعمل كرانيش للأسقف بالكامل- الشقة بحرية بالكامل تطل على الطريق الدائرى- الدور الخامس- 2 اسانسير- المطلوب 2100 جنيه للمتر نقدا.

[bangastanga]

Ana #ayez Sha2a

Ya gam3a ana 3ayez sha2a henak darori gedan ana momken adfa3 mo2adem L.E 100,000 we 2ast L.E 2700 kol shahr law 7ad ye3raf 7aga ye2oly.

[أشرف فتحى]

ربنا يوفقك فى البيع إن شاء الله!

[yaskhl]

ربنا يوفقك فى البيع إن شاء الله!

جزاك الله كل خير