ميني لاب توب توشيبا جديد للبيع

[Karim_Monir]

السلام عليكم
لدي جهاز ميني نوت بوك توشيبا للبيع
جديد تماما بالكرتونة ولزقة الكرتونة بتاعت المصنع لم تقتح اطلاق
وبضمان دولي ومحلي لدي توشيبا مصر لمدة عام كامل وتاريخ الشراء منذ اسبوع واحد فقط لاني اشتريتة لصديق لي من دبي وماكنتش اكدت علية اني هاجيبة جيت لقيتة جاب واحد ليه
الموديل Toshiba NB 100-127

اهم المواصفات :
الوزن 990 جرام او واحد كيلو جرام تقريبا
شاشة 9 بوصة
بروسيسور انتل أتوم الجديد 1.6
هارد ديسك ساتا 80 جيجا
رام 512 قابلة للزيادة
كارت شاشة 224 ميجا شير
به وايرلس نتورك وبلوتوث وكاميرا انترنت بوضوح قوي ومايك داخلي
مجهز تماما للشات والانترت
ببطارية تصل الى ما يقرب من 4 ساعات (4 خلية)بالظبط 3 ساعات و 50 دقيقة)
شاشة برايت كريستال اكثر من رائعة
لون شامبين لان الاسود بيصغرة جدا فعلا
الجهاز فعلا سمارت وحجمة رائع وسرعتة هايلة

بصفة عامة الجهاز اكثر من رائع وانا امتلك واحد منذ 4 شهور ماركة MSI ورغم انها ماركة محترمة الا انها اقل من توشيبا طبعا
والجهاز الللي معايا خدمة شاقة فعلا واستغنيت بيه عن الاب توب الكبير بوزنة وسخونيتة وقرفة
ملحوظة : جميع الاجهزة المزودة ببروسيسور اتوم الجديد لا تصدر اس سخونة اطلاقا لذا لا تستهلك المزيد من البطارية في التبريد
مواصفات الجهاز من الموقع :
http://eu.computers.toshiba-europe.c...0-127/1058613/
ومنه تري الحجم الفعلي للجهاز
وبرغم صغر حجمة الا انه يتمتع بلوحة مفاتيح كاملة
الجهاز جديد بضمان ولم تفتح كارتونتة اطلاقا
الثمن 3300 جنية مصري ويوجد العديد من الماركات والمواصفات الاخرى عشان كدة ماحدش يقولي ده ب 17 دولار في مدغشقر و19 جنية في الهند

[mohammed magdy]

كريم باشا عامل ايه يارب تكون موفق فى دبي حمد لله على سلمتك
الجهاز جميل فعلا ربنا يوفقك فى بيعه

[kaboo4]

السلام عليكم الجهاز جميل جدا بالفعل بس بالنسبه لاسعار الكور تو ديو و الاجهزة حاليا فى مصر غاليه جدا و خصوصا ان الكتيجورى بتاع الجهاز دة النت بوك و هو اقل فى الثمن من النوت بوك انا عارف ان دة تمنه و كل حاجة بس السعر دة يجيب جهاز محترم كور تو ديو من نفس المركة الى بيتباع برة اغلى من سعر الجهاز دة نصيحة لوجة الله لو مصمم تبيع بيع الجهاز التانى و امشى بالجهاز دة انا كان معايا جهاز كدة برضوا و فعلا هو جهاز سريع بس يفتقد السى دى روم و الجرافك بتاعة مش زى الجهاز الكبير

[Karim_Monir]

السلام عليكم الجهاز جميل جدا بالفعل بس بالنسبه لاسعار الكور تو ديو و الاجهزة حاليا فى مصر غاليه جدا و خصوصا ان الكتيجورى بتاع الجهاز دة النت بوك و هو اقل فى الثمن من النوت بوك انا عارف ان دة تمنه و كل حاجة بس السعر دة يجيب جهاز محترم كور تو ديو من نفس المركة الى بيتباع برة اغلى من سعر الجهاز دة نصيحة لوجة الله لو مصمم تبيع بيع الجهاز التانى و امشى بالجهاز دة انا كان معايا جهاز كدة برضوا و فعلا هو جهاز سريع بس يفتقد السى دى روم و الجرافك بتاعة مش زى الجهاز الكبير

السعر ده يجيب كور 2 ديو من توشيبا ؟؟!!!!!
اعتقدر انك مش ملم بالاسعار كويس
السعر ده مايجيبش سيلرون توشيبا في مصر مش كور تو ديو
معلش اصل ده مجالي وانا عارف انا بشتري ايه
انزل اي مول كمبيوتر وانت تعرف ان التوشيبا السيلرون تمنه حوالي 3500
التمن ده يجيب داول كور في ماركات تعبانة زي دايو او بن كيو

الجهاز ده حاجة تانية فعلا سريع جدا والجرافيك بتاعة سريع لان اللي بيجيب الجهاز ده مش متوقع يشتغل علية العاب حديثة بجرافيك عالية واما يكون بيضحك على نفسة
الجهاز زي ما شركتة قالت ومواقع التقيييم قالت انه مصمم لمستخدمين الانترنت والبرامج الخفيفة وسماع الموسيقى والاوفيس وكدة
انا استغنيت بيع عن الاب توب الكبير فعلا خاصة شاشتة في منتهي النقاء لانها برايت كريستال
يعني ممكن تحطة في العربية وتشغلة على الولاعة بادابتور
ويبقي معاك لاب توب ببطارية وهارد 80
اما عن السي دي الفلاشات حلت معظم المشاكل دي
وممكن تجيب دفيدي عادي وتوصلة ب USB بدون اي مشاكل
وممكن تجيب دفي دي اكسترينال بتاعة الاصلة تمهة حوالي 350 وانا جايب واحد منه

[aratux]

معاه ضمان فى مصر ده يا كريم؟
و الكيبورد عليها حروف عربى؟
نازل معاه ويندوز؟

[Rsarabia]

جهاز ممتاز و احلى حاجة انه صغير اوى يعنى ممكن يتاخد فى محاضرة و نسجلها كمان صوت و صورة ومحدش واخد باله وكمان فى الخروجات كافيهات مثلا

شكرا استاذ كريم

[Karim_Monir]

معاه ضمان فى مصر ده يا كريم؟
و الكيبورد عليها حروف عربى؟
نازل معاه ويندوز؟

ليه ضمان في مصر لدى توشيبا العربي لان العربي بيضمن كل منتجات توشيبا من اي حتة في العالم عكس باقي التوكيلات
بس لو في حاجة هاتتغير بيدفعك تمن شحنها فقط
يعني افتكر مرة في لاب توب غيرنا البوردة بالكامل دفعنا حوالي 80 جنية مصاريف شحن من الخارج
لو هارد يدفعك حوالي 30 او 40 جنية
لكن مش بيدفعك القيمة وده طبعا نتيجة انه ماخدش اي مكسب فيه
وما تقلقش مدير صيانة اللاب توب في توشيبا العربي صديق لي والحمد لله

اما عن الكيبور اعتقد ان فيها عربي بنسبة 80% لان الجهاز مخصص للشرق الاوسط وعشان ماتفتحش فا مش عارف فعلا

والويندوز هاترفع تمنه مش اقل من 400 جنية
وانا جبت اللي بنسخة لينوكس

[aratux]

ألف شكر يا باشا
ها شوف كدة و أقولك, لأنى كنت بادور على حاجة فعلا لمراتى

[Karim_Monir]

جهاز ممتاز و احلى حاجة انه صغير اوى يعنى ممكن يتاخد فى محاضرة و نسجلها كمان صوت و صورة ومحدش واخد باله وكمان فى الخروجات كافيهات مثلا

شكرا استاذ كريم

فعلا انا على طول قاعد بيه في اي مكان وحتى في البيت و وانا قاعد قدام التي في ومع العيال
فعلا خلاني استغنى عن الاجهزة التانية
وكمان جبتلة شاحن عربية ب 150 وبقي معايا في كل مكان لان الشاحن اللي جبتة بيشحن من عربية او 220 مع بعض
وده لينك لموقع بيتكلمو عنة
انا في نظري هو احسن من موبايل ادخل بيه على النت بكتير لانه شاشة كبيرة ولوحة مفاتيح كاملة ووزن رائع

http://www.alkhaleej.ae/portal/32fa09d5-2604-4073-a32f-a758a09ed6d2.aspx

[محمد عز]

حمد لله على السلامة

[Karim_Monir]

حمد لله على السلامة

الله يسلمك يا باشا
تسلم من كل سوء
وومتشكرين جدا يا غاللي وتتردلك في الافراح

[pro_samir]

حاول متستخدمش شاحن العربية الا فى أضيق الحدود لأن شوفت اكثر من جهاز محروقين بسببة ، بالذات الأنواع التعبانة

يعنى ممكن تسيبة فى العربية تستخدمة لو اتزنقت فقط

[goodwave]

ربنا يحسن لك بيعه يا كيمو وحمد الله على السلامة

[kaboo4]

ربنا يحسنلك بيعة يا باشا انا ممكن مكنش ملم بأسعار الابتوبات اوى فى مصر بس انا لسه مشترى لابتوب توشيبا من امريكا كورت تو ديو كامل ب 700 دولار هارد 250 ورمات 4 جيجا و فيه وايرلس ولان و كل حاجة و دىفى دى ريتر و كام كمان و جبته من على موقع www.bestbuy.com

[Karim_Monir]

ياااه
جهاز زي ده حضرتك ما يقلش ابدا عن 5500 في مصر حسب موديل البروسيسور
---------------
تم تخفيض سعر الجهاز الى 2900 جنية لاني وصلني النهاردة كشف حساب البنك لاني مشترية بال ATM وبعد تحويل العملة من درهم الى دولار ثم الى جنية تمنه احسن بكتير من جنية مقابل درهم مباشرة
الى جانب ان المحل اللي اشتريت منه اجرى خصم مباشر 5% لاني مشترك في قائمة تتيح لي خصومات لدى بعض المحلات الكبري وكان هذا المحل من ضمنهم لكن القيمة تعود لحسابي بعد اسبوع تقريبا
حاجة زي كاش باك كدة

وهذا للامانة فقط