اراضي للبيع التجمع+العادلية+6اكتوبر

[drahmd]

احسن حاجه ان حضرتك واخد حتتين قرعه ماشاء الله وعايز تبيع لظروف السفر معلش لامؤاخذه سؤال طالع من نفسي هو حضرتك كنت بداخل بكام اسم؟ اصلي نفسي افهم كان طالع من عيني آخد قطعه في التجمع ودخلت ب5 اسامي بس على قد فلوسي كان نفسي والله ف واحده بس ابنيها ولما ماطلعليش ولا واحده حسيت باليأس بس حضرتك ماشاء الله ربنا يباركلك انا مابحسدش يعني ماشاء الله ربنا يزيدك وتسافر وترجع لنا بالسلامه

[mezo73]

انت مصر علي التريقة
ودة اسلوب غير لائق
لاني ماكنتش داخل بخمسين اسم زي حضرتك
كل الموضوع ان في واحدة كانت بتاعت اختي واخدتها من كذا سنة وبعدين لظروف مش لازم سيادتك تعرفها لاني مش لازم اخد ازنك قبل مااعمل اي حاجة دخلت شريك معاها
وبعدين واحد قال لية لما نزلت القرعة بتاعت القاهرة ودخلت فيها لوحدي مش بخمسين اسم وربنا كرمني بقطعة وكنت ناوي ابنيها بس ماخدتش اذن سيادتك بس حصلت ظروف غيرت الكلام دة كلة
وبعدين اية الكلام الكبير دة
طيب لية مش بتلوم علي الاعلانات اللي في الجرايد كل يوم
واللي بيبنيها عمارات وفيلات ويبعها بعد كدة كل دول حرمية
علي العموم المفروض ان لوانا ببيع حاجة عجبتك بتشتريها مش عمال بتتريق وخلاص
علي فكرة انا مش مفروض احكيلك قصة حياتي بس للاسف انتوا الاتنين حسستوني اني حرامي لية مش عارف بس لو كنتوا مكاني كنتو برضوا هاتفرحوا ان حد يقول عليكم حرامية
انا اسف جدا انك ماطلعتش في القرعة او انك مش مليونير او ماعندكش فيلا
دة ربنا اللي بيرزق مش انا او انت

[drahmd]

معلش انا دخلت بخمسه بس والله بس انا مصدقك انك دخلت بإسم واحد وربنا كرمك يعني وواحده بتاعة أخت حضرتك بس يعني ياراجل ظروف طب استنى شويه لحد ماتستلمها يمكن ربنا يفكها من عنده وبعدين يعني حد يبقى عندو ظروف ويبيع وياخد اوفر 350 الف ف ارض 260 متر لسه مااستلمهاش انا مابقولش حاجه طبعا ربنا يكرمك يعني ويديك على قد نيتك يارب معلش سؤال شاغلني هو حضرتك دخلت في القرعه ليه بما ان حضرتك مش ناوي تبني اصلا؟ عشان تطلب اوفر 350 الف؟ معلش فضول يعني وربنا يباركلك يارب

[human]

فيه فرق بين الرزق من عمل و اجتهاد و الفهلوه و الانحلال فى مقاييس المجتمع
انا مش بتكلم على حضرتك بالخصوص انا بتكلم عن سلوك عام

[drahmd]

فيه فرق بين الرزق من عمل و اجتهاد و الفهلوه و الانحلال فى مقاييس المجتمع
انا مش بتكلم على حضرتك بالخصوص انا بتكلم عن سلوك عام

ياباشا أرجو ان تتقبل اعجابي بردودك حضرتك بجد راجل محترم واسمح لي أبدي اعجابي بالصوره الشخصيه اللي حضرتك حاططها الله يرحمو

[ابو سيف]

على فكرة ::

اي حد كان هياخد الارض دي
و حب يبيعها لأي ظرف من الظروف
و من غير ظروف خالص
كان هيبيعها بسعر السوق
ممكن يتنازل شويه
لكن كان هيبيعها بسعر السوق
بغض النظر عن اي اعتبار تاني
مكنش هيقول الناس غلابه
و سهر السوق هنا الف جنيه
فأنا هبيعها ب 100 جنيه
و شكرا

[mezo73]

سؤال شاغلني هو حضرتك دخلت في القرعه ليه بما ان حضرتك مش ناوي تبني اصلا؟ عشان تطلب اوفر 350 الف؟ معلش فضول يعني وربنا يباركلك يارب

والله لو قريت اللي انا كتبتة كويس ماكونتش قولت كدة لاني قلت انا كنت ناوي ابني ولكن في ظروف جدت علية
وبعدين ياجماعة انا مش بعرض عليك حاجة انا سرقها
انا مش عارف لية افتراض سوء النية

[خالد]

[QUOTE=mezo73;813346]انت مصر علي التريقة
ودة اسلوب غير لائق
لاني ماكنتش داخل بخمسين اسم زي حضرتك
كل الموضوع ان في واحدة كانت بتاعت اختي واخدتها من كذا سنة وبعدين لظروف مش لازم سيادتك تعرفها لاني مش لازم اخد ازنك قبل مااعمل اي حاجة دخلت شريك معاها
وبعدين واحد قال لية لما نزلت القرعة بتاعت القاهرة ودخلت فيها لوحدي مش بخمسين اسم وربنا كرمني بقطعة وكنت ناوي ابنيها بس ماخدتش اذن سيادتك بس حصلت ظروف غيرت الكلام دة كلة
وبعدين اية الكلام الكبير دة
طيب لية مش بتلوم علي الاعلانات اللي في الجرايد كل يوم
واللي بيبنيها عمارات وفيلات ويبعها بعد كدة كل دول حرمية
علي العموم المفروض ان لوانا ببيع حاجة عجبتك بتشتريها مش عمال بتتريق وخلاص
علي فكرة انا مش مفروض احكيلك قصة حياتي بس للاسف انتوا الاتنين حسستوني اني حرامي لية مش عارف بس لو كنتوا مكاني كنتو برضوا هاتفرحوا ان حد يقول عليكم حرامية
انا اسف جدا انك ماطلعتش في القرعة او انك مش مليونير او ماعندكش فيلا
دة ربنا اللي بيرزق مش انا او انت[/

لاتعليق
ولاحول ولاقوة ألا بالله
عمر البلد دى ماهينصلح حالها طول مالفكر ده موجود فيها ( أنا ومن بعدى الطوفان*
وأخطف وأجرى _ وأستغل الفرص!

مش ممكن أبداً اللى بيعملوه الناس فى بعضهم
حسبى الله ونعم الوكيلQUOTE]

[aeltokhy]

معلش ممكن اسأل
هو حضرتك تعبت فى ايه عشان عايز 350 الف زياده فى حته 250 متر الحكومه بتوزعها بسعر مخفض و حضرتك طلعت محظوظ و اخدتها

يعنى ليه حضرتك عايز تسرقنى و تسرق عيالى؟ انا ماعرفكش و برضه انت مصمم تسرقنى ليه؟ كل واحد بيعمل زيك كده بيسرقنى و بيسرق اخواتى و بيسرق اى امل ان البلد ديه ينصلح حالها

و عشان ده السائد و الحراميه بينظموا السرقه يبقى لازم كلنا نسرق؟!؟؟؟ لازم ناكل بعض؟!!!

ربنا يلطف بينا

مافيش حد يدخل مصر فى موبيل 5800

والله كأنك ختها من لسانى+++++++++++++++

[hh]

سيدي الفاضل
ارجو تفاصيل اكثر عن الارض, قيمة الاقساط, نسبة البناء, عدد الادوار. ياريت كمان لو تبعتلي نمرتك على الخاص لـأني مهتمة بالشراء.