حد بيفهم فى اللاب توبز المستعملة

[jisso82]

يا ريت يا جماعة الناس اللى بتفهم كويس فى أسعار و ماركات اللاب توب ترد عليا ضرورى
Dell Inspiron 6400
بالضمان بس بطاريته مستهلكة بتقعد تقريبا ساعة و احدة يعمل كام

[Haitham10]

اكتب مواصفاته بالكامل يااتش عشان هنا فمصر الواحد بيلاقي حاجات غريبه
ومتنساش تكتب حالته نفسها ايه ومعاه ايه

[MotorX]

مسألة البطارية المستهلكة دي فيها قلق ، لإن اسعار البطاريات الأصلية الجديده بتكون غالية.

تحياتي.

[mxz911]

الجهاز ده لو الفيرجن بتاع core 2 due

يبقى طبعا خده وان شاء الله ربنا يوفقك بيه .. انا جايب الجهاز ده بقالى حوالى 3 سنين وشغال بيه ليل نهار لأنى معنديش PC ف شغال على طول على الاب توب ... انا ساعتها كنت جايبه بحوالى 7400 جنيه ...

بس البطاريه بتاعتى شبه ماتت وانا شغال على طول على ال AC من غير بطاريه

[brown-eyes]

انا بردو معايا الجهاز ده وشغال تمام
بس بردو مشكلته في البطارية مابقتش بتقعد 5 دقايق بس عموما هي موجودة وبتتباع في رينج من 500 - 800
انا الجهاز اللي معايا core 2 due cach 4mb

[Haitham10]

طب ياجماعة حد فكر يسعر جهازه يشوفه يسوي كام تقريبا يعني .. لان صديقنا بيسأل عن السعر
وانا معتقدش انه هيوصل1800 - 2000
وياريت تتاكد من حالة الجهاز برضه عشان استهلاك بطاريه يعني اشتغل كتير موووووت

[jisso82]

الجهاز الSpecs بتاعته للى يعرفه نوع من 2 بس شكله حالته العامة كويسة استغربت بس من كبر حجمه و حقيقى السعر اللى كان مطلوب فيه عالى أوى من وجهة نظرى المحدودة على لاب توب مستعمل
هتلاقوا الSpecs
على اللينك ده بصراحة أنا ما فصصتش الجهاز عشان أعرف هو أنهى فيهم بالظبط

http://www.dell.com/us/en/dfb/notebooks/inspn_6400/pd.aspx?refid=inspn_6400&cs=28&s=dfb

[Haitham10]

هيثم انت فارق معاك الماركة اوي ؟ وايه ميزانيتك لو محتاج لاب توب فعلا
علشان انا عن نفسي مقتنع بصراحه من يوم ما بقت كل حاجه في بلدنا مكتوب عليها Made in china مبقتش بتفرق كتير زي زمان موضوع الماركات بالشكل اللي هوه يعني...

واخويا جبتله من 8 شهور او اكتر لاب توب من كارفور ونوع مش مشهور اوي انجليزي بس مش فاكر الاسم دلوقتي .. كان مواصفاته كويسة وخاماته كويسه جدا وكان عامل 3700 كفايه اننا اول ناس فتحنا الكارتونة وبرشامها والجهاز كان كامل مش متقلب حتي بالويندوز اول مافتحنا الباور لقيناه عايز السيريال وحطيته لقيت النسخة متعرفه ومتظبطه ولحد النهارده رغم انه مخرب كمبيوتر ومفيرس ولا اشتكي منه في اي حاجة ولا جاب سيرته

بالمناسبة كان شاشته 12 بوصة يعني مش كبير اوي وشكله ابيض في كحلي او رمادي مش فاكر لاني مبصتش عليه من يومها لو عايز اجيبلك نوعه والموديل بالتفاصيل بالظبط مفيش مشكلة

[mxz911]

انا بردو معايا الجهاز ده وشغال تمام
بس بردو مشكلته في البطارية مابقتش بتقعد 5 دقايق بس عموما هي موجودة وبتتباع في رينج من 500 - 800
انا الجهاز اللي معايا core 2 due cach 4mb

نفس الجهاز اللى معاى بالاضافه الى كارت شاشه 256 ميجا بايت ATI x1400

وهو حمار شغل بجد

على فكره انا رميت البطاريه تقريبا

[jisso82]

هيثم انت فارق معاك الماركة اوي ؟ وايه ميزانيتك لو محتاج لاب توب فعلا
علشان انا عن نفسي مقتنع بصراحه من يوم ما بقت كل حاجه في بلدنا مكتوب عليها Made in china مبقتش بتفرق كتير زي زمان موضوع الماركات بالشكل اللي هوه يعني...

واخويا جبتله من 8 شهور او اكتر لاب توب من كارفور ونوع مش مشهور اوي انجليزي بس مش فاكر الاسم دلوقتي .. كان مواصفاته كويسة وخاماته كويسه جدا وكان عامل 3700 كفايه اننا اول ناس فتحنا الكارتونة وبرشامها والجهاز كان كامل مش متقلب حتي بالويندوز اول مافتحنا الباور لقيناه عايز السيريال وحطيته لقيت النسخة متعرفه ومتظبطه ولحد النهارده رغم انه مخرب كمبيوتر ومفيرس ولا اشتكي منه في اي حاجة ولا جاب سيرته

بالمناسبة كان شاشته 12 بوصة يعني مش كبير اوي وشكله ابيض في كحلي او رمادي مش فاكر لاني مبصتش عليه من يومها لو عايز اجيبلك نوعه والموديل بالتفاصيل بالظبط مفيش مشكلة

ميرسى يا ثوما على الرد بس انا كان لازم أوضح من الأول أنا بسأل ليه بصراحة ابن خالتى اشترى الجهاز ده من حوالى أسبوع كده و اداهونى عشان أعرفله الكروت بتاعته و بصراحة ما استريحتش لشكل الجهاز و لا حجمه ولا موضوع البطارية ده و أنا ابن خالتى مالوش تماما فى قصة الكمبيوتر من أساسه و كان قصدنى إنى أجيبله جهاز بس أنا كنت مشغول جدا الفترة اللى فاتت و ما سألتلوش فاشترى هو من بره بره
أما سألته بكام قاللى سعره تحفة ب 2800 جنيه بس إيه رأيك
بصراحة اتخضيت بس ماحبتش أتسرع و أقول رأيى قبل ما أسأل يمكن أنا اللى مش فاهم فعلا و الجهاز يساوى المبلغ فعلا خاصة إنه خلاص اشتراه و كمان عن طريق واحد قريب مراته فالموضوع حساس إنى أتكلم فيه من غير ما أكون واثق من الكلمة اللى هقولها
آسف إذا كنت تعبت الناس معايا فى الموضوع على الفاضى بس بصراحة أنا حاسس بالذنب لأنى ما ساعدتوش من الأول و دلوقتى لأنى سايبه على عماه

[Haitham10]

يا مـــــيـــــــن يـــــلايـــــــــمنــــــــى عـــــــلــــــــــيـــــــــــــــــك

[jisso82]

يا مـــــيـــــــن يـــــلايـــــــــمنــــــــى عـــــــلــــــــــيـــــــــــــــــك

ليه بس أنا عملتلك حاجة

[yoko]

٢٨٠٠ غالي جدا على الجهاز وكمان من غير بطارية صاحبي جاب الفئة الأعلى من غير بطارية برده ب١٨٠٠ جنية بس متخدش شوية إستخدام مهندس جرافيكس

[ayman_elkholy]

يا اخى هوا اشتراه خلاص وكمان من واحد قريب مراتة اعتقد ما ينفعش تتكلم فى سعرة دلوقتى ربنا يباركله فية .

[jisso82]

يا اخى هوا اشتراه خلاص وكمان من واحد قريب مراتة اعتقد ما ينفعش تتكلم فى سعرة دلوقتى ربنا يباركله فية .

و الله دى كانت وجهة نظرى برده بس فى العيلة ناس قالتلى السؤال اللى اتسألته ده لازم ترد فيه بأمانة بصرف النظر أنا عموما حتى لو اتأكدت مش هخربله الدنيا هقولله بس إنه مش لقطة كان ممكن أحسن مش أكتر من كده