شقه بشرم الشيخ للبيع

[belal rashed]

للبيع شقه 85 متر بدون تشطيب.
داخل منتجع مراقيا شرم(80 فيلا إسكان سياحى فاخر).
منطقة نبق-خلف سكن ترافكو.
تطل على حمام السباحه مباشرة.
المنتجع به مدرسه,مول,نادى رياضى.
سعر المتر2500.

[الريس]

طيب في سبب للبيع يا فندم

[belal rashed]

لأ الحقيقه ما فيش سبب للبيع ,
بس انا عندى سكن تابع للشغل فى شرم وببلاش :lol:

[belal rashed]

إيه يا جماعه ما حدش عايز يشترى فى شرم ولا إيه؟؟؟؟؟؟؟؟؟؟؟؟

[bimmeraddict]

معلش ممكن تقولنا ايه النظام في شرم والحياة ماشية ازاي هناك وأسعار العقارات هناك بتزيد ولا لأ وفية مجالات استثمار هناك ولا ايه؟

[belal rashed]

أولا شرم بلد مفتوحه جدا لأى مجال إستثمار ,العقارات على طول فى الطالع(ربنا يخلى لنا عز).

[veco288]

ممكن رقم تليفونك؟

[peranha]

يعني انا لو فيه نصيب واخدتها هيكون علي اساس استثمار ..فإيه مجالات التأجير هناك وازاي واسعار التأجير ايه علشان ادرس الشراء .وهل ممكن التأجير عن طريق شركات او مكاتب ولا اعلانات في الجرائد .بس من فضلك بيانات دقيقه
وتشطيب الشقه ؟ هل فيه مقاولين تشطيب هناك ولا من القاهره ونسفرهم ونتكلف.. وتقريبا تتشطب بكام لان معنديش فكره عن المصنعيات هناك وهل يوجد محلات لمستلزمات البناء والديكور ؟.
وما هو مبلغ الرسوم السنويه للمنتجع من اجل الصيانه ولا هي وديعه لازم ندفعها ولا انت دفعتها خلاص .وهي تمليك ومتسجله ولا لسه تخصيص.واستهلاكات الكهرباء والمياه ضمن مبالغ الصيانه للمنتجع ولا يوجد عدادات. وهل هناك امكانية ادخال تليفون
يعني اكتب كافة التفاصيل علشان لا يكون هناك اي مفاجئات

[peranha]

يعني اكتب كافة التفاصيل علشان لا يكون هناك اي مفاجئات
وبعدين انت بتقول شقه في منتجع 80 فيلا طيب الشقه دي فين ..يعني هل هناك في المنتجع عمارات ولا هي شقه في فيلا وايه اخبار الحدائق ..هل لها نصيب في حديقه ولا شقه وخلاص .والدور الكام ..يعني ارضي ولا اول دور ولا ايه.
تفاصيل يا باشا ..عايزين تفاصيل ..اتعب نفسك شويه علشان انت تبيع وصاحب النصيب يسافر يشوفها علي نور ويشتري .
واكتب لنا رقم تليفون ادارة المنتجع وهذا اساسي ومهم جدا للاستعلام عما اذا كان الشقه عليها مستحقات للمنتجع ولا لا.

[belal rashed]

مساء الخير أولا ,
أستاذ بيرنها حضرتك تشرف شرم الشيخ فى أى وقت .... خلاص الصيف جه وممكن تشوفها على الطبيعه وأنت بتصيف.
1- الشقه فى أول فيلا فى المنتجع.
2- ممكن طبعا تركب تليفون.
3- فيه مبلغ 10000 جنيه مرافق وده أنا دفعته خلاص من حسن حظ اللى هيشترى لأنهم دلوقتى بيدفعوا 15000 .
4-تليفونى 0121160280 (بلال راشد).
5- الشقه فى الدور الاول وتطل على جنينه وحمام سباحه.
6- السعر على طوووول فى الطالع (انا كنت لسه هناك قريب فى شم النسيم وقالولى بنبيع دلوقتى ب3000 جنيه المتر.....لاحظ انا كنت كاتب المتر ب2500 من إمته؟؟؟؟؟؟.
فعلا الإستثمار فى شرم الشيخ روعه و سهل جدا إنك تأجر وممكن تجيب مقاول تبع حضرتك يشطبها أو تتفق مع إداره المنتجع وهمه يشطبوهالك.

[hero]

لقاطني دمياط ودمياط الجديدة: بادور علي شقة في دمياط الجديدة...

يا جماعه انا بافكر اشتري شقة في دمياط الجديدة...بس للاسف ماعرفش اية احسن منطقة هناك....واية اخبار الاسعار...

انا عايز شقة في منطقة هادية وراقية الي حد ماا....لاني باعشق الهدوء...انا اسمع ان دمياط الجديدة تقسيمها كويس قوي وشوارعها واسعه....وحاليا ارخص من راس البر...

ياريت الاخوة ايلي من دمياط او من دمياط الجديدة ينصحوني باي معلومات...

شكرا مقدما...

[hero]

سوري يا جماعه ....ياريت الادارة تحزف المداخلة دي علشان اتعملت خطأ غير مقصود...
انا كنت باحاول اعمل عنوان جديد خالص....بس يظهر اني اتلخبطت...

آسف مرة اخري للخطأ الغير مقصود...

[belal rashed]

ولا يهمك يا هيرو باشا وكفايه إنك رفعت موضوعى لفوق وأعدت تنشيطه يمكن حد يشوفوه بسببك ,ويتم البيع وساعتها يبقى ليك نسبه فى الصفقه علشان وشك حلو عليا ههههههههههههههههههه