فكره جديده لتلميع تابلوه العربية

[HATEMHANY]

السلام عليكم

انا مره روحت للكهربائى و قالى حلمعلك التابلوه بزيت الموتور و شويه جاز
بالفعل النتيجه كانت مبهرة و استمرت اللمعه اكتر من شهر و لكن الرائحه كانت كريهة

انا فكرت فى نوع زيت تانى يكون رائحته ارحم شويه و لاقيت ان زيت البرافين هو الحل

شفاف و عديم الرائحه

تأثيره يدوم حوالى 3 ايام تقريبا و ده يعتبر معدل ملمع التابلوه الجاهز زى الجوكر و غيره

فاضل العطر

انا روحت لمحا بتاع عطور تركيب و اخترت العطر المناسب و قمت بخلطه بنسبه مناسبه من المذيب ( كحول ميثيلى) و ده برضه من عند الراجل بتاع العطور و طبعا الكحول الميثيلى المستورد ملهوش رائحة

قمت بخلط القليل من العطر على زجاجة زيت الرافين كامله علشان العطر ميكونش مركز اوى و قمت بالرج جيدا و رشيته على التابلوه و مسحته باسفنجه زى اى ملمع تابلوه عادى و النتيجه كانت ممتازه

ملحوظه : الزيوت العطريه بتترك بقع و لذلك قمت بوضع المذيب الكحول الميثيلى
و يجب الرج جيدا قبل الاستعمال لتقوم بخلط الزيت بالعطر لانهم بعد شويه حينفصلوا تانى و ده برده زى تعليمات استعمال اى ملمع تابلوه

ميزه الطريقه دى طبعا السعر ثانيا العطر انا اختار العطر اللى انا عاوزه حتى لو كان ون مان شو
ارجو ان الفكره تعجبكم

[Ahmed Selim]

أعتقد و الله أعلم أن أستعمال الزيت فى تلميع التابلوه ممكن يؤدى الى تشققه مع الشمس......بس بعد وقت مش على طول

[A.Gameil]

أعتقد و الله أعلم أن أستعمال الزيت فى تلميع التابلوه ممكن يؤدى الى تشققه مع الشمس......بس بعد وقت مش على طول

أنا برده حاسس بكده أو حتي على الأقل مع الوقت يبقي منظره باهت وعمره ما يلمع من كثره الماده الزيته والأتربه

[ابوهاشم]

لسه الكهربائى عامل عندى الموضوع ده من يومين
لمعلى الطابلوه بزيت على جاز وكان تمام

[charming]

احلى ملمع تابلوة ممكن تشترية وتاثيرة يدوم اسبوع هو Armor all ودة منتج امريكى بيلمع و ينظف التابلوة البخاخة الصغيرة بحوالى 11 جنية ممكن تفضل معاك 3 شهور ودى فى التوفقية او كارفور

[MoMohsen]

انا جربت زيت البرافين قبل كدة وهو بيدى تأثير كويس جدا بس كان ليا ملاحظات عليه:
*بيلم تراب لو اترش بنسبه كبيرة و لم يتم مسحه مباشرة.
*مينفعش تحط كحول لان ممكن يشيل الكتابه اللى على الدراعات بتاعت النور و المساحات

مميزاته:
*محلات العطرو بتبيعه كزيت لترطيب الشعر و فى اعتقادى ان مفيش اى خوف من تشقق التابلوة مع استخدامه.
*يفضل بعد رشه يتمسح بفوطه ناشفه و تدعكة كويس عشان ميعملش بقع ولا يلم تراب.
*يفضل انك ترشه على الفوطه الاول و بلاش يبقى مباشر على التابلوة.

[vayron]

ياخوانا طب أنا أعندى

العربيية قعجت تلت أربع تيام تتصلح

والتابلوة رجع بعديها ملطخ شحم يا ترى الكلام دة هينفع
مع العلم ان اللتابلوة عندى بلاستك

وأرجو الرد

وشكرا

[HATEMHANY]

يجب ازاله الشحم اولا بالبنزين او الجاز و بعدين تقوم بالتلميع

[Bonanza]

احلى ملمع تابلوة ممكن تشترية وتاثيرة يدوم اسبوع هو armor all ودة منتج امريكى بيلمع و ينظف التابلوة البخاخة الصغيرة بحوالى 11 جنية ممكن تفضل معاك 3 شهور ودى فى التوفقية او كارفور

+1111

فعلا المنتج ده كويس انا استخدمتة و النتيجة تمام

[zocor742]

يا جماعة فية بخاخة صفرة شبة اللى العضو شارمينج حاطها بس نوع تانى قالى عالية عامل البنزينة وهو بينظف الصالون
كان بحوالى 13 او 15 جنية بس تأثيرة على التابلوة والفبر والجلد مش عايز اقولكم
والله تحفة شوفوا انا واثق فية لدرجة انى بلحف على نتيجتة
بيرجع للحاجة بريقها
هو بتستخدم فوطة ناعمة مندية بسييييط وترش عاليها وتمشى ايدك خفيف رايح جى حتة حتة فى الصالون
هتلاقية رجع بيبرق طابلوة وكراسى وعتب وطارة ... بدرجة اللى بيركبوا العربية بيقولولى العربية بقى فيها حاجة مختلفة
ممكن تجربوة وعلى ضمنتى الشخصية اللى مش هيجيب معاة نتيجة يبقى لية عندى حق عرب

[HATEMHANY]

زيت البرافين بصراحه روعه و رخيص و كمان العطر اللى انا اختاره
بيدى تأثير لحد 7 ايام حسب التعرض للشمس
انا شايف انه ميه ميه

[zocor742]

زيت البرافين بصراحه روعه و رخيص و كمان العطر اللى انا اختاره
بيدى تأثير لحد 7 ايام حسب التعرض للشمس
انا شايف انه ميه ميه

هو طبعا زيت البرافين معروف بالاستخدام دة وبيفضل للتابلوهات اللى فيها نسبة بلاستك وفبر اكترمن الجلد لأن الجلد بيبقة فية زى مسام بتشرب الزيت وتلاقى سطح الطابلوة بيلمع والتشققات او المسام اللى هيا نقشة الجلد الزيت راكن فيها ومبقع
انا جربت البرافين وكانت دى نتيجتة
وجربت الفازلين وكانت النتيجة الطابلوة وجلد البيبان بقى كلة بقع بتلمع حطط شاربتة وحطط لأ
فا الحاجات دى مش بتدى نتيجة كويسة مع الجلد زى ما بتطلع على الفبر والبلاستيك رائعة
ودى نقطة الاختلاف كل واحد بيجرب ويقول النتيجة ومش مراعى اختلاف خامات الطابلوة.... وعلى فكرة الطابلوة الجلد متعب كتيير عن البلاستك والفبر

ومن احسن الملمعات اللى استخدمتها من ضمن انوااااع واشكاااال
المنتج اللى وصفتة والعضو الفاضل حط صورتة مع اختلاف الشركة المنتجة وتتأكد من جودة المنتج اولا وصناعتة امريكى عشان ضمان النتيجة... نتيجة هائلة على الطابلوة الجلد عندى وكلة بقى مية واحدة بعد مانشف والعتب والكونصول والحاجات الفبر بقت شكلها فابريكة واستعملتة على جلود الابواب وحلق البيبان وكدة جاب نتيجة هائلة وبتزيد مع تكرار الاستخدام والكراسى الجلد بينظفها ويخليها تبرق وجديدة كأنك لسة مركبهم
وبص بقى بيعمل اية بيرجع للحاجة بريقها الطبيعى مع لمعة جميلة وهادية وبينظف تماما من الاتربة والاوساخ والبقع مكان البصمات والاجمل من كل دة مش بيلم تراب زى المنتجات الكتييير التانية ولو فية اتربة خفيفة بتمشى عاليها فوطة ناشفة بيرجعة زى ماكان
و فية منتج تانى عبوة شبة عبوة الشامبو او البلسم كدة ودة نتيجة هائلة للصالونات البيج والفاتحة بيخليها تحافظ على رونقها ومتطفيش لأنة بيجى درجات والتأكد من صناعتة بردو لأن مبقاش فى حاجة مش مضروبة دلوقتى

واسف للأطالة بس حبيت اضيف للأعضاء التجار اللى مرت عاليا كلها
فا لو موجودة منتجات كدة بتنظف وبتلمع وترجع الحاجة لأصلها مع الاستخدام وتحافظ عاليهم من اشعة الشمس من التشققات .. والكلام دة كلة مكتوب على العبوة

[zocor742]

واسف للأطالة بس حبيت اضيف للأعضاء التجار اللى مرت عاليا كلها

اسف جدا للخطأ فى الكتابة
قصدى اقول
(اسف للأطالة بس حبيت اضيف للأعضاء التجربة اللى مريت بيها)

[charming]

فعلا خامات الطابلوة بتختلف بلاضافة للجودة الخامات بتتباين يعنى العربية اللى تقفيلها اوروبى او يابانى غير اللى تقفيلها كورى او صينى و اعتقد ان الاخيرة محتاجة عناية اكتر نظرا للضعف جودة الخامات للجو مصر اللى زى انار فى الصيف نصيحة كلنا عرفينها متسبش عربيتك فى الشمس للفترات بعيدة للتاثيرها على كل حاجة فى العربية من دهان للفرش للطابلوة

[HATEMHANY]

وجهة نظرك فى محلها

انا التابلوه عندى بلاستيك و علشان كده انا سعيد بالنتيجه

و مجربتش التابلوه الجلد تأثيره ايه

اسف لانى مراعتش ده فى الشرح
شكرا للاستاذ صاحب الاضافه