إزاي تثبت الفاميه والزينون في الرخصه

[am79]

الزينون مش بيتثبت انا معايا مازدا 3 فيها زينون ومثبتش حاجة
ياعم ركب ولما تكون في لجنة اطفي النور وخلاص
اما الفاميه ممكن تركب ll black وتجيب ستاير كبس للورا

ياباشا دلوقت في اللجنه بيخليك تشغل النور العالي والواطي للفحص

[lovedbaby]

معرفش ازاى المهم الرخصة مكتوب فيها (زجاج فاميه فابريقة)

[pop3]

الفاميه :

مش هتقدر تثبت الفاميه في الرخصه لأن إفراج العربية الأصلي مش مكتوب فيه زجاج ملون غير حاجب للرؤيه.
يعني مش هتكون رخصة العربية طلعت وتمام التمام من غير اثبات الفاميه ويجي حد بعد كده يقولي هات فلوس وأثبتلك الفاميه على العربية - الكلام ده كله أونطه.
وبالنسبه لوكلاء النيابه و أعضاء الهيئات القضائيه و الظباط المحترمين شرطه و لا جيش محدش فيهم محتاج أصلا إنه يثبته حتى لو يقدر لأن الكارنيه غلب الجنيه يا حضرات

أنا لسه مرخص نيو سبراتو بتاعت ابن عمي فاميه فابريقه مثبوت على الإفراج و شهادة البيانات ومفيش حد قال بم

بس ملحوظه: حتي لو مثبوت على الإفراج الأصلي لازم يكون الإزاز ملون مش فاميه لزق

[mr_sameh]

اللى ثبتلى الفاميه قاللى الزينون ما بيتثبتش ولو اتخن ظابط كلمك قولو مفيش حاجة اسمها الزينون يتثبت

لا ياباشا الزينون مخالف لان الانوار المبهرة معاقب عليها في القانون

[hhhmmmzzzz]

طيب الدفندرات زى اللى فى الماتريكس والتريوس هل برضه ممكن تتثبت فى الرخصة؟

[lovedbaby]

الفاميه :

مش هتقدر تثبت الفاميه في الرخصه لأن إفراج العربية الأصلي مش مكتوب فيه زجاج ملون غير حاجب للرؤيه.
يعني مش هتكون رخصة العربية طلعت وتمام التمام من غير اثبات الفاميه ويجي حد بعد كده يقولي هات فلوس وأثبتلك الفاميه على العربية - الكلام ده كله أونطه.

مع احترامى لحضرتك كل حاجة فى البلد دى الفلوس بتخلصها
أنا عن نفسى جربت فى عربيتين

[am79]

كل حاجة فى البلد دى الفلوس بتخلصها
أنا عن نفسى جربت فى عربيتين :s_thum1[1]:

لو عندك حد ياباشا يعملنا الموضوع ده بالفلوس في مرور الاسكندريه
خلص لي الموضوع ده واكون شاكر ليك

[pop3]

مع احترامى لحضرتك كل حاجة فى البلد دى الفلوس بتخلصها
أنا عن نفسى جربت فى عربيتين :s_thum1[1]:

أكيد عندك حق, بس دي وبعد كل المبرارات رشوه في الأول وفي الآخر ولا أيه؟

وده إلي بجد بيخنق الواحد إن موضوع الفلوس ده بقه مباح في كل الجهات إلا من رحم ربي . وبقي حق مكتسب أحيانا وممكن يمنع عنك حقك علشان تاخده برده بالفلوس.

حسبي الله و نعم الوكيل

[eltorky]

أكيد عندك حق, بس دي وبعد كل المبرارات رشوه في الأول وفي الآخر ولا أيه؟

وده إلي بجد بيخنق الواحد إن موضوع الفلوس ده بقه مباح في كل الجهات إلا من رحم ربي . وبقي حق مكتسب أحيانا وممكن يمنع عنك حقك علشان تاخده برده بالفلوس.

حسبي الله و نعم الوكيل

1+++++++++++

[OilMan]

يعنى انت لو مش ركبت زينون وفيمت العربيه مش حتقدر تعيش ولا تدفع رشوه وكمان حتتحاسب على كده وبرده علشان حاجه فارغه زينون وتفييم للعربيه اللى هو بواقع او بصراحه عاوز تقلبها غرفة نوم هو التفييم ايه هدفه او فايدته غير كده لو حد عنده رد يقوللى ايه فايدته بس تكون فايده هامه غير حجب الرؤيه والمنظره
وانت اهو العربيه بقالها معاك مده كانت ماشيه وزى الفل وانت برده كنت عايش وتاكل وتشرب وتتنفس يعنى مش حغير فيك حاجه يا باشا
ولا انت بقى عاوز تعمل فيها واصل وتترسم وتقول انا ليا فلان وبفلوسى اخلص اى حاجه فى البلد ديه
ربنا يخرجنا منها على خير يارب

[pop3]

يعنى انت لو مش ركبت زينون وفيمت العربيه مش حتقدر تعيش ولا تدفع رشوه وكمان حتتحاسب على كده وبرده علشان حاجه فارغه زينون وتفييم للعربيه اللى هو بواقع او بصراحه عاوز تقلبها غرفة نوم هو التفييم ايه هدفه او فايدته غير كده لو حد عنده رد يقوللى ايه فايدته بس تكون فايده هامه غير حجب الرؤيه والمنظره
وانت اهو العربيه بقالها معاك مده كانت ماشيه وزى الفل وانت برده كنت عايش وتاكل وتشرب وتتنفس يعنى مش حغير فيك حاجه يا باشا
ولا انت بقى عاوز تعمل فيها واصل وتترسم وتقول انا ليا فلان وبفلوسى اخلص اى حاجه فى البلد ديه
ربنا يخرجنا منها على خير يارب

أخي الكريم , الجزء الأول من كلامك ممتاز, لأن الرشوه محرمه حتى لو كانت لشئ ضروري فماذا الحال لو كانت لشي ترفيهي .

أما عن الجزء الثاني في كلامك عن الغرض من الفاميه أنا والدي عربيته زجاج ملون فبريقه وهو راجل مسن و حافظ لكتاب الله و بيخدم في بيت من بيوت الله.

وزيه كتير وشباب صغير كمان, فالفاميه زيه زي الجنوط بتخلي شكل العربيه حلو < ده لا يمنع إن في من يسئ استخدام الزجاج الملون .

علشان كده با سيدي كل شئ في الدنيا ممكن يستخدم إستخدام جيد و أخر سئ والتعميم ليس له في الأصل من دلاله.

[OilMan]

اشكرك على اسلوبك وانا معاك فى كلامك بس انا كنت بقول على اللى الواحد بيشوفه اليومين دول وبقى منتشر بشكل يكسف يعنى بيبقى معايا الاسره وجنبى عربيه كده ابنى بيسالنى هو محدش باين ليه مع انه سامع الكاسيت وشايف خيال معرفتش ارد عليه وبالنسبه للزينون انا عندى فى التويوتا والله مش برضى افتحه الا فى الضروره علشان محدش يدعى عليا مع انى عندى auto diming يعنى مش بيفرق معايا اللى ورايا زينون ولا عفريت ازرق وماشى على طوول بالفوجات

أخي الكريم , الجزء الأول من كلامك ممتاز, لأن الرشوه محرمه حتى لو كانت لشئ ضروري فماذا الحال لو كانت لشي ترفيهي .

أما عن الجزء الثاني في كلامك عن الغرض من الفاميه أنا والدي عربيته زجاج ملون فبريقه وهو راجل مسن و حافظ لكتاب الله و بيخدم في بيت من بيوت الله.

وزيه كتير وشباب صغير كمان, فالفاميه زيه زي الجنوط بتخلي شكل العربيه حلو < ده لا يمنع إن في من يسئ استخدام الزجاج الملون .

علشان كده با سيدي كل شئ في الدنيا ممكن يستخدم إستخدام جيد و أخر سئ والتعميم ليس له في الأصل من دلاله.

[am79]

اشكرك على اسلوبك وانا معاك فى كلامك بس انا كنت بقول على اللى الواحد بيشوفه اليومين دول وبقى منتشر بشكل يكسف يعنى بيبقى معايا الاسره وجنبى عربيه كده ابنى بيسالنى هو محدش باين ليه مع انه سامع الكاسيت وشايف خيال معرفتش ارد عليه وبالنسبه للزينون انا عندى فى التويوتا والله مش برضى افتحه الا فى الضروره علشان محدش يدعى عليا مع انى عندى auto diming يعنى مش بيفرق معايا اللى ورايا زينون ولا عفريت ازرق وماشى على طوول بالفوجات

يا استاذ انت جمعت وتكلمت ووجهت اتهامات ان بفلوسك و تعملها غرفه نوم الموضوع بالنسبه ليك كده من وجه نظرك
انما لي بالنسبه لي يا استاذ الفاضل انا بسافر يوميا وبالساعات
تعمل ايه انت بقي لما تكون الشمس ضاربه في العربيه مخليها نار والتكييف مش عامل حاجه يعني مرطب الجو بس اشعه الشمس تحرق في بشرتك وتعملك صداع
وتعمل ايه لو راجع بالليل ((يوميا)) مروح علي بيتك وماشي طرق مفيهاش اضاءه كويسه والنص التاني مفيهوش اصلا نور وفي اغلب الاحيان طرق فرديه

كل واحد يعبر عن وجهه نظره وعلي ما اعتقد لو انت كنت محتاجه مكنتش هتقول كده
وانا معاك ان فيه ناس بتركبه منظره وفيه ناس بتركبه علاشان يعطي شكل فخم للعربيه
يعني من الاخر كل واحد ورغبته

ملحوظه : بره مصر الفاميه عادي جدا واي شخص يقدر يركبه بنسبه لا تزيد عن 30% من درجه الفاميه ومن غير اثبات علي رخصه ولا بطيخ وكمان الزينون نفس الكلام
وبعدين عندك مثلا الموبايل
والموبايل اكبر دليل في ناس بستخدمه علاشان تزهق بيه خلق الله وفيه ناس بتستخدمه علاشان تخلص مصالحها مش معني كده اننا نهاجم علي كل من يحمل او يريد ان يحمل الموبايل

السلام عليكم

[OilMan]

متهيالى دى وجهة نظرى وانا مش بنيتها من فراغ انا بنيتها من اللى بنشوفه وانت جبتها من الاخر زى الموبيل فعلا فى استخدام سئ وفى استخدام مفيد وعلى فكره انا مش بقصدك انت بنفسك انا بقول عام ومش تزعل واسف لو كنت فهمتها بصفه شخصيه بس سامحنى الواحد خلاص ما بقاش عارف يفرق بين المفيد والسئ يعنى مش عارف افرق بين مين محتاج ومين مش محتاج الحاجه ديه للاسف تهنا من كتر الاكاذيب

يا استاذ انت جمعت وتكلمت ووجهت اتهامات ان بفلوسك و تعملها غرفه نوم الموضوع بالنسبه ليك كده من وجه نظرك
انما لي بالنسبه لي يا استاذ الفاضل انا بسافر يوميا وبالساعات
تعمل ايه انت بقي لما تكون الشمس ضاربه في العربيه مخليها نار والتكييف مش عامل حاجه يعني مرطب الجو بس اشعه الشمس تحرق في بشرتك وتعملك صداع
وتعمل ايه لو راجع بالليل ((يوميا)) مروح علي بيتك وماشي طرق مفيهاش اضاءه كويسه والنص التاني مفيهوش اصلا نور وفي اغلب الاحيان طرق فرديه

كل واحد يعبر عن وجهه نظره وعلي ما اعتقد لو انت كنت محتاجه مكنتش هتقول كده
وانا معاك ان فيه ناس بتركبه منظره وفيه ناس بتركبه علاشان يعطي شكل فخم للعربيه
يعني من الاخر كل واحد ورغبته

ملحوظه : بره مصر الفاميه عادي جدا واي شخص يقدر يركبه بنسبه لا تزيد عن 30% من درجه الفاميه ومن غير اثبات علي رخصه ولا بطيخ وكمان الزينون نفس الكلام
وبعدين عندك مثلا الموبايل
والموبايل اكبر دليل في ناس بستخدمه علاشان تزهق بيه خلق الله وفيه ناس بتستخدمه علاشان تخلص مصالحها مش معني كده اننا نهاجم علي كل من يحمل او يريد ان يحمل الموبايل

السلام عليكم

[wisambasha]

طيب الدفندرات زى اللى فى الماتريكس والتريوس هل برضه ممكن تتثبت فى الرخصة؟

لو الدفندرات نازلة بيها العربية زي الشيروكي او ال 4*4 بتتثبت علي الرخصة