Tweet
أمبارح نزلت شارع أحمد سعيد عشان أشتري طقم جنوط 15 تايواني .. أول محل دخلته مركز الفردوس ولاقيت عنده تشكيله جميلة من الجنوط التايواني ومكتوب عليها made in taiwan بس أسعاره غاليه كان بيتكلم في 2350 للطقم وصلت معاه لغاية 2150 بعد الخناق ... المهم أتمشيت لغاية أخر الشارع لاقيت محل أسمه بهجت فوزي شكل المحل لفت نظري من كتر الجنوط ألي فيه نزلت أسعر الجنوط لاقيت الطقم ب 1700 قبل الفصال و ماركه أدفانتاج وبيقول إنها تايواني بس المشكلة مش مكتوب عليها made in taiwan بس فرق السعر كبير يوصل ل 550 جنية بين المحلين ألي دخلتهم . أيه رأي الأعضاء في الكلام ده وياريت ألي عنده خلفية عن المحلين دول يقولي بما يرضي الله عشان مش عارف أخد قرار الشراء ومش عارف أثق في مين فيهم في وجود الغش التجاري ألي مالي السوق اليومين دول .. وشكرا قوي ليكم
-
[SIGPIC][/SIGPIC] -
ياريت بس تكون ماركة وتتاكد من بلد الصنع افضل
انت مش بتركب جنوط كل يوم وفرق السعر مش كبير ولو لاقيت ماركة احسن وقدرت تزنق نفسك فى300:500ج كمان مش خسارة لان هناك انواع رديئة شكل فقط وبمجرد ما تاخد مطب او حفرة علي سرعة غصب عنك وما اكثرها فى مصر تلاقى الجنط اتكسر(واسال مجرب) وساعتها يا تشترى طقم كامل جديد يا تصلح الجنط وتبقى ماشى خايف تدوس علي قطة
اللهم قد بلغت اللهم فاشهدهانى محمد زكى -
في ملحوظه نسيت أقولها .. في المحل التاني ألي بيقول الجنط ب 1700 ... الجنط ملزوق علية ورقه في داير الجنط من جوه معناها بالعربي الضمان سنة واحده وفي حالة إزالة هذا الأستيكر بيتلغي الضمان[SIGPIC][/SIGPIC]Comment
-
أنا اشتريت جنوط اندونيسى من سنتين و اتشرخوا منى مرتين
خلى بالكComment
-
انا اشتريت جنوط للفيرنا صينى ب 850 رائعة و بلبس مطبات وهمية و بجرى على 190 مدد طويلة و باقلها سنة عندى وزى الفل و انسى اى مشاكلComment
-
انا حطيت عندي قبل كده اندونيسي بس كان تقيل اوي و شيلته
و معايا الصيني دلوقتي و بسم الله ما شاء الله مستحمل و مش تقيل زي الاول
بص روح الرومانس حتلاقي عنده الصيني عامل الطقم 1200 و حيبقى حلو و جامد[CENTER][SIGPIC][/SIGPIC][/CENTER]
[CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
[CENTER][URL]http://www.nilemotors.net/Nile/101990-a.html[/URL][/CENTER]Comment
-
انا عندى الاندونبسى بقاله اكتر من سنه وما شى عليه 43000كمرقم 28 فى نادى شفروليهComment
-
طيب ما تنزل الحي السادس في مدينة نصر عندهم تشكيله جنوط 15 جامدة اشهرهم اشرفكو وفاست وبركات لسه كنت جايب طقم من اسبوعين من هناك وفي واحد برضه كويس وعندة تشكيلة كبيرة عند قصر عابدين اسمه عمرو الجميل[CENTER][B]HONDA THE POWER OF DREAMS[/B][/CENTER]Comment
-
نسيت أقولك الأسعار الجنوط التايواني 15 أخر سعرها 2075 جنية متزدش عن كدة وممكن اقل شوية، ونازل جنوط مومو صينى شكلها حلو بس غالية شوية وهتلقيها عند اربكوم وفي السادس كمان بس معرفش كفاءتها نظامها ايه[CENTER][B]HONDA THE POWER OF DREAMS[/B][/CENTER]Comment
-
طب الجنوط ألي ب 1700 مش مكتوب عليها تايوان ولاحاجة وصاحب المحل بيقول تايواني ..هل ده سعر التايواني فعلا .. أنا شاكك إنها صيني[SIGPIC][/SIGPIC]Comment
-
[CENTER][B]لا اله الا انت سبحانك انى كنت من الظالمين
[/B]
[B]سبحان الله وبحمده سبحان الله العظيم[/B]
[/CENTER]Comment
-
ممكن تكون صيني وممكن تايواني فعلاً، بس يفضل تزود 200 أو 300 جنية و تجيب حاجة مضمونة ومكتوب عليها تايواني عشان تبقي في الأمان ولما تيجي تيبعهم بعد كدة محدش يقعد يقولك لأ دى صيني والكلام دةالمشاركة الأصلية كتبت بواسطة tommys مشاهدة المشاركة[CENTER][B]HONDA THE POWER OF DREAMS[/B][/CENTER]Comment
-
انا نزلت احمد سعيد من فترة كنت بجيب جنوط لعربيتى ولاكن للأسف ملقيتش غير الصينى كل المحلات الى هناك معندهاش غير الصينى
خليك فى ارابكوم فى المرتبة الأولى بعد كدة اشرفكو[SIGPIC][/SIGPIC]Comment
-
يا باشا نصيحه مني لوجه الله خليك في اجمد محل في مصر (( أرابكوم )) قدام سيتي ستارز في عمارات رامو.
المحل ده جامد جدا جدا ومعندوش اي حاجه صيني خالص..... وبتدخل زي الباشا بيعرف منك ماركة عربيتك ويدخل علي الكمبيوتر وحضرتك واقف وبيقولك عندي ليك الجنط ده وده وده بس ويحددلك كام شكل كده وسيادتك تختار والتحديد بالكمبيوتر طبعا علشان الابعاد والمقاسات والملفات والاتزان بالنسبه لعربيتك....
أنا عندي النترا 2008 اوتوماتيك اشتريتلها طقمين قبل كده وانكسروا مع انهم كانوا جامدين وغاليييين .... فقررت اني اجيب طقم جامد جامد يعني روحت عالمحل ودخلت واحسن استقبال ومحل وهم الوهم والحمد لله اشتريت طقم جنط تايواني 17 وكاوتشات سرعات fire stone مقاس 225 وركبوا عندهم في ورشتهم وحضرتك قاعد بتشرب الشاي ومزاجك زي الفل ... بس انا شربت نسكافيه عشان كنت رايحلهم من المنصوره مشواااار جاااااااامد؟....
المهم يا باشا الطقم بالكاوتش عامل بعد الخصم (( 6000 )) جنيه . بس ما شاء الله ثبات رهيب لدرجة اني بجيب ال200 ولا في الدماغ مع ان باور الالنترا ريشه ... والمنظر جامد , وخد مطبات براحتك .... المهم يا باشا .... من الاخر ....... الغالي تمنه فيه.
انا طولت عليك معلش اسف ... بس حبيت انصحك لله عشان حرام لما تجيب زيي طقمين جنط في 4 ولا 5 شهور.
عليك وعلي ارابكوم شغل نضيف ومقاسات وتوكيلات وفاتوره وخصومات وعروض ... وربنا يوفقك.... مستني ردك يا باشاComment
-
فى محل عند مرور البساتين تحت الدائرى
بيبيع جنوط استعمال وبحاله جيده جدا
بس مش عارف اسعارابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]Comment
.gif "Mahf(5)")
Comment