باركينج سينسور امامى

[Michael_Lanos]

هاي يا شباب

انا بشوف عربيات نازله فيها باركينج سينسور امامى زي الشيروكي ولاند روفر وكده
حد يعرف ده بيشتغل امتى ؟ مش معقول طول ما هو ماشي شغال ! ولا برده معقول يكون ليه زرار يدوى ؟ اكيد الرفاهيه هنا ليها دورها

اللى يعرف ياريت يعرفنا ... شكرا

[ana]

السينسور الامامى وظيفته انه بيحذرك من احتماليات وقوع حوادث من خلال الكمبيوتر داخل السياره وممكن من خلال الكمبيوتر تبرمج العربيه على مسافه بينك والعربيه اللى قدامك مثلا 3 متر و مهما دوست على دواسه البنزين العربيه مش ممكن تكسر المسافه دى
وأى خدمه

[ana]

صحيح وده معمول للسفر والمشى مسافات طويله

[Ahmed Nouh]

السنسور اللى بيشتغل مع الاكتيف كروز كنترول مش هو السنسور اللى موجود فى الصور

السنسور اللى فى الصور هو فعلا باركنج سنسور

وبيشتغل يا استاذ مايكل عن طريق زرار p فى التابلوه وده بتشغله وانت بتركن بس بحيث انه ميكونش شغال طول ما انت ماشى

[معتز]

زى الموجود فى الباسات

[Michael_Lanos]

السينسور الامامى وظيفته انه بيحذرك من احتماليات وقوع حوادث من خلال الكمبيوتر داخل السياره وممكن من خلال الكمبيوتر تبرمج العربيه على مسافه بينك والعربيه اللى قدامك مثلا 3 متر و مهما دوست على دواسه البنزين العربيه مش ممكن تكسر المسافه دى
وأى خدمه

اه الفكره دي سمعت عنها قبل كده

صحيح وده معمول للسفر والمشى مسافات طويله

اكيد عملى فى المسافات الطويله علشان لو الواحد تركيزه راح

السنسور اللى بيشتغل مع الاكتيف كروز كنترول مش هو السنسور اللى موجود فى الصور

السنسور اللى فى الصور هو فعلا باركنج سنسور

وبيشتغل يا استاذ مايكل عن طريق زرار p فى التابلوه وده بتشغله وانت بتركن بس بحيث انه ميكونش شغال طول ما انت ماشى

زرار p ده غير طبعا الوضع اللى فى الفيتيس .... بس فكره حلوه قوى، ساعات بيكون فى طوب ولا ماسوره صغيره بتخرب العربيه

زى الموجود فى الباسات

حاجات كتيره الماني وامركاني بشوفها فيها

[mahgary]

فى كاميرا كمان اماميه وله شاشه فى التبلوه

[hazemhassan]

السنسور الامامى >>> بيبقى شغال طول منتا ماشى وفى حالة الرجوع للخلف <<< الخلفى هوة اللى بشتغل

[daliaessam]

زى الموجود فى الباسات

كلامك صح وانا معايا فى الجيتا الخلفى بسى نازل فيها واستريت واحد من حسنى فىالتوفيقية وركبتة فى الأكصدام الأمامى وركبت له وصله مفتاح جنب الفتيس وحاولت اجيب المفتاح بتاع الباسات من التوكيل واركبة بسى قالوا لى مش موجود وحاولت استيراد و مالقيتشى ولسة مستنى الاقية اوينزل.
عموما الهدف من البارك سنسور الأمامى انك تشعلة يدوى فقط لما تحتاج مثلا تقف قرب سور وا حيط بقدر الأمكان والسبب انى ركبتة انى دائما اذنق الأكصدام الأمامى فى الرصيف وعموما انا بأفكر دلوقتى فى الأحسن وهو مرايا بالكاميرا وح اركب الكاميرا فى الشبكة او اى مكان امامى.