سؤال عن لمبات الفوج لايت

[Hosam_Optrawy]

السلام عليكم ورحمة الله وبركاته

كل سنه وانتم طيبين جميعا

النهارده لقيت اللمبه بتاعت الفوج الشمال اتحرقت

عربيتى اوبترا

ففكرت اغير الاتنين بالمره بلمبات تكون قويه

فقلت اسألكم عن نوع يكون محترم وقوى وينفع للفوجات

انا عايز نوع يكون قوى بس مايضايقش اللى قدامى ولو ماشى فى لجنه ماحدش يفتكره زينون

كنت قريت فى المنتدى عن لمبات Philips بس مش فاكر نوعها

هل ياترى تنفع للفوجات ؟ وهل فى فرق بين لمبة الفانوس الكبير وبين لمبة الفوج ؟

ايه احسن الانواع واجيبها منين وفى حدود كام ؟

سؤالى الأخير

هل تركيب اللمبه دا شئ سهل وبسيط وقدر اعمله بنفسى ولا صعب وفى لعب فى الكهربا وممكن التوكيل يتلككلى على الضمان ؟

معلش اصل عمرى ماغيرت لمبة الفوج قبل كدا

وشكرا جزيلا مقدما لكل اللى هايساعدنى

والسلام عليكم

[a7mode]

سبحان الله يا استاذ حسام ههههههههههههههههههههه انا كمان لمبه الفوج عندى اتحرقت وبردو الشمال ههههههههههه وبردو قولت اغير الاتنين بأتنين فيلبس وكنت عايز بردو اعرف واستفسر عن نفس اسألتك

ربنا يسهل بقى ونلاقى حد يرد علينا هههههههههه

[Hosam_Optrawy]

هههههه شوفت بقى الصدف

أكيد العيد والمطره ليهم علاقه بالموضوع :)

انا قلبت شويه فى المواضيع اللى فى القسم

ولقيت فيهم انواع كويسه بس بيقولوا محتاجه كتاوت

وانا بصراحه معرفش ايه الكتاوت دى ومش عايز لعب فى العربيه

انا عايز اشيل لمبه وأحط لمبه

مش مهم تبقى قويه اوى زى الزينون انا عايز اضاءه كويسه مش أكتر

[M.almaghraby]

اعتقد يا حسام حضرتك ممكن تركب philips crystal vision او اوسرام

بس لازم تتاكد من المقاس الاول

وعلي فكرة انا انصحك لو معاك فلوس كويسة هات زينون فالفوجات لان مش حيبان فالمرور و تاثيره قوي جدا

عامة لو استقريت عالهالوجين عندك crystal vision و diamond vision و تتاكد من الوات بتاعهم كمان انه زي الاصلية

[MoMohsen]

انا كمان انضميت معاكو لنادى الفوج الشمال المحروق
انا فعلا كنت عاوز اغير الاتنين بلمبات اقوى بس لقيت ان اللى كانت راكبة 55 وات فيليبس كورى و للامانة اضائتها مش قد كدة.
و سألت على الانواع اللى موجودة كان فيه المانى و كورى و تمنهم فى حدود 15-20 للمبه.
بس انا بفكر اجيب فيليبس رالى 100 وات و اركب كتاوت.
وعلى فكرة تركيب لمض الفوجات سهل و مفهاش اى لعب كهرباء مجرد تفك وتركب لان اللمبه بتتباع بالفيشه بتاعتها.

[Hosam_Optrawy]

اعتقد يا حسام حضرتك ممكن تركب philips crystal vision او اوسرام

بس لازم تتاكد من المقاس الاول

وعلي فكرة انا انصحك لو معاك فلوس كويسة هات زينون فالفوجات لان مش حيبان فالمرور و تاثيره قوي جدا

عامة لو استقريت عالهالوجين عندك crystal vision و diamond vision و تتاكد من الوات بتاعهم كمان انه زي الاصلية

هو مفيش مشكله فى الفلوس

بس انا اسمع ان الزينون بيركبله مكنه مخصوص

غير انه بيضايق الناس

وانا مش عايز احمل حوار

ولا عايز أركب حاجه بكتاوت

انا مش فاهم ايه الكتاوت دى بس اللى فهمته ان فى لعب فى الكهربا

انا عايز أركب لمبه مكان لمبه ( كأنى باغير لمبه النجفه )

ومش طالب قوة الزينون

اصلا اللى كانوا راكبين فى العربيه كانوا كويسين جدا

بس انا قلت أسال لو فى افضل

معلش سؤال أخير اعرف ازاى الوات بتاع الفوج اللى عندى ؟

[M.almaghraby]

حتلاقي فالكتالوج يا باشا

او وانتا بتفك اللمبة القديمة بص عليها حتلاقي الرقم مكتوب...

كل سنة وانتا طيب

[Hosam_Optrawy]

حتلاقي فالكتالوج يا باشا

او وانتا بتفك اللمبة القديمة بص عليها حتلاقي الرقم مكتوب...

كل سنة وانتا طيب

وانت طيب ياباشا

واسف على التأخير فى الرد

___________

يعنى محدش قال يا جماعه

ايه الانواع اللى تركب على طول مكان اللمبه بسهوله بدون تعديل او لعب فى حاجه

سعرها كام واجيبها منين وتنفع للفوجات ولا لأ

[ahmad--ezzat]

12 وات اعتقد زى النوبيرا

[ahmad--ezzat]

http://i4.ebayimg.com/05/i/001/33/26/dd7f_1.JPG لمؤخذه....اللمبه 55 وات ودول اللى راكبين عندى

[M.almaghraby]

يا باشا مادام نفس الوات يبقي تتركب علي طول من غير اي لعب

عندك الفيليبس.... الاوسرام

ارشحلك الكريستال فيجين او ال دياموند فيجين

[Hosam_Optrawy]

http://i4.ebayimg.com/05/i/001/33/26/dd7f_1.jpg لمؤخذه....اللمبه 55 وات ودول اللى راكبين عندى

شكرا ياباشا على الرد

اعتقد اغلب اللمبات بتبقى 55 وات لان اكتر من كدا بتبقى محتاجه كتاوت ( على حسب مافهمت )

طب النوع اللى انت مركبه دا عامل معاك ايه ؟ بينور أبيض ولا اصفر وسعرهم كام ؟

[Hosam_Optrawy]

يا باشا مادام نفس الوات يبقي تتركب علي طول من غير اي لعب

عندك الفيليبس.... الاوسرام

ارشحلك الكريستال فيجين او ال دياموند فيجين

شكرا ياباشا على الرد

طيب ترشحلى مكان معين أجيبهم منه ولا موجودين فى اى حته عادى ؟

وهل فى منهم اصلى ومضروب ولا كلهم تمام ؟ بيبقوا صناعتهم ايه ؟

[M.almaghraby]

الفيليبس مكتوب عليها الماني

الاوسرام الماني برده اعتقد

انا جبت النايت جايد .....

في محل اسمه المدينة في شارع دمشق بتاع قطع بروتون... قدام بنزينة التعاون الي هناك .... عنده جميع الانواع

قوله بس تبع البرسونا السلفر الي كانت عاملة حادثة و هوا ان شاء الله حيظبطك :))

هوا راجل امين جدا و اسعاره مش عالية...وعنده كل اللمض دي بس يارب تلاقي المقاس ..

[Hosam_Optrawy]

الفيليبس مكتوب عليها الماني

الاوسرام الماني برده اعتقد

انا جبت النايت جايد .....

في محل اسمه المدينة في شارع دمشق بتاع قطع بروتون... قدام بنزينة التعاون الي هناك .... عنده جميع الانواع

قوله بس تبع البرسونا السلفر الي كانت عاملة حادثة و هوا ان شاء الله حيظبطك :))

هوا راجل امين جدا و اسعاره مش عالية...وعنده كل اللمض دي بس يارب تلاقي المقاس ..

ربنا يخليك شكرا لاهتمامك