تركيب Parrot bluetooth car kit

[Hesham A.Megid]

بقالي فترة نفسي أجيب bluetooth car kit وأخيرًا لقيت واحدة عجبتني وهي Parrot CK-3100. المشكلة إنها محتاجة حد professional يركبها لأنها مش plug and play. المكان الوحيد اللي لقيته بيركبهم هنا في الاسكندرية هياخد 250 جنيه تركيب و 200 جنيه كابلات!! طبعا كتير جدا خصوصا إن ال kit سعرها 1000 جنيه.

ياريت لو أي حد فيكوا يعرف مكان للتركيب يقولي عليه.

[MoStAfA-StabS]

معلش يا باشا .. هوا ايه ده ؟

[محمد فريد]

يا استاذنا روح لمركز بتاع اصلاح الكترونيات وكاسيتات سيارات محترم هيركبه
يا اما تروح توكيل كلاريون مصر الجديدة اعتقد بيركبوا برضوا
والله اعلى واعلم

[goofyarch]

Adrian
salah el din -masr elgedida
ana rakebt 3ando we kolo tamam

[abo_lamar]

طب لامؤاخدة يا باشا ايه البتاع اللي انت بتقول عليه ده .. بيعملوا بيه ايه يعني ؟؟ اسف لجهلي

[Hesham A.Megid]

معلش يا باشا .. هوا ايه ده ؟

دي bluethooth kit بتركب في العربية منها تقدر ترد على التليفونات اللي بتجيلك وتعمل مكالمة جديدة وفي بعد الموديلات تسمع ميوزيك. كل ده وإنت سايب موبايلك في جيبك عشان ماتتخدش مخالفة.

بص على اللينك ده: Parrot PARROT CK3100 LCD - CK series

يا استاذنا روح لمركز بتاع اصلاح الكترونيات وكاسيتات سيارات محترم هيركبه
يا اما تروح توكيل كلاريون مصر الجديدة اعتقد بيركبوا برضوا
والله اعلى واعلم

هي المشكلة مش إني ألاقي حد يركبه. المشكلة إنه يبقى بيركبوا بتمن معقول.

Adrian
salah el din -masr elgedida
ana rakebt 3ando we kolo tamam

ممكن أعرف ركبت أنهي موديل و ركبته بكام بالضبط؟ و قطع في أي اسلاك في العربية ولا كله كانت وصلات بتركب على طول.

بالمناسبة أنا من الاسكندرية مش القاهرة.

[MoStAfA-StabS]

طيب مينفعش تركب بلوتوث ديفيس مكان ال usb فى الكاسيت و يبقى نفس الغرض ؟!؟!؟!

[Hesham A.Megid]

طيب مينفعش تركب بلوتوث ديفيس مكان ال usb فى الكاسيت و يبقى نفس الغرض ؟!؟!؟!

ماعتقدش إن ده ينفع. بس بيبقى في كاستات بيبقى أصلا فيها bluetooth.

[bondjames]

ياعزيزى كاميرا للرجوع للخلف + شاشة 7 بوصة بها بلوتوث ب 540 جنيه بالتركيب عند سبيركار باب اللوق ولا توجع دماغك
أسف ماخدتش بالى من Alex لكن أكيد بنفس السعر تقريبا ممكن تلاقى عندك - أو يوم جمعة إخطف رجلك للقاهرة ساعة زمن عندهم وتكون راجع

[MoStAfA-StabS]

ماعتقدش إن ده ينفع. بس بيبقى في كاستات بيبقى أصلا فيها bluetooth.

شكرا جدا يا باشا لرد حضرتك .. ان شاء الله حبقى اجرب لما اجيب الكاسيت ال cd قريبا ان شاء الله

[Hesham A.Megid]

ياعزيزى كاميرا للرجوع للخلف + شاشة 7 بوصة بها بلوتوث ب 540 جنيه بالتركيب عند سبيركار باب اللوق ولا توجع دماغك
أسف ماخدتش بالى من Alex لكن أكيد بنفس السعر تقريبا ممكن تلاقى عندك - أو يوم جمعة إخطف رجلك للقاهرة ساعة زمن عندهم وتكون راجع

شكرا لردك. بس أنا بدور على حاجة تبقى ال quality بتاعت الصوت فيها كويسة عشان أبقى أنا و اللي بكلمه سامعين بعض كويس, و في الموضوع ده Parrot هم تقريبا أحسن حاجة.

[MoStAfA-StabS]

شكرا لردك. بس أنا بدور على حاجة تبقى ال quality بتاعت الصوت فيها كويسة عشان أبقى أنا و اللي بكلمه سامعين بعض كويس, و في الموضوع ده parrot هم تقريبا أحسن حاجة.

+111

[asd7778]

طبعا parrot لا خلاف عليه
الافضل فى العالم فى مجال البلوتوث
بس انا شخصيا خايف من التركيب
فى بدائل كويسه عند راديوا شاك ب 500 ج
ودول ركب وشغل على طول
بس عيبهم انهم بيحتاجوا شحن كل فتره بس فتره كبيره مش بيخاصوا على طول
وكمان انك تفتح وتقفل البلوتوث لما تدخل وتخرج من العربيه
يا ريت يا جماعه لو حد ركب parrot يقلنا ركب فين والسعر
انا شوفته عند اربكوم ايه نظامهم ؟؟؟ وكفائتهم فى التركيب؟؟؟؟

[Wolfmoon]

شكرا لردك. بس أنا بدور على حاجة تبقى ال quality بتاعت الصوت فيها كويسة عشان أبقى أنا و اللي بكلمه سامعين بعض كويس, و في الموضوع ده Parrot هم تقريبا أحسن حاجة.

هشام باشا
صباح الفل
بص يا سيد الكل

أنا مركب عندى بلوتوث كاركيت بس مش باروت أنا مركب (Bury CC 9060) حاجه محترمه برضو ودى صورته

بص بقى عليك وعلى وليد قبارى
فى سيدى بشر وانت رايح على فندق رمادا
حتلاقيه على اليمين لازق فى مؤمن

حديك كمان رقم تليفونه

5485603

تتصل تسأل على عصام ده اللى بيركب أو على وليد قبارى وده صاحب المحل
بس قوله انك جبت البيانات دى من على منتدى نايل موتورز

ومبرووووووووووووك مقدمآ

[zizo50001]

طب يارجالة الشاشة اللى بتركب فى المراية بتقوم بنفس الغرض ولا اية