استفسـار ضرورى بخصوص 128

[Q_cupid_Q]

السـلام عليكـم ورحمـة الله وبركـاته

ازيكـوا يارب تكـونوا بـ خير

دى اول مشاركة ليا فى المنتـدى الجميل ده ويارب تفيدونى

انا شارى جـديد عربية 128 موديل 99 لونهـا ابيـض وهيـا كويسة حالتها كويسة وتمام
بس المشكلة فى شكلها
هيا زى ماتقولوا كدا قرعــة مفيـهاش اى حاجة تبيـن انها عربية شاب اللى يشوفها يحسها عربية حد كبير

كنت عاوز اظبطها كدا بـحيث تكون روشـة وشكلهـا حلـو

انا ماليييش اى خبـرة فى العربيـات خااااااالص .. بعـرف اسوق كويس وبس
يعنـى ياريت حد يساعدنى ويفيدنى فى المـوضوع ده
اجيبلهـا ايه بالظبـط وهيكلفنـى كـام الكلام ده واجيبه منين ويكون الكلام فى حدود المعقـول

وشكـرا ليكـوا ويارب حد يفيدنـى :)

وياريت لو حد من المنصورة يفيدنى اروح فين

[classboy]

من جوه معتقدش اللعب كتير في 128 ممكن تجيب بوجيهات رياضيه وسلوك ليها اسبلت فاير

ومن بره عفشه رياضيه وطقم جنط بكوتش ده اساسي ,,,,,,,,,وممكن كمان تنفخ وتركب اسبويلر حسب امكانياتك

وتعمل الفرش من الاول كراسي الطياره وطبعا لون الفرش ياكل مع لون العربيه وطقم صوووت

وفوانيس كرستال وزينون ,,,,,, وكده ان شاء الله عربيتك تبقي جااامده

وانا من المنصوره لو عاوز اي حاجه انا تحت امرك

بس كل حاجه حسب فلوسك شوف الاولويات بالنسبه ليك ايه وابدأ بيها

[Q_cupid_Q]

شكراااا بجد ليك ياباشا على ردك واهتمامك .. بس ياريت لو تعرف الحاجات دى هتكلفنى فى حدود كام كدا تفيدنـى وتعرفنـى

[محمد فريد]

سيبك من الحاجات المكلفة انا معايا 128 برضه وصراحة متستاهلش التعديل بس لو عايز تخليها شبابية فعلا انا هبدأ معاك من الاقل للاغلى
1- طاسات نظيفة - فى نوع عامل زى ميكون جنط كروم بس بيركب بافيز
2- البديل طبعا جنوط 13 على اد الكاوتش ولو كان الكاوتش رفيع هات العريض بتاعه
3- تهبط العربية شوية عند عفشجى هو بيقطع جزء من السوست وبيهبطها
4- جوز لمبات محترمة قدام او زينون مع تغيير الفوانيس لو مصفره او مكسورة ورا وقدام
5- اضاءة من جوه سماوى لو حبيت
6-فرش جلد بيج
7- كاسيت + سماعتين كينوود 400 وات او 4 سماعات زى ماتحب

ممكن تفيم ولو انه ممنوع ممكن الظهر فقط
الفوانيس الخلفية اديها فاميه اسود خفيف او احمر هيبقى شكلها جامد جدا
دواسات لميع فضى او ازرق
لك ان تختار وممكن تعمل حاجة حاجة مش كله مره واحده
ابدا بالفرش وبعدين الصوت وبعدين الجنوط
يلا سلاااااااااااام

[Q_cupid_Q]

محمد فريد

تسلم ياباشا بجد وجميل اوى ردك وان شاء الله هنزل اشوف الحاجات دى كدا واسـأل عليها .. وشكرا تانى ليك افدتنى بجد

معلش عنـدى استفسـار
لو عاوز اعمل كمان مع الحاجات دى اى شكل او كتابة على العربية من الجنب عالباب او قدام او ورا دى بتتعمل فين يعنى وممكن تكلف كام

[محمد فريد]

اى واحد بتاع دعاية واعلان (بتوع لافتات المحلات)
التكلفة حسب المساحه يعنى المتر بيحسبه عليا ب 30
مرة كنت عامل عنده استيكر بطول البابين على الجنبين اخد 30
كنت كاتب tito بطول العربية

[bbs]

بص ياباشا اول حاجه لازم تهبط العربيه عند عفشجي بص حوار التهبيط مش هيتكلف اكتر من 100ج وتجيب جنط 13 مش هيعدي 650ج بس ياريت تجيب جنط شكله حلو علي العربيه يعني تشوفه الاول عليها وتاني حاجه في اكصدمات نيكل حلوه اوي واحد صحبي مركبها في ال128 جامده والله بس مش عارف بكام وركب علبه شكمان نضيفه تليق علي شكل العربيه من وره مش هتزيد عن250ج بالتركيب وفيم الفونيس الي وره عسلي فاتح مش غامق وياريت تحط الفلنطوره بتاعه الشنطه السوده بتظبط الدهر اوي ياعم واعمل الفرش عند واحد سروجي مش هياخد اكتر من 550ج وجيب بئا الاكسسورات العاديه الي بئيه الناس بتحطها

[محمد فريد]

الفرش باى حالى من الاحوال الجلد من 250-300 متوسط يعنى وتركيبه 50 بالكتير اوى
علبة الشكمان الديفيل 100 جنيه فى التوفيقية
حوار التهبيط مش هتكلم فيه السعر مناسب جدا
الاكصدامات النيكل ب 180 الجوز
الفبرة اللى بتركب تحت الاكصدام الامامى ب 35 اللى عليها علامة r حمراء
بس الجنوط ب 650 جنيه دى مش مظبوط دول صناعه ايه يا باشا
الصينى بيبتدى من 800
والاندونيسى 950

[Q_cupid_Q]

bbs

تسلم ياباشا والله انتا راجل جامد وانا هشوف الحاجات دى ان شاء الله وشكرا ليك جدا انتا افدتنى بكذا حاجة عاوز اعملهم

محمد فريد

انا مش عارف اشكرك ازاى والله انتا راجل جدع جدا تسلم والله عالاسعار والحاجات دى وربنا يخليك
كويس اوى انك عرفتنى الاسعار يعنى
وانا هنزل بكرة ان شاء الله اشوف الحاجات دى كدا يعنى واشوف هعمل ايه بقى

[محمد فريد]

بالتوفيق ان شاء الله