فيه ريموت بيشغل العربية عن بعد ؟

[askanas]

حد يقولي فيه ريموت بيتركب زي الانذار كده مثلا ؟ عشان لو عايز انزل الاقي العربية سخنانة

[thekiller]

انا شوفت جهاز كدة عند واحد بتاع استعمال خارج وهو عبارة عن سنتر وانزار ووحدة رفع وكمان تحكم فى الموتور وفصل الكهربا من الخارج ومعاة مايك وسماعة داخل العربية بيركبو علشان لو عاوز تكلم اللى قاعد فى العربية وانت برة وموجود فية برنامج للسرقة بيدى استدعاء على تليفونك مباشرة(يعنى ممكن تكلم اللى بيسرق العربية وهو بيسرقها) والجهاز دة بيشتغل على الموبايل ببرنامج على اسطوانتة وكان بحوالى 2700 جنية

[askanas]

ههههههههههه بس انا عشان اجيب الجهاز ده لازم ابيع العربية :d

انا العايز اعملو فكرة ابسط من كده خالص ... يعني انذار العربية بيتوصل بسلك الفوانيس مثلا عايز اوصله بسلك الكونتاكت ادوس من فوق ( بيتي ) يشتغل من تحت ( العربية )

[thekiller]

هههههههههههههههههه هو اكيد الجهاز اللى انا بقوللك علية ملوش اضرار لانو كمبيوتر لكن فكرتك دى ربنا يستر على العربية ..يعنى لو حبيت تطفيها هتعمل اية ولو حبيت تتاكد انها مقفولة فساعات بتفتح وتقفل اية ظروف الماتور هنا ولو مثلا واحد فى الشارع عرف ان العربية بتدور من الريموت مع الفتح تفتكر ممكن تلاقيها وانت على السلم ولو السنتر علق هيبقى موقفو اية الماتور وشوية مشاكل تانية مش عاوز اقولهالك ههههههههههههه
ا

[banboty]

فيه انذارات فيها خاصية اضافة وحدة تشغيل السيارة بواسطة الريموت زي اجهزة الولف و تقريبا بيوصل سعره الى 450 جنيه بالتركيب ..

وطبعا بيبقى زرار في الريموت بتضغط عليه من غير اما السنتر يفتح , بس لازم تكون عربيتك مجهزة بالسخان الاتوماتيك ( اللى بيسخن العربية و يعلى الار بي ام اتوماتيك اول اما تدور الصبح ).

[mrghost]

انا عاملها عندى فى الشاهين اشترتيت انذار موتوسيكل صينى وركبته ووصلته على الكونتاكت

[KSA2011]

من اكتر من 8 سنين كنت باخد درس انجليزى عند مدرس كان عنده دايو لانوس اول ما نزلت و كان بيشغل العربيه والموتور فعلا برموت صغير ومن وقتها ما شفتش الموضوع ده ولا مره

[ehab49]

انذار موتوسيكل صينى وتركبه ووصلته على الكونتاكت عند اي كهربائي.

[askanas]

شكرا اوي يا جماعة هو دددددددده انذار موتوسيكل .. طب اشتريه منين بسعر حنين ؟

[D . a .\ AYMAN]

فيه انذارات فيها خاصية اضافة وحدة تشغيل السيارة بواسطة الريموت زي اجهزة الولف و تقريبا بيوصل سعره الى 450 جنيه بالتركيب ..

وطبعا بيبقى زرار في الريموت بتضغط عليه من غير اما السنتر يفتح , بس لازم تكون عربيتك مجهزة بالسخان الاتوماتيك ( اللى بيسخن العربية و يعلى الار بي ام اتوماتيك اول اما تدور الصبح ).

أنا عندي في البيجو جهاز إنذار فيه الخاصية دي وكنت ساعات بستخدمها بس كان بيلدع الأبلتين لأنه كان ممكن يفضل مشغل المارش وتكون العربية دارت بالفعل أو لسة ما دارتش لكن المارش شغال ومعلق ففصلته لكن الصراحة كان في معظم الأحوال بيبقى شغال

كنت مركبه تقريبا سنة 96 ماركة ولف وكان وقتها بـحوالي 400 جنيه مش فاكر قوي

بس فعلا مابلاقيش النوع ده خالص دلوقتي

[fady.bekatcho]

كنت بشوفها زمان من 8 سنين او كتر عند واحد جارنا

كانت مرسيدس

[tarekmomo]

ايوة فية قريبى كان عندة جهاز انذار بيدور العربية عن بعد وعلى فكلرو هو بيعمل مشاكل ممكن تكون ناسى وسايب العربية معشقة ووتيجى تدور عن طريق الريموت والعربية تتحرك او اى طفل يلعب فية

[جمال]

كان عندى من زمان و كنت مركبه فى سيارة دايو اسبيرو
وكنت شاريه ايامها من اسكندرية بحوالى 300 ج ( سنة 1994 تقريبا ) ومش عارف موجود دلوقتى ولا لأ
وكان بيشغل العربية ويشغل التكييف ( آخر دلع )
ومحصلش منه اى مشاكل لانه كان متركب مع فرامل اليد يعنى لازم تكون شادد الفرامل علشان يشتغل

[medo_sirion]

ياجماعة الانذار دة موجود بس انتوا نسين حاجة مشبيركب الا للعربيات الاوتومتك
ومش بيدور الا لما العربية بتكون على p

[banboty]

أنا عندي في البيجو جهاز إنذار فيه الخاصية دي وكنت ساعات بستخدمها بس كان بيلدع الأبلتين لأنه كان ممكن يفضل مشغل المارش وتكون العربية دارت بالفعل أو لسة ما دارتش لكن المارش شغال ومعلق ففصلته لكن الصراحة كان في معظم الأحوال بيبقى شغال

كنت مركبه تقريبا سنة 96 ماركة ولف وكان وقتها بـحوالي 400 جنيه مش فاكر قوي

بس فعلا مابلاقيش النوع ده خالص دلوقتي

ما هو لازم الابلاتين يلدع لان مفيش سخان يخلى العربية تلقط علطول مع اول تدويرة مارش