ادخلوا و ساعدوني في تعديل عربيتي

[doda112a]

السلام عليكم
يا جماعة انا جبت فيرنا بيضا زيرو و الحمد لله معايا مبلغ كويس لتعديلها فياريت نتناقش و نشوف اعمل فيها ايه و علي فكرة انا من المنصورة و عاوز الشغل يكون فالمنصورة عشان ماليش فالسفر
اولا الجنوط
انا كنت عاوز اركب 17 بس ناس كتير قالت بلاش فانا هركب16 مع العلم ان الاصلي 14 انا عاوز اعرف سعر الطقم و الكاوتش بتاعه و احسن مكان اجيب منه و تاثيره عالعربية
ثانيا طقم الصوت
انا عاوز اعرف ايه احسن نوع كاسيت اجيبه و مش مهم الفلوس و انا عاوز اركب 2 بازوكا مع اربع سماعات بيضاوي هل سيكون الصوت قوي و ايه الانواع و الاسعار
ثالثا الفرش
انا عاوز اعمل العربية كلها من جوة فرش احمر فاسود و التابلوه و السقف اعملهم فين و بكام
رابعا ومعلش انا طولت السبويلر السبور منين و بكام
خامسا
انا بشوف ناس عالنت مخلية شبكة العربية نازلة و واخدة وش العربية كله يعني الشبكة بدل مهية صغيرة و جنب الفوانيس بيكبروها ويخلوها نازلة لغاية تحت شبه البوء الفم يعني و في ناس هنا بتعملها باستيكر اسود حد يعرف يقولي فين و بكام
معلش انا طولت بس عايز اعرف التفييم الاسود الغامق بشوف منه بليل و انا راكب من جوة و لا لا و انا مش هركب بودي كيت عشان المطبات و عشان العربية هيركب فيها ناس كتير و شكرا و مستني الردود

[doda112a]

دي اول مشاركة ليا فمحدش يبخل بالرد

[doda112a]

انا بجد زعلت عشان محدش عبرني

[nedaloo]

اولا الف مبروك ياباشا وربنا يباركلك فيها وانا رح احاول ساعدك بس على قدي وانا مارح اقدر اعطيك اسعار لأن انا من سوريا
بالنسبة للجنوط اولا لاتشتري جنوط صيني اشتري جنوط اصلية من ماركة محترمة زي مومو مثلا وانتبه على الاوفسيت بتاعه ان يكون نفس الاوفسيت بتاع الجنط الحديد اللي عندك او رقم قريب جدا منه والكاوتش بريد جستون حصرا واظن ان القياس المناسب 205/50/16 ومافيش تأثير على العفشة طالما الجنط اصلي لان الجنط الاصلي مصنوع من مواد صلبه و خفيفة و انتبه الى رقم الاوفسيت حتى ماتتبهدل عفشة عربيتك

وبالنسبة لمجموعة الصوت برأيي تركب كاسيت بايونير fh-p6050up
نجي للسماعات اولا سماعات الابواب عندك بحجم 13 سم هنركب سماعتين 180 واط طبعا تكون التويترات مدمجة معهم وهنوصلهم على الكاسيت نجي بقا للسماعات الخلفية هنركب لوح خشب بدل اللوح الاساسي اللي فوق الشنطة وهنركب اربع سمعات بايونير مقاس 6*9 460 واط وهنوصلهم على جي ام 1200 واط 4 قنوات بالنسبة للبازوكا هنركب 2 بازوكا jpl 1000 واط وهنوصلهم على 2 جي ام 760 واط وطبعا هتحتاج بطارية تانية تنحط بالشنطة كده هيكون عندك عدة صوت جامدة جدا

نجي بقا لموضوع الفرش برأيي ماتلعب بالتابلوه لسى العربية جديدة اعمل فرش جلد احمر*اسود عند سبير كار مابعرفش اذا كان بالمنصورة

السبويلر ماعنديش فكرة بس اسأل بمحلات الاكسسوارات

بالنسبة للفيميه بلاش لأن دا يحتاج رخصة وممنوع من المرور وانا برأيي اذا ضروري الفيميه فيم زيرو ولاتفيم البلور الامامي ابدا

بالنسبة لموضوع الشبكة نحنا عندنا بسوريا في شركات تعديل مختصة و بيعملو تعديل على الاكصدام الاساسي مش استيكرز يعني واذا قررت تعمل الشبكة اسأل شركات التعديل و ركب سكيرت على الاكصدام الامامي و سكيرت على العتب الجانبي تحت البابين و سكيرت على الاكصدام الخلفي واعملها ب 2 شكمان / شكل وبس / وركب لمبات فيليبس رالي في الفوانيس الامامية وكشافات الضباب

ولو عاوز تزود اداء الموتور ركب فلتر هواء رياضي سيموتا أو k&n مع بوجيهات سبليت فير مع سلوك سبليت فير مع شكمان كامل ديفل من الهيدر للعلبة الخلفية مقاس 2.5 بوصة

كده هتبقى عربيتك تحفة وماتزعلش ياباشا اظن ان الاعضاء ماشافوش الموضوع واي استفسار تاني انا تحت امرك ياباشا تحياتى

[doda112a]

شكرا علي ردك

[faraha]

موضوع مفيد شكرا